Planet Earth

നമ്മുടെ ഭൂമിയിലെ ഭൂഖണ്ഡങ്ങളെല്ലാം, "ആഴം കുറഞ്ഞ കടലുകളാല്‍" (Shallow Sea), ഞൊറിവിടപ്പെട്ടവയാണ്.

"കോണ്ടിനെന്റ്റല്‍ ഷെല്‍ഫ്"കളിലാണ് (Continental Shelves) ഇവ കാണപ്പെടുന്നത്. അപൂര്‍വ്വമായി മാത്രം, ഈ കടലുകളുടെ ആഴം 200 മീറ്റര്‍ കടക്കാറുണ്ട്.

ചിലപ്പോഴൊക്കെ, നൂറുകണക്കിന് മൈലുകള്‍ നീളമുള്ളവയായിരിക്കും ഇവ.

കടല്‍ തറ, കൂടുതല്‍ ആഴമുള്ള, ഇരുണ്ട ജലത്തിലേക്ക് വീഴുന്നതിന് മുന്‍പാണ്, "ആഴം കുറഞ്ഞ കടലുകള്‍" കാണപ്പെടുന്നത്.

ലോകത്തിലെ ആകെ സമുദ്രങ്ങളുടെ, വെറും 8 ശതമാനം മാത്രമേ, ഈ കടലുകളെല്ലാം കൂടി സൃഷ്ട്ടിക്കുന്നുള്ളു.

പക്ഷേ, സമുദ്ര ജീവിതത്തിന്റെ ബഹുഭൂരിപക്ഷവും, ഈ കടലുകളിലാണുള്ളത്‌.

"ഷാലോ സീസ് " ആഴം കുറഞ്ഞ കടലുകള്‍

ഒരു ആണ്‍ "ഹമ്പ്ബാക്ക്" തിമിംഗലം (Humpback Whale), പാട്ടുപാടി ഇണയെ ആകര്‍ഷിക്കുകയാണ്.

ഉഷ്‌ണമേഖല പ്രദേശത്തെ, ആഴം കുറഞ്ഞ കടലുകളിലെ , പ്രജനന സ്ഥലങ്ങളിലേക്ക്...

തിമിംഗലങ്ങള്‍ എത്തിച്ചേര്‍ന്നിരിക്കുകയാണ്.

ഈ കുഞ്ഞിന്, കുറച്ച് ആഴ്ച്ചകളിലധികം പ്രായമില്ല.

മൂന്നു മീറ്ററിലധികം നീളവും, ഒരു ടണ്ണിനടുത്ത് ഭാരവുമുണ്ടെങ്കിലും...

ഈ കുഞ്ഞ്, അപകടത്തിലാകാവുന്നതേയുള്ളു.

പക്ഷേ, അമ്മ അവനെ സൂക്ഷ്മമായി നിരീക്ഷിക്കുന്നുണ്ട്.

കുഞ്ഞ് ക്ഷീണിക്കാന്‍ തുടങ്ങുന്നതോടെ, ഉപരിതലത്തിലേക്കടുക്കാന്‍, അമ്മ അവനെ സഹായിക്കും.

ഇത് മൂലം, കുഞ്ഞിന് പ്രയാസരഹിതമായി ശ്വസിക്കാനാകും.

ഭൂമധ്യരേഖയ്ക്ക് ചുറ്റുമുള്ള, "ആഴം കുറഞ്ഞ കടലുകള്‍" , മികച്ച ശിശുപരിപാലന സ്ഥലങ്ങളാണ്.

ശാന്തവും, ചൂടുള്ളതുമായ ഈ സ്ഥലങ്ങളില്‍, ഇരപിടിയന്മാരും കുറവാണ്.

ഉല്ലാസവാനായ ഈ കുഞ്ഞ്, ഇപ്പോള്‍ ഒരു ദിവസം 500 ലിറ്റര്‍ പാല് കുടിക്കാറുണ്ട്.

പക്ഷേ, അവന്റെ അമ്മയ്ക്ക് പട്ടിണി കിടന്നേ പറ്റൂ.

