Planet Earth

നമ്മുടെ ഭൂമിയുടെ സസ്യോഷ്‌ണശാലയായ, "കാട്" (Jungle) ആണിത്‌.

"ഉഷ്ണമേഖല മഴക്കാട്" (Tropical Rainforest).

ഭൂമിയിലെ കരപ്രദേശങ്ങളുടെ, 3 ശതമാനം മാത്രമാണ് ഇത്തരം വനങ്ങള്‍.

എന്നിട്ടും, ലോകത്തിലെ പകുതിയിലധികം വര്‍ഗങ്ങളില്‍പ്പെട്ട ജീവജാലങ്ങള്‍ ഇവിടെയാണുള്ളത്.

പക്ഷേ, ഇത്രയും വ്യത്യസ്ത തരത്തിലുള്ള സസ്യങ്ങളും, മൃഗങ്ങളും...

എങ്ങനെയാണ്, ഇവിടെയിങ്ങനെ ഒന്നിച്ചു കഴിയാനുള്ള സ്ഥലം കണ്ടെത്തുന്നത്?

കാടുകള്‍

ഇരുട്ടില്‍, ഈര്‍പ്പം നിറഞ്ഞ വന നിലത്ത്...

"കാട്", നിര്‍ജീവമാണെന്ന് തോന്നും.

ഇവിടെ നിങ്ങള്‍ കേള്‍ക്കുന്ന ശബ്ദങ്ങള്‍ മാത്രമാണ്, പലപ്പോഴും ജീവന്റെ ഏക അടയാളങ്ങള്‍.

"ബേഡ് ഓഫ് പാരഡൈസ്‌" (Bird of Paradise) വര്‍ഗത്തില്‍പ്പെട്ട ഒരു നീല ആണ്‍കിളി, ഇണയ്ക്കായി പരസ്യം ചെയ്യുകയാണ്.

അതൊരു പ്രകടനം തന്നെയാണ്.

പക്ഷേ, ഇണയുടെ ശ്രദ്ധ പിടിച്ചു പറ്റാന്‍ ശ്രമിക്കുന്ന, ഇവിടെയുള്ള ഏക പക്ഷി അവന്‍ മാത്രമല്ല.

"ന്യൂ ഗനിയ"യിലെ (New Guinea) ഈ ദ്വീപില്‍, എതാണ്ട് 40തിനടുത്ത് ഇനങ്ങളില്‍ പെട്ട പക്ഷികളുണ്ട്.

മറ്റുള്ളവയില്‍ നിന്നും വ്യത്യസ്തമായ, വിചിത്രമായ പ്രദര്‍ശനമാണ് ഓരോരുത്തര്‍ക്കുമുള്ളത്.

"ബേഡ് ഓഫ് പാരഡൈസ്‌" വര്‍ഗത്തില്‍പ്പെട്ട, "റൈഫിള്‍" പക്ഷിയാണിത്. (Riflebird of Paradise)

ധാരാളം വന്യ ജീവികള്‍ ചെയ്യുന്നത് പോലെ, പരസ്പരമുള്ള ഏറ്റുമുട്ടലുകള്‍, ഈ പക്ഷികളും ഒഴിവാക്കും.

വനത്താല്‍ നിറഞ്ഞ ദ്വീപിന്റെ, വ്യത്യസ്ത ഭാഗങ്ങളില്‍ ജീവിച്ചാണ് ഇവരിത് സാധ്യമാക്കുന്നത്.

ഈ പക്ഷി (Six Plumed Bird of Paradise), വന നിലത്ത് പ്രത്യേകം തയ്യാറാക്കിയ സ്ഥലത്ത്, പ്രകടനം നടത്തുകയാണ്.

കുറ്റിക്കാടുകളുടെ താഴ്ന്ന ശിഖരങ്ങളില്‍ ജീവിക്കാനാണ്, ഈ പക്ഷികള്‍ ആഗ്രഹിക്കുന്നത്.

അവന്റെ ഇണ, അടക്കത്തോടെയാണ് വസ്ത്രം ധരിച്ചിരിക്കുന്നത്.

ആണ്‍ പക്ഷിക്ക്, നല്ലൊരു ജോഡി ശ്വാസകോശമുണ്ട്.