അവള്‍ക്ക് ഭക്ഷിക്കാനായി ഇവിടെയൊന്നുമില്ല.

ഉഷ്ണമേഖലയിലെ കൂടുതല്‍ കടലുകളേയും (Shallow Sea) പോലെ...

സ്ഫടിക സമാനമായ ഇവിടുത്തെ ജലം, ഫലത്തില്‍ നിര്‍ജ്ജീവമാണ്.

ഇവര്‍ക്ക് വര്‍ഷം മുഴുവന്‍ പ്രകാശം ലഭിക്കും.

പക്ഷേ, "പ്ലാങ്ക്റ്റന്‍" (Plankter) വളരാനാവശ്യമായ പോഷണങ്ങളുടെ അഭാവം ഇവിടെയുണ്ട്.

അടുത്ത അഞ്ച് മാസം, അമ്മയിവിടെ കുടുങ്ങിപ്പോവും.

ധ്രുവ പ്രദേശത്തെ, ആഹാരമുള്ള പ്രദേശങ്ങളിലേക്ക് പോകാനുള്ള ആരോഗ്യം...

കുഞ്ഞ് സംഭരിക്കുന്നതു വരെ, അമ്മയുടെ അവസ്ഥ ഇതാണ്.

ജലമയമായ ഈ മരുഭൂമിയിലെ, മരുപ്പച്ചകള്‍ പോലെയാണ് പവിഴപ്പുറ്റുകളുടെ മണല്‍ത്തിട്ടകള്‍.

ഉഷ്‌ണമേഖലയിലെ ആഴം കുറഞ്ഞ കടലുകളില്‍ , കൂടുതല്‍ എണ്ണവും വരണ്ടതാണ്.

പക്ഷേ, ഭൂമിയിലെ ആകെ സമുദ്ര ജീവിതത്തിന്റെ നാലിലൊന്ന്, പവിഴപ്പുറ്റുകളുടെ ഈ ഉള്‍ക്കടലുകളിലാണുള്ളത്‌.

"പോളിപ്സു"കളാണ് (Polyp), മണല്‍ത്തിട്ടകളെ നിര്‍മ്മിക്കുന്നത്.

അതി സൂക്ഷ്മമായ കടല്‍ ജീവികളായ "അനിമോണു"കളെപ്പോലുള്ളവയാണ് (Sea Anemone), "പോളിപ്സു"കള്‍ (Polyp).

എങ്കിലും, ചന്ദ്രനില്‍ നിന്നും കാണത്തക്കവിധം വലിപ്പമുള്ള, മണല്‍ത്തിട്ടയുടെ ഒരു അതിരാണിവര്‍ സൃഷ്ട്ടിക്കുന്നത്.

യഥാര്‍ത്ഥത്തില്‍, 2,000 വ്യത്യസ്ത മണല്‍ത്തിട്ടകള്‍ കൂടിച്ചേര്‍ന്ന്...

ആയിരക്കണക്കിന് മൈലുകള്‍ നീണ്ടുകിടക്കുന്ന, അതിരുകള്‍ സൃഷ്ട്ടിക്കപ്പെട്ടിരിക്കുകയാണ്.

ഓസ്ട്രേലിയയുടെ വടക്കുകിഴക്കന്‍ തീരത്തു കൂടിയാണ്, ഇത് രൂപപ്പെട്ടിരിക്കുന്നത്.

വിശാലമായ വലിപ്പമുണ്ടെങ്കിലും...

ഭൂമിയിലെ സമുദ്ര ജീവിതത്തിന്റെ, വിശാലമായ വൈവിധ്യമൊന്നും ഈ മണല്‍ത്തിട്ടയിലില്ല.

ഇത്തരം വൈവിധ്യങ്ങള്‍ക്കു വേണ്ടി, വടക്കോട്ട്‌ സഞ്ചരിച്ച് ഇന്തോനേഷ്യയിലേക്ക് പോകേണ്ടി വരും.