പക്ഷേ, ഇണയെ ആകര്‍ഷിക്കണമെങ്കില്‍, കണ്‍പോളകളുടെ തുടിപ്പിക്കലിനുമപ്പുറം, മറ്റു പലതും അവന് ചെയ്യേണ്ടി വരും.

എല്ലാം, അവന്റെ പ്രകടനത്തെ ആശ്രയിച്ചാണിരിക്കുന്നത്‌.

കാഴ്ച്ചയില്‍ മൂഡന്മാരെപ്പോലെ തോന്നുമെങ്കിലും, പെണ്‍പക്ഷികള്‍ തിരഞ്ഞെടുപ്പിന്റെ കാര്യത്തില്‍ അതീവ ശ്രദ്ധാലുക്കളാണ്.

സൂക്ഷ്മനിരീക്ഷണത്തിനുള്ള സമയമാണിത്.

അവന്റെ വലതു വശം കണ്ടിട്ട് കുഴപ്പമില്ല. പക്ഷേ ഇടതുവശം എങ്ങനെയുണ്ട്?

അവന് ആകര്‍ഷകത്വം ഉണ്ട്. പക്ഷേ, പ്രൗഢി ഇത്രയും മതിയോ?

അവളുടെ വിടവാങ്ങലില്‍, കാര്യം വ്യകത്മാണ്.

ഇങ്ങനെ "തിരഞ്ഞെടുക്കല്‍" നടത്തുന്ന, പെണ്‍ പക്ഷിയുടെ തലമുറകളാണ്, അസാധാരണമാം വിധം ഭംഗിയുള്ള...

ആണ്‍ കിളികളുടെ പരിണാമത്തിന് കാരണമായത്‌.

ആണ്‍ കിളി എത്രയും കൂടുതല്‍ ആഡംബരപൂര്‍ണ്ണമാണോ, അവന്‍ ശ്രദ്ധിക്കപ്പെടാനുള്ള സാധ്യതയും ഏറെയാണ്‌.

ഭൂമധ്യരേഖയിലൂടെ ഭൂമിയെ ചുറ്റുന്ന, ഉഷ്ണമേഖല ഭൂഭാഗത്താണ് "ന്യൂ ഗനിയ" (New Guinea) സ്ഥിതി ചെയ്യുന്നത്.

വര്‍ഷത്തിലെ 365 ദിവസവുമുള്ള സമൃദ്ധമായ മഴയും, 12 മണിക്കൂറുള്ള സൂര്യ പ്രകാശവും കാരണം...

ഇവിടെ മഴക്കാടുകള്‍ തഴച്ചു വളരും.

അത്ഭുതകരമെന്ന് പറയട്ടെ, സൂര്യപ്രകാശത്തിന്റെ "രണ്ട്" ശതമാനം മാത്രമാണ് വനത്തിന്റെ നിലത്തേക്കെത്തുന്നത്.

അങ്ങനെയുള്ള ഈ നിലത്ത്, തൈകള്‍ വളരുക വളരെ പ്രയാസമാണ്.

പക്ഷേ, ഈ അവസ്ഥ സ്ഥിരമായുള്ളതല്ല.

ഒരു വന ഭീമന്റെ മരണം, എപ്പോഴും സങ്കടകരമാണ്.

പക്ഷേ, വനം ആരോഗ്യമായിരിക്കാന്‍, അത് സംഭവിച്ചേ മതിയാവൂ.

സൂര്യപ്രകാശത്തിന്റെ പെട്ടന്നുള്ള ലഭ്യത, വന നിലത്തേക്ക് ജീവനുകളെ എത്തിക്കും.

മഴക്കാടിന്റെ ഒരു ഹെക്ടര്‍ സ്ഥലത്തിന്, 250തോളം വര്‍ഗ്ഗങ്ങളില്‍ പെട്ട മരങ്ങളെ സംരക്ഷിക്കാനാകും.

ബ്രിട്ടനില്‍ വളരുന്ന മരങ്ങളുടെ എണ്ണത്തിനേക്കാള്‍, പത്തിരട്ടിയിലധികമാണിത്.