കരിബീയന്‍ പ്രദേശങ്ങളിലെ, ഏറെക്കുറെ എല്ലാത്തരം മീനുകളുമുള്ള...

ഒറ്റയ്ക്കൊറ്റയ്ക്കുള്ള മണല്‍ത്തിട്ടകള്‍ ഇന്തോനേഷ്യയിലുണ്ട്.

വിവിധയിനം പവിഴപ്പുറ്റുകളുടെ, പത്തിരട്ടിയിലധികം എണ്ണവും ഇവിടെയുണ്ട്.

അതിസൂക്ഷ്‌മ സസ്യങ്ങളായ "ആല്‍ഗ"യുടെ (Algae) സഹായത്തോടെയാണ്, പവിഴപ്പുറ്റുകള്‍ (Coral) ഈ ജലത്തില്‍ തളിര്‍ക്കുന്നത്.

"പോളിപ്സു"കളുടെ (Polyp) കോശജാലത്തിലാണ്, "പവിഴപ്പുറ്റുകള്‍"കള്‍ കിളിക്കുന്നത്.

കടന്നുപോകുന്ന പദാര്‍ഥങ്ങളെ, തങ്ങളുടെ സ്പര്‍ശനികളുപയോഗിച്ച് കെണിയില്‍പ്പെടുത്തി, "പോളിപ്സുകള്‍ ഭക്ഷണം കഴിക്കുന്നു.

രാത്രിയില്‍ "ആല്‍ഗ"കള്‍ നിഷ്ക്രിയമാണ്. പക്ഷേ, "പോളിപ്സു"കള്‍ അപ്പോള്‍ കൂടുതല്‍ സ്പര്‍ശനികള്‍ പ്രവര്‍ത്തനക്ഷമമാക്കും.

ഇത് മൂലം, പവിഴപ്പുറ്റുകള്‍ക്ക് മുഴുവന്‍ സമയവും ഭക്ഷണം കഴിക്കാനാകും.

തികച്ചും സമതുലിതമായ ഈ ബന്ധം, "പോളിപ്"സിനും (Polyp), "ആല്‍ഗ"യ്ക്കും, ഒരു പോലെ നേട്ടങ്ങള്‍ ഉണ്ടാക്കും.

അവര്‍ക്കിടയിലെ ഈ പ്രവര്‍ത്തനം മൂലം, വരണ്ട കടലിനെ, ഇവര്‍ സമ്പുഷ്ടമായ പൂന്തോട്ടമാക്കി മാറ്റുകയും ചെയ്യും.

വിശാലമായ ഒരു നാല്‍ക്കവലയില്‍ സ്ഥിതി ചെയ്യുന്നത് മൂലമാണ്, ഇന്തോനേഷ്യയിലെ ഈ മണല്‍ത്തിട്ടയില്‍...

ഇത്തരം വ്യത്യസ്തമായ ജീവനുകളുള്ളത്.

വ്യത്യസ്ത സമുദ്രങ്ങളായ, ഇന്ത്യന്‍ സമുദ്രവും, ശാന്ത സമുദ്രവും (Pacific Ocean ) കൂടിച്ചേരുന്ന സ്ഥലമാണിത്.

ഇവിടെ, എല്ലാ കാര്യങ്ങളും സൂക്ഷ്മമായി പഠിക്കേണ്ടതുണ്ട്.

ഈ പവിഴപ്പുറ്റിന്റെ ഉപരിതലത്തില്‍ രണ്ട് "പോളിപ്സു"കളുണ്ട് (Polyp). പക്ഷേ, അവ "പോളിപ്സു"കളല്ല.

ഭൂമിയിലെ ഏറ്റവും കുള്ളന്മാരായ, കടല്‍ക്കുതിരകളാണിവ (Sea Horse). രണ്ടു സെന്റി മീറ്ററില്‍ താഴെയാണ് ഇവരുടെ ഉയരം.

ഈ ആണ്‍ കുതിരകള്‍, തല കൊണ്ടുള്ള തള്ളലിലൂടെ, ഒരു പ്രാദേശിക സ്ഥല പ്രശ്നം പരിഹരിക്കുകയാണ്.

ഒരു വൈദ്യുത മിന്നലാണോ ഇത്?

മിന്നലല്ല. മറിച്ച്, "ഫയല്‍ ക്ലാ"മിന്റെ (File Clam) ഒരു പ്രകടനം മാത്രമാണിത്.

ഒരു പക്ഷേ, "ക്ലാ"മിന്റെ മാംസളമായ ആവരണത്തില്‍ നിന്നുള്ള, അസാധാരണമായ ഈ സ്പന്ദനം...

മത്സ്യങ്ങളെ ഭയപ്പെടുത്തി ഓടിക്കാനുള്ള മുന്നറിയിപ്പാവാം. പക്ഷേ, ആര്‍ക്കും ഇതിനെ കുറിച്ച് കൃത്യമായ അറിവില്ല.

ഇവിടെ പാമ്പുകളുമുണ്ട്. എണ്ണത്തില്‍, ഇവര്‍ ഒരുപാടുണ്ട് .

ഇവ കടല്‍ പാമ്പുകളാണ് (Banded Sea Crates). നിലത്താണിവര്‍ മുട്ടയിടുന്നത്‌.

പക്ഷേ, ഇവരിവിടെ ജലത്തില്‍ വേട്ടയാടുകയാണ്.

നേരിട്ടുള്ള പിന്തുടരലിലൂടെ, മത്സ്യത്തിനെ പിടിക്കാനുള്ള വേഗത ഇവര്‍ക്കില്ല.

അതുകൊണ്ട് തന്നെ, മൂലകളിലും, പവിഴപ്പുറ്റിന്റെ വിള്ളലുകളിലും ഒളിച്ചിരിക്കുന്ന ഇരകളെയാണ്, ഇവര്‍ തിരയുന്നത്.

ഇവരുടെ കൊത്തിന്, തീക്ഷ്ണമായ വിഷമുണ്ട്. ഇരയെ മരവിപ്പിക്കാന്‍ ഈ വിഷത്തിനാവും.

ഈ മണല്‍ത്തിട്ടയില്‍, പാമ്പുകള്‍ ഒറ്റയ്ക്ക് വേട്ടയാടാറില്ല.

"യെല്ലോ ഗോട്ട്ഫിഷിന്റെയും"(Yellow Goatfish), "ട്രിവാലി"യുടേയും (Trevally) വലിയ കൂട്ടങ്ങള്‍, ഒരേ തരത്തിലുള്ള ഇരകളെയാണ് അന്വേഷിച്ചുകൊണ്ടിരിക്കുന്നത്.

പാമ്പുകളുടെ ശ്രദ്ധയും ഇവര്‍ ആകര്‍ഷിച്ചിട്ടുണ്ട്. ഒരു കൂട്ടം വേട്ടക്കാര്‍ മണല്‍ത്തിട്ടയില്‍ തിരയുന്നതോടെ...

മറ്റുള്ളവരും അവര്‍ക്കൊപ്പം ചേര്‍ന്നിരിക്കുകയാണ്.

ഏറ്റവും കുറഞ്ഞത്‌, 30 പാമ്പുകള്‍ ഈ സഞ്ചാരിക്കൂട്ടത്തിനൊപ്പം ചേര്‍ന്നിട്ടുണ്ട്.

വലിയ മത്സ്യങ്ങള്‍, ഇരകളെ വിടവുകളിലേക്ക് വിരട്ടിയോടിക്കുന്നത് മൂലം, പാമ്പുകള്‍ക്ക്, ഇവരെ അവിടെ നിന്നും പിടിക്കാനാകും

കൂടയില്‍ നിന്ന് രക്ഷപെടുന്നതെന്തും, കാത്തിരിക്കുന്ന "ട്രിവാലി"യുടെ (Trevally) വായകളിലേക്ക് എത്തും.

ഇവിടെ, ഒളിച്ചിരിക്കാന്‍ സ്ഥലമൊന്നുമില്ല.