പ്രകാശത്തിനു വേണ്ടിയുള്ള ദാഹം, സൂര്യപ്രകാശമുള്ള സ്ഥലത്തിന് വേണ്ടിയുള്ള മത്സരമായി മാറിയിരിക്കുകയാണ്.

നഷ്ടപ്പെടുത്താന്‍ സമയമില്ല.

കുറച്ചു ദിവസങ്ങള്‍ക്ക് മുന്‍പ് മാത്രം വീണൊരു വിത്താകാം ഇത്. ചപ്പുചവറുകള്‍ക്കിടയിലൂടെ, അതിപ്പോള്‍ മുളപൊട്ടുകയാണ്‌.

മത്സരാര്‍ത്ഥികള്‍ ഒരുപാടുള്ളത് കൊണ്ട്, മികച്ച തുടക്കം നിര്‍ണ്ണായകമാണ്.

വളരെ അപൂര്‍വ്വമായ, ഇത്തരം അവസരങ്ങള്‍ ഉപയോഗപ്പെടുത്താന്‍...

ഓരോ ചെടിക്കും, അതിന്റേതായ തന്ത്രങ്ങളുണ്ട്.

"ഹാര്‍ഡ്‌വുഡി"ന്റെ (Hardwood) വിത്തുകള്‍, അതിവേഗം മുളയ്ക്കുന്നതാണ്.

പക്ഷേ, നാടോടിക്കഥയിലെ ആമയെപ്പോലെ, "പയ്യെ തിന്നാല്‍, പനയും തിന്നാം", എന്ന വളര്‍ച്ചാ തന്ത്രമാണ് ഇവര്‍ പ്രദര്‍ശിപ്പിക്കുന്നത്.

വൈന്‍ ചെടിയും, പടരുന്ന മറ്റ് വള്ളികളും, തങ്ങളുടെ മുഴുവന്‍ ഊര്‍ജ്ജവും, വണ്ണം വെയ്ക്കുന്നതിനേക്കാള്‍ കൂടുതല്‍, ലംബമായി വളരാനാണ്‌ ചിലവഴിക്കുന്നത്.

എന്നിരുന്നാലും, അവര്‍ നന്നായി പിന്താങ്ങപ്പെട്ടേ മതിയാവൂ.

വള്ളികളുടെ തന്ത്രം കുഴപ്പം പിടിച്ചതാണന്ന് തോന്നുമെങ്കിലും, അവരുടെ ഉന്മാദത്തിലും ഒരു പദ്ധതിയുണ്ട്.

അവരുടെ വളരുന്ന അഗ്രങ്ങള്‍, ഊരാക്കുടുക്കുള്ള കയറിനെപ്പോലെ വളയുകയും...

നങ്കൂരമിടാന്‍ അച്ചുതണ്ടുകള്‍ തിരയുകയുമാണ്.

തണ്ടുകളില്‍, ഇവ വലയങ്ങള്‍ സൃഷ്ടിക്കും.

അതുകൊണ്ട് തന്നെ, ഇവരെ പിന്താങ്ങുന്ന സസ്യം നീങ്ങിയാലും, വലയങ്ങള്‍ മുറിഞ്ഞു പോകുന്നതിന് പകരം, കൂടുതല്‍ വലിയുകയാണ് ചെയ്യുക.

തുറസ്സായ സ്ഥലം ആദ്യമായി നിറയ്ക്കുന്ന മത്സരത്തില്‍, ഈ ഘട്ടത്തില്‍ മുന്നിട്ടു നില്‍ക്കുന്നത്...

"മാക്കരാങ്കസ്"നെപ്പോലുള്ള (Macarangas), വഴിയൊരുക്കുകലുകാരാണ്.

അവരുടെ അതിബൃഹത്തായ ഇലകള്‍, വലിയൊരളവില്‍ സൂര്യപ്രകാശത്തെ സ്വീകരിക്കും. ഇത് വളര്‍ച്ചയെ ത്വരിതപ്പെടുത്തുകയും ചെയ്യും,

ഇതുമൂലം, ഒരു വര്‍ഷം 8 മീറ്ററോളം ഉയരത്തില്‍ വളരാന്‍, "മാക്കരാങ്കസി"നു (Macarangas) കഴിയും.

ഏറെക്കുറെ എല്ലാ എതിരാളികള്‍ക്കും മുകളിലേക്കവ, ഇങ്ങനെ കുതിച്ചു കയറും.

ഉയര്‍ന്ന സ്ഥാനത്തിനു വേണ്ടിയുള്ള പന്തയത്തില്‍, ആദ്യം നൂറുകണക്കിന് മത്സരാര്‍ത്ഥികള്‍ ഉണ്ടാവും.

എങ്കിലും, കുറച്ചു പേര്‍ മാത്രമേ പൂര്‍ണ്ണ വളര്‍ച്ചയിലെത്തുകയുള്ളു.

കുറഞ്ഞു വരുന്ന പ്രകാശം, ഇവരുടെ വളര്‍ച്ചയെ വെട്ടിച്ചുരുക്കും.

നാലു വര്‍ഷത്തില്‍ താഴെ സമയം കൊണ്ട്, വിടവ് ഇല്ലാതായിട്ടുണ്ടാകും.

പക്ഷേ, അത് മത്സരത്തിന്റെ അവസാനവുമല്ല.

മന്ദമായാണെങ്കിലും, നിരന്തരം വളരുന്ന "ഹാര്‍ഡ്‌വുഡ്"കളാണ് (Hardwood) ആത്യന്തികമായ വിജയികള്‍.

ഹ്രസ്വകാലം മാത്രം അതിജീവിച്ച, മുന്‍ഗാമികള്‍ ഇല്ലാതായപ്പോള്‍...

"ഹാര്‍ഡ്‌വുഡ്"കള്‍ (Hardwood), അവയുടെ സ്ഥാനം ഏറ്റെടുക്കുകയായിരുന്നു. ഈ മരത്തെ പോലെ, 50 മീറ്റര്‍ വലിപ്പമുള്ളവയാണവര്‍.

ഇനിയൊരു 200 വര്‍ഷം, ഇവ സൂര്യനു കീഴിലെ ഈ സ്ഥലം നിലനിര്‍ത്തിയേക്കാം.

ഏറ്റവും മുകളിലാണ്, "വൃക്ഷത്തലപ്പുകളുടെ വിതാനം" (Canopy). കാടിന്റെ "എഞ്ചിന്‍" മുറിയാണിത്.

മഴക്കാടുകളിലെ കൂടുതല്‍ മൃഗങ്ങളുടേയും ജീവിതം, ഈ ഉയരത്തിലാണ് കണ്ടെത്താനാവുക.

പ്രകടമായ രീതിയില്‍ തന്നെ സസ്യഭക്ഷണത്തിന്റെ സമൃദ്ധിയുണ്ടെങ്കിലും, ഇവയുടെ ശേഖരണം എളുപ്പമാകില്ല.

യഥാര്‍ത്ഥമായ ഋതുഭേദങ്ങളില്ലാതെ...

ഓരോ ചെടിയും, വര്‍ഷത്തിന്റെ വിവിധ സമയങ്ങളില്‍ കായ്ക്കുകയും, പുഷ്പ്പിക്കുകയും ചെയ്യും.

ഇതുമൂലം, ഭക്ഷണം വളരെ വിശാലമായി ചിതറിപ്പോയിരിക്കുകയാണ്.

"ടാമറിന്റ്" (Tamarind) എന്നറിയപ്പെടുന്ന ഇത്തരം കുരങ്ങന്മാര്‍ക്ക്‌, എല്ലാത്തരം ഭക്ഷണത്തിനുമായി "വിതാനത്തില്‍" (Canopy) അന്വേഷിച്ചേ മതിയാവൂ.

അല്ലാത്തപക്ഷം, ഇവ അതിജീവിക്കുകയില്ല.

പക്ഷേ, ഭൂമിയിലെ എല്ലാ മഴക്കാടുകളിലുമുള്ളതും, എപ്പോഴും പ്രതീക്ഷ നിലനിര്‍ത്തുന്നതുമായ...

കായ്ക്കുന്ന ഒരു തരം മരമുണ്ട്. അത്തി മരം (Fig Tree).