വേട്ടക്കാര്‍, മണല്‍ത്തിട്ട ശുദ്ധീകരിക്കുന്തോറും, കൂടുതല്‍, കൂടുതല്‍ പാമ്പുകള്‍ വേട്ടയില്‍ പങ്കു ചേരും.

പാമ്പുകള്‍ക്കും, മത്സ്യങ്ങള്‍ക്കുമിടയിലുള്ള, ഈ പരസ്പര സഹകരണം ശ്രദ്ധേയമാണെങ്കിലും...

ഇന്തോനേഷ്യയിലെ, ഒറ്റപ്പെട്ട മണല്‍ത്തിട്ടകളില്‍ മാത്രം സംഭവിക്കുന്നതിനാല്‍...

സമീപകാലത്ത് മാത്രമാണ്, ഇത് നിരീക്ഷിക്കപ്പെട്ടത്.

ഒരു പക്ഷേ, വേട്ടകള്‍ക്കു വേണ്ടിയുള്ള ഇത്തരം കൂട്ടായ്മകള്‍, ഒരു കാലത്ത് സാധാരണ കാഴ്ച്ചയായിരുന്നിരിക്കണം.

പക്ഷേ, ഇന്ന്, ഇന്തോനേഷ്യയിലെ മണല്‍ത്തിട്ടകളുടെ ആറു ശതമാനം മാത്രമേ, അകളങ്കിതമായ അവസ്ഥയിലുള്ളു.

പവിഴപ്പുറ്റുകള്‍ക്കപ്പുറം, നിരന്തരമായി മാറിക്കൊണ്ടിരിക്കുന്ന മണലിന്റെ ലോകമാണ് പരന്നു കിടക്കുന്നത്.

ഒളിച്ചിരിക്കാന്‍ സ്ഥലമില്ലാത്തതിനാല്‍, അതിജീവനം ഇവിടെ പ്രയാസകരമാണ്.

വേഷപ്രച്ഛന്നനാവുകയെന്നത് വളരെ നിര്‍ണ്ണായകമാണ്.

ചലിക്കുന്നില്ലായിരുന്നെങ്കില്‍, ഇതൊരു "കക്ക"യോ, അല്ലെങ്കില്‍ പാറയോ ആണെന്നേ, നിങ്ങള്‍ ചിന്തിക്കുമായിരുന്നുള്ളൂ.

യഥാര്‍ത്ഥത്തില്‍, ഇതൊരു "നീരാളി"യാണ് (Octopus).

ഇതൊരു "ഗര്‍നാഡ" (Gurnard) ആണ്. ഇതിന്റെ മാറത്തുള്ള വിശാലമായ മീന്‍ചിറകുകള്‍ (Fin)‍, ശരീരത്തിന്റെ ആകൃതിയെ മറച്ചു വെയ്ക്കും.

ആഹാരത്തിനു വേണ്ടിയുള്ള അന്വേഷണത്തിനിടയില്‍, മണ്ണ് നീക്കിക്കളയാനും, ഈ ചിറകുകള്‍ സഹായകപ്രദമാവും.

"ജോഫിഷ്" (Jawfish), മണ്ണിനടിയില്‍ ഒളിച്ചിരിക്കുകയാണ്.

എന്നാല്‍ മറുവശത്ത്, ഈ നീരാളിക്ക് (Wonderpus Octopus) വളരെ ശക്തമായ കൊത്തിനുള്ള ശേഷിയുണ്ട്.

മറ്റുള്ളവരോട് വഴിമാറി നടക്കാന്‍ പറയുന്ന, വളരെ പ്രത്യേകതയുള്ള ഒരു അപായ പ്രകടനമാണ് ഈ നീരാളിക്കുള്ളത്.

ഇവിടെയും, അവിടെയുമായി, ചെടികള്‍ വേരുറപ്പിക്കാറുണ്ട്.

പച്ച നിറത്തിലുള്ള കടലാമകളാല്‍ (Green Turtle), ഈ ചെടികള്‍ വെട്ടിനിരത്തപ്പെടും.