എവിടെയൊക്കെ വളരുന്നോ, അവിടെയെല്ലാം ഒരു കാന്തം പോലെ, വൈവിധ്യമാര്‍ന്ന ധാരാളം മൃഗങ്ങളെ ഇവ ആകര്‍ഷിക്കും.

ഇവിടെ "ആമസോണി"ല്‍ (Amazon), ആദ്യം പ്രത്യക്ഷപ്പെടുന്നത് "സ്പൈഡര്‍" (Spider) കുരങ്ങന്മാരാണ്.

അത്തിപ്പഴം നല്ലതുപോലെ കഴിക്കുന്നവരാണ്, ഈ വലിയ ആള്‍ക്കുരങ്ങുകള്‍.

പക്ഷേ, അവര്‍ക്കു മാത്രമായി, കൂടുതല്‍ നേരത്തേക്ക് ഈ വൃക്ഷം ലഭിക്കില്ല.

വലിപ്പം കുറഞ്ഞ "എമ്പറര്‍ ടാമറിന്റ്"കളെപ്പോലെ (Emperor Tamarind)...

മറ്റുള്ളവര്‍ക്കും പങ്ക് വേണ്ടിവരും.

"ടാമറിന്റ്"കള്‍ക്കും (Tamarind) അത്തിപ്പഴം ഇഷ്ടമാണ്. പക്ഷേ, വലിപ്പം കുറഞ്ഞവരായതിനാല്‍, ഇവരെ വേഗത്തില്‍ പേടിപ്പിച്ചു വിടാനാകും.

"സ്ക്യുരല്‍" (Squirrel) കുരങ്ങന്മാരും, വലിപ്പത്തില്‍ ചെറുതാണ്. പക്ഷേ, എണ്ണത്തിന്റെ ശക്തി ഇവര്‍ക്കുണ്ട്.

മരത്തില്‍, ഇവര്‍ക്ക് ലഭിക്കുന്ന സമയവും, ചിലപ്പോള്‍ ഹ്രസ്വമാകാം. ഇതു മൂലം, ഇവരുടെ കൂടുതല്‍ തന്ത്രങ്ങളും, "തട്ടിയെടുക്കല്‍" രീതിയിലാണ്.

ഈ വനത്തിലെ വഴക്കാളികളാണ്, "കാപ്പുച്ചിന്‍" (Capuchin) കുരങ്ങന്മാര്‍.

പഴുത്ത "അത്തിപ്പഴ"ങ്ങളെല്ലാം, അവര്‍ക്ക് തന്നെ വേണം.

വര്‍ഷത്തില്‍ മുഴുവനും കായ്ക്കുന്ന, ചുരുക്കം വൃക്ഷങ്ങളിലൊന്നാണ് ഇത്തരം "അത്തി"മരങ്ങള്‍.

ഇതു മൂലം, ഭക്ഷണ ക്ഷാമം ഉണ്ടാകുമ്പോഴും, അത്തിപ്പഴങ്ങള്‍ ഒരിടത്തല്ലെങ്കില്‍, മറ്റൊരിടത്ത് എപ്പോഴും ലഭ്യമായിരിക്കും.

ഇല ഭക്ഷിക്കുന്നവരായ "ഹവ്ലര്‍" (Howler) കുരങ്ങന്മാര്‍ക്ക്‌ പോലും, ഈ പഴങ്ങള്‍ നഷ്ട്ടപ്പെടുത്താനാവാത്ത വിധം മികച്ചതാണ്.

"ഹവ്ലര്‍" (Howler) കുരങ്ങന്മാര്‍ വലിപ്പമുള്ളവരായതിനാല്‍, ഇവരെ ഒഴിവാക്കി വിടാന്‍, "കാപ്പുച്ചിന്‍" (Capuchin) കുരങ്ങന്മാര്‍ക്ക് കഴിയില്ല.

അത്തിപ്പഴങ്ങള്‍ വളരെ പ്രശസ്തമായതിനാല്‍, 44 വ്യത്യസ്ത തരം പക്ഷികളും, കുരങ്ങന്മാരും...

വ്യത്യസ്ഥ സമയക്രമങ്ങളിലായി, ഒരൊറ്റ മരത്തില്‍ ജോലിയെടുക്കുന്നതായിട്ടാണ് കാണുന്നത്.

കായ്ക്കുന്ന മരങ്ങള്‍ വളരെ വിലപ്പെട്ടതായതിനാല്‍, കൂടുതല്‍ കുരങ്ങന്മാരും പ്രാദേശികമായി (Territorial) ജീവിക്കുന്നവരാണ്.

നിങ്ങള്‍ വൃക്ഷത്തിന്റെ മുകളിലാണ് താമസിക്കുന്നതെങ്കില്‍...

ഒരുപക്ഷേ, നിങ്ങളുടെ പ്രദേശത്തിന്റെ അവകാശം സ്ഥാപിക്കാന്‍, കൂവലിനേക്കാള്‍ നല്ലൊരു വഴിയില്ല.

പ്രബലരായ ആണ്‍കുരങ്ങും, പെണ്‍കുരങ്ങും തമ്മിലുള്ള യുഗ്മഗാനമായിട്ടാണ്...

"സിയാമങ്ങ് ഗിബണുകളുടെ" (Siamang Gibbon), ഈ കൂവല്‍ ആരംഭിച്ചത്.

മറ്റുള്ള കുടുംബാംഗങ്ങളും ചേര്‍ന്നതോടെ, ഇതൊരു ഉന്മാദ പ്രവര്‍ത്തനമായിരിക്കുന്നു.

ഈ കൂവലുകളിലൂടെ ഇവര്‍ നല്‍കുന്ന സന്ദേശം, ഒരു മൈലിലധികം ദൂരം വരെ വ്യക്തമാണ്.

അയല്‍ക്കാരായ "സിയാമങ്ങു"കളോട് (Siamang), ഇത് തങ്ങളുടെ പ്രദേശമാണെന്നും, ഇവിടേക്ക് വരരുതെന്നുമാണ് ഇവര്‍ പറയുന്നത്.

ഈ ഉയരത്തില്‍, "സിയാമങ്ങു"കളുടെ (Siamang) കൂവലുകളാണ്, പ്രബലമായ തോതില്‍ അന്തരീക്ഷത്തില്‍ മുഴങ്ങുന്നത്.

സ്വന്തം ശബ്ദം കേള്‍പ്പിക്കാന്‍ ശ്രമിക്കുന്ന, എണ്ണിത്തിട്ടപ്പെടുത്താനാവാത്തവണ്ണം ജീവികള്‍...

അവിശ്വസനീയമായ വൈവിധ്യമുള്ള, ഈ വനത്തിലുണ്ട്.

താഴേക്ക്‌ വരുന്തോറും, വനത്തിന്റെ ഓരോ പാളിയും, ഒരു വ്യത്യസ്ഥ ശബ്ദത്തെ കേള്‍പ്പിക്കുന്നതായിട്ടാണ് കാണുന്നത്.

പുലര്‍ക്കാലത്ത്, വനങ്ങള്‍ വിശിഷ്യാ ശബ്ദമുഖരിതമായിരിക്കും.

തണുത്ത വായുവില്‍, ശബ്ദം കൂടുതല്‍ സഞ്ചരിക്കും.

പക്ഷേ, ഇത്തരം ഇടതൂര്‍ന്ന സസ്യജാലങ്ങളിലൂടെ, കൂടുതല്‍ ദൂരേയ്ക്കെത്താന്‍ ചില ശബ്ദങ്ങള്‍ക്കാവും.

ആണ്‍ "ഓറങ്കുട്ടാന്റെ" (Orangutan) താണ സ്വരത്തിലുള്ള, ഗഹനമായ എകാന്തഗാനം ഇതിനുദാഹരണമാണ്.

പകലിന്റെ പകുതിയില്‍, ചെറിയ അനക്കങ്ങള്‍ മാത്രമേ വനത്തിലുണ്ടാവുകയുള്ളു.

കനമേറിയതും, ചൂടേറിയതുമായ വായു, ശബ്ദത്തിനെ അടിച്ചമര്‍ത്തുന്നത് മൂലമാണ് ഇത് സംഭവിക്കുന്നത്‌.