കടലില്‍ വളരാന്‍ സാധിച്ച, പുഷ്പ്പിക്കാന്‍ കഴിയുന്ന ഏക സസ്യങ്ങളാണ്, "സീ ഗ്രാസുകള്‍" ( Sea-Grass).

"റിബണ്‍" പോലെയുള്ള, കുറച്ച് ഇലകള്‍ പരസ്യമാക്കിയാലും...

മാംസളമായ തണ്ടുകളുടേയും, "റൈസോമു"കളുടേയും , വിശാലമായൊരു ശൃംഖല ഇവര്‍ സൃഷ്ട്ടിക്കും.

ഈ ശൃംഖലകള്‍, മണ്ണിനടിയിലാവും കാണപ്പെടുക.

ഏറ്റവും സമൃദ്ധമായ സമയത്ത്, കടല്‍ തറയെ...

വെള്ളത്തിനടിയിലെ പൂന്തോട്ടമാക്കി മാറ്റാന്‍ ഇവര്‍ക്കാവും.

ആഴം കുറഞ്ഞ കടലുകളിലെ, ഏറ്റവും വിസ്താരത്തിലുള്ള ഇത്തരം വളര്‍ച്ച, പടിഞ്ഞാറന്‍ ഓസ്ട്രേലിയയിലെ "ഷാര്‍ക്ക്‌ ബേ"യിലാണുള്ളത് (Shark Bay).

ജലത്തിലെ ഇത്തരം വിശാലമായ പുല്‍മേടുകള്‍, 1,500 ചതുരശ്ര മൈല്‍ ദൂരം പരന്നുകിടക്കുന്നു.

ഒപ്പം, കരയിലെ പുല്‍മൈതാനങ്ങളെപ്പോലെ, പുല്ലുമേയലുകാരെയും, ജലത്തിലെ ഈ പുല്‍മേടുകള്‍ സംരക്ഷിക്കുന്നുണ്ട്.

ഇത്തരം പുല്ലുമേയലുകാരാണ്, "ഡുഗോങ്ങ്"സുകള്‍ (Dugong).

കടലിലെ ഏറ്റവും വലിയ സസ്യഭുക്കുകളാണ് , "ഡുഗോങ്ങ്"കള്‍ (Dugong).

3 മീറ്റര്‍ നീളവും, അര ടണ്‍ ഭാരവും വരെ, ഇവയ്ക്കുണ്ടാകാം.

"സീ ഗ്രാസ്സ്"കളല്ലാതെ (Sea-Grass), മറ്റൊന്നും ഇവ കഴിക്കില്ല. മാംസളമായ "റൈസോമു"കളെയാണ് (Rhizome), ഇവര്‍ കൂടുതലും ഭക്ഷണമാക്കുന്നത്.

ചലിക്കുന്ന ചുണ്ടുകള്‍ ഉപയോഗിച്ച്, ഭക്ഷണം ഇവര്‍ കുഴിച്ചെടുക്കും.

ഒരൊറ്റ ദിവസം കൊണ്ട്, ഫുട്ബോള്‍ മൈതാനത്തിന്റെ വലിപ്പമുള്ള, "സീ ഗ്രാസ്"കളുടെ (Sea-Grass) നിലം ശൂന്യമാക്കാന്‍...

ഒരു കൂട്ടം ഡുഗോങ്ങ്"കള്‍ക്ക് (Dugong) കഴിയും.

ഉഷ്ണമേഖലയിലെ "ആഴം കുറഞ്ഞ കടലു"കളില്‍, ഭക്ഷണം തുല്യമായിട്ടല്ല വിതരണം ചെയ്യപ്പെട്ടിരിക്കുന്നത്.

അതുകൊണ്ട് തന്നെ, ഭക്ഷണം കണ്ടെത്താന്‍ ഒരു പാട് അന്വേഷണം വേണ്ടിവരും.

പക്ഷേ, ഡോള്‍ഫിനുകള്‍ (Bottlenose Dolphin) ജിജ്ഞാസുക്കളും, ബുദ്ധികൂര്‍മ്മരും, ഒപ്പം വളരെ ഊര്‍ജ്ജമുള്ളവരുമാണ്.

മത്സ്യങ്ങളുടെ ഒരു വലിയ കൂട്ടത്തെ, അവര്‍ കണ്ടെത്തി കഴിഞ്ഞിരിക്കുന്നു.

തിരമാലയെ ഉപയോഗിച്ച്, കൂട്ടമായി ഡോള്‍ഫിനുകള്‍ "ആഴം കുറഞ്ഞ കടലു"കളിലേക്ക് എത്തുകയാണ്.

ഇവിടെ, ഇരതേടല്‍ പ്രയാസരഹിതമാണ്.

പടിഞ്ഞാറന്‍ ഓസ്ട്രേലിയയില്‍...

ഈ ഡോള്‍ഫിനുകള്‍, എക്കാലത്തേയും പ്രയാസകരമായ ഒരു വെല്ലുവിളിയെ നേരിടുകയാണ്.

മത്സ്യങ്ങള്‍, തീരത്തോട് ചേര്‍ന്ന് അഭയം തേടിയിരിക്കുന്നു.

ഇവിടെ ജലത്തിന്, കുറച്ചു സെന്റിമീറ്ററുകളുടെ ആഴമേ ഉള്ളു.

ഇരകളെ ഞെട്ടിക്കാന്‍, വാലിട്ടടിക്കുകയാണ് ഡോള്‍ഫിനുകള്‍ മിക്കപ്പോഴും ചെയ്യുന്ന തന്ത്രം.

പക്ഷേ, അതിവിടെ ഉപകാരപ്പെടുമെന്ന് തോന്നുന്നില്ല.

മത്സ്യങ്ങള്‍ കൊതിപ്പിക്കുന്നത്രയും അടുത്താണെങ്കിലും...

പിടികിട്ടാവുന്നതിനും അപ്പുറത്താണവ. അതുകൊണ്ട്, ഡോള്‍ഫിന്‍ മറ്റൊരു തന്ത്രം പ്രയോഗിക്കുകയാണ്.

വാലുകള്‍ കരുത്തോടെ ജലത്തിലടിച്ച്, ഇവര്‍ വേഗത കൈവരിക്കും.

അതിനുശേഷം, ഇവര്‍, ജലത്തില്‍ അതിവേഗം സഞ്ചരിക്കുന്ന "ഹൈഡ്രോപ്ലയിനു"കളെപ്പോലെയാകും (Hydroplane).

ഡോള്‍ഫിനുകളുടെ "ആക്കം" (Momentum), ആഴം കുറഞ്ഞ ജലത്തിലൂടെ...

മത്സ്യത്തിനടുത്തേക്ക്‌ അവരെ എത്തിക്കും.

കരയില്‍ കുടുങ്ങിപ്പോവുകയെന്ന, വലിയൊരു അപകടത്തിലാണവര്‍.

പക്ഷേ, ഭാഗ്യം ധീരന്മാരെ തുണയ്ക്കും.

വശങ്ങളിലായി കാണപ്പെടുന്ന, പ്രായം കുറഞ്ഞ ഡോള്‍ഫിനുകള്‍ എല്ലാം കാണുന്നുണ്ട്.

പക്ഷേ, ഇതുവരെ, ഇവിടെയുള്ള 8 പേര്‍ മാത്രമേ...

സാഹസികമായ ഈ തന്ത്രത്തില്‍, പ്രാഗത്ഭ്യം നേടിയിട്ടുള്ളൂ.

ഉഷ്ണമേഖല ജലത്തിലെ കൂടുതല്‍ ജീവനുകളും, പവിഴപ്പുറ്റുകളിലും, മണല്‍ത്തിട്ടകളിലും...

"സീ ഗ്രാസി"ന്റെ (Sea- Grass) പുല്‍ത്തകിടിയിലുമായാണ്, കേന്ദ്രീകരിക്കപ്പെട്ടിരിക്കുന്നത്.