അപരാഹ്നം (Afternoon) മുന്നോട്ട് പോകുന്നതോടെ, പുതിയ പാട്ടുകാര്‍ കൂട്ടമായി രംഗത്തെത്തും.

പ്രാണികള്‍ കൃത്യമായ ലയത്തിലാണ് പ്രവര്‍ത്തിക്കുന്നത്. തങ്ങളുടെ ശബ്ദങ്ങള്‍, മറ്റുള്ളവരുടെ ശബ്ദങ്ങളുടെ ഇടവേളയില്‍ തന്നെ ഇവര്‍ വീഴ്ത്തും.

കൂടുതല്‍ പാട്ടുക്കാരും, കൃത്യമായ സമയപ്പട്ടിക പിന്തുടരുന്നവരാണ്.

കൃത്യം ആറു മണിക്ക് തന്നെ, ചീവീടുകളുടെ (Cicada) ഗാനം തുടങ്ങിയിരിക്കുന്നു. ‌

രാത്രി, പൂര്‍ണ്ണമായും പുതിയ താളമേളക്കാരെയാണ് കൊണ്ടുവരുന്നത്.

മത്സരിച്ചുള്ള ഇത്തരം അപശ്രുതികള്‍, കര്‍ണ്ണകഠോരമാണെന്ന് നമുക്ക് തോന്നിയേക്കാം.

പക്ഷേ, തവളകളുടെ ചെവികള്‍, അവരുടെ വര്‍ഗ്ഗക്കാരുടെ ശബ്ദം കേള്‍ക്കാന്‍ മാത്രമായി ക്രമീകരിക്കപ്പെട്ടതാണ്.

വിവാഹാഭ്യര്‍ത്ഥനയുടെ ഗാനങ്ങള്‍, ചുറ്റുപാടെല്ലാം മുഴങ്ങുന്നുണ്ട്.

ആണ്‍ തവളകള്‍ (Male Gliding Leaf Frog),വൃക്ഷത്തലപ്പുകളില്‍ നിന്ന് കുതിച്ചു ചാടുകയാണ്.

വീഴ്ച്ചയുടെ വേഗത കുറയ്ക്കാന്‍, വിശാലമായ തോല്‍പ്പാദങ്ങള്‍ അവര്‍ പാരച്യൂട്ടുകളായി ഉപയോഗിക്കും.

വൃക്ഷത്തില്‍ ജീവിക്കുന്ന ഇത്തരം വലിയ തവളകള്‍, ജീവിതത്തിന്റെ കൂടിയ പങ്കും ചിലവഴിക്കുന്നത് ഉയര്‍ന്ന വിതാനങ്ങളിലാണ്.

പ്രജനന സമയത്ത് മാത്രമാണ്, ഇവ താഴേക്കെത്തുന്നത്.

നിലത്തെത്തിയാല്‍, ഇതുവരെ കാണാത്ത ഇണകളെ, പ്രേമഗാനങ്ങളിലൂടെ ഇവര്‍ ആകര്‍ഷിക്കാന്‍ തുടങ്ങുന്നു.

പെണ്‍ തവളകള്‍ക്ക്, തങ്ങളുടെ നീക്കം നടത്താനുള്ള സമയമാണിത്.

വരന്മാര്‍ക്ക് ഒരു പഞ്ഞവുമില്ല. പക്ഷേ, ഈ പെണ്‍ തവള, തന്റെ തിരഞ്ഞെടുക്കല്‍ ഇതിനോടകം തന്നെ നടത്തിയിട്ടുണ്ട്.

കൂടുതല്‍ ശബ്ദമെത്തുന്നത്, കൂടുതല്‍ വലിപ്പമുള്ള തവളയില്‍ നിന്നായതിനാല്‍, അവിടേക്കാണ് ഇവള്‍ പോകുന്നത്.

വലിപ്പമുള്ളതാണ് ഏറ്റവും നല്ലത്. പക്ഷേ, അവിടേക്കെത്താന്‍...

വലിപ്പം കുറഞ്ഞ വരന്മാരുടെ, ഇരുമ്പു കവചത്തെ മറികടക്കേണ്ടതുണ്ട്.

ഈക്കൂട്ടരുടെ, ഇണ ചേരാനുള്ള ഏക അവസരത്തിന്റെ സാധ്യത, തന്ത്രപരമായി ഒരു തടസ്സം സൃഷ്ട്ടിക്കുന്നതിനെ ആശ്രയിച്ചിരിക്കുന്നു.

അവന്‍ നേടിയിരിക്കുകയാണ്.

കൂടുതല്‍ പെണ്‍ തവളകള്‍, എപ്പോഴും വന്നുകൊണ്ടിരിക്കുന്നത് കൊണ്ട്...

വലിപ്പമുള്ള തവളയുടെ ശബ്ദം നിലയ്ക്കുന്നത് വരെ, പ്രവര്‍ത്തനങ്ങള്‍ തുടരും.

തെന്നിനീങ്ങുന്ന കാര്യത്തില്‍ നിര്‍ണ്ണായകമായ കാലുകള്‍, ഇപ്പോള്‍ മറ്റാവശ്യങ്ങള്‍ക്കാണ് ഉപയോഗിക്കുന്നത്.

രണ്ടു പേര്‍ നല്ല കൂട്ടായ്മയാണ്. പക്ഷേ, മൂന്നു പേര്‍ അസൗകര്യമാണ്.

പക്ഷേ, എങ്ങനെയായാലും, എല്ലാ ആണ്‍ തവളകളും വരണ്ട പെരുവിരലോടു കൂടിയവരാണ്‌.

ഈര്‍പ്പം നിറഞ്ഞ പങ്കാളിയില്‍, "പിടുത്തം" കിട്ടാന്‍ ഇതവരെ സഹായിക്കുന്നു.

ആദ്യം വരുന്നവര്‍ക്ക്, ആദ്യം ലഭിക്കുമെന്ന ഒരവസ്ഥയാണിവിടെ.

ഈര്‍പ്പം നിറഞ്ഞ അന്തരീക്ഷത്തില്‍ ജീവിക്കുന്നത് മൂലം...

വനത്തിലെ തവളകള്‍ക്ക്, കുളങ്ങളുമായും, ചെളിക്കുണ്ടുകളുമായുള്ള ബന്ധം കുറവാണ്.

ഇവര്‍ ജലത്തിന് പുറത്ത് പോലും, മുട്ടയിടാറുണ്ട്.

മുട്ട ഉണങ്ങി പോവാനുള്ള , സാധ്യത ഇവിടെ കുറവാണ്.

ഈ ഉയരത്തില്‍, മുട്ടകള്‍, ഇരപിടിയന്മാരില്‍ നിന്നും സുരക്ഷിതവുമാണ്.

അത്ഭുതകരമെന്ന് പറയട്ടെ, മഴക്കാടുകളില്‍, എല്ലാ ദിവസവും മഴ പെയ്യാറില്ല.

പക്ഷേ, ലോകത്തിലെവിടെ പെയ്യുന്നതിലും കൂടുതല്‍ മഴ, അപ്പോഴും ഇവിടെ പെയ്യാറുണ്ട്.

വര്‍ഷത്തില്‍, ശരാശരി 2 മീറ്ററിലധികം മഴയിവിടെ ലഭിക്കും.

ഒരൊറ്റ മരത്തിന്, നൂറുകണക്കിന് ടണ്‍ ജലം, ഒരൊറ്റ വര്‍ഷം കൊണ്ട് വലിച്ചെടുക്കാനാവും.

പക്ഷേ, ഈ ജലം മുഴുവനും, മരങ്ങള്‍ക്ക് ഉപയോഗിക്കാനാവില്ല.

ഇതു മൂലം, കൂടുതല്‍ ജലവും നീരാവിയായി വായുവിലേക്ക് തിരിച്ചെത്തുകയും, മൂടല്‍മഞ്ഞും, മേഘങ്ങളുമായി മാറുകയും ചെയ്യും.

ലോകത്തിലെ ഏറ്റവും വലിയതും, ഇടമുറിയാത്തതുമായ മഴക്കാടിന്റെ നിരയാണ് "ആമസോണ്‍" (Amazon).

"ആമസോണി"ല്‍ (Amazon) പെയ്യുന്ന മഴയുടെ പകുതിയും...