ഗംഭീരമായ ചില വ്യത്യസ്തകളും ഇവിടെയുണ്ട്.

തിരക്കേറിയതും, ഒച്ചപ്പാടുള്ളതുമായ, കടല്‍പക്ഷികളുടെ ഇത്തരം ഒരു കോളനി കണ്ടെത്താന്‍, ഒരു സാധ്യതയുമില്ലാത്ത...

പ്രദേശമായിട്ടാണ്, "ബഹറിനിലെ‍" (Bahrain) ഈ മരുഭൂമി തോന്നുന്നത്.

പക്ഷേ, എല്ലാ വര്‍ഷവും, ഒരു ലക്ഷത്തോളം "സൊകോട്ര കോര്‍മോറന്റസ്" (Socotra Cormorant)

പ്രജനനത്തിനായി ഇവിടെ ഒത്തുകൂടാറുണ്ട്.

എരിപിരികൊള്ളിക്കുന്ന ചൂടാണിവിടെ.

ഊര്‍ജ്ജസ്വലമായ ദീര്‍ഘനിശ്വാസത്തിലൂടെ മാത്രമേ, മാരകമായ അതിതാപനത്തെ തടയാന്‍ ഈ പക്ഷികള്‍ക്ക് കഴിയു.

കുഞ്ഞുങ്ങളെ വളര്‍ത്തിയെടുക്കാന്‍ പറ്റുന്ന ഒരു പ്രദേശമായി, ഇവിടം തോന്നുകയേയില്ല.

പക്ഷേ, ഏറ്റവും കുറഞ്ഞ പക്ഷം, കരയില്‍ ജീവിക്കുന്ന ഇരപിടിയന്മാരുടെ സാന്നിധ്യം ഇവിടെയില്ല.

പ്രശ്നങ്ങളുടെ ഏക ഉറവിടം, അയല്‍ക്കാര്‍ തന്നെയാകാനാണ് സാധ്യത.

അതുകൊണ്ട് തന്നെ, ഓരോ കൂടും, കൊത്താന്‍ കഴിയുന്ന ദൂരത്തിനും, കുറച്ചപ്പുറമാണ് നിര്‍മ്മിച്ചിരിക്കുന്നത്.

പക്ഷേ, ഭക്ഷണത്തിന്റെ സാധ്യത എങ്ങനെയാണ്?

ഇളം ചൂടുള്ള, "ആഴം കുറഞ്ഞ കടലും", വെറും മണലും മാത്രമാണ് ഇവിടെയുള്ളത്.

ഇത്രയും വലിയ അളവിലുള്ള, പക്ഷി ജീവിതം സംരക്ഷിക്കാനുള്ള ഭക്ഷണം നല്‍കാന്‍, മരുഭൂമിക്കോ, കടലിനോ കഴിയില്ലന്നാണ് കാണുന്നത്.

അതിനുള്ള ഉത്തരം. കാറ്റില്‍ മുഴങ്ങുന്നുണ്ട്.

തീരത്തു നിന്നും അകലെ വീശുന്ന (Offshore), "ഷമല്‍" കാറ്റുകളാല്‍ വീശിയടിക്കപ്പെടുന്ന മണല്‍...

അറേബ്യന്‍ "ഗള്‍ഫി"ലെ (Arabian Gulf) കടലുകളിലേക്ക് വീശും.

മണല്‍ത്തരികള്‍ക്കൊപ്പം വരുന്ന പോഷണങ്ങള്‍, വളമായി പ്രവര്‍ത്തിക്കുകയും...

അങ്ങനെ ഈ കടലിനെ, സമ്പന്നമായൊരു മത്സ്യബന്ധന നിലമാക്കുകയും ചെയ്യും.

കടലിലെ മറ്റൊരു മരുഭൂമിയായി, "ഗള്‍ഫ്‌" മാറാതിരിക്കാന്‍ സഹായിക്കുന്നത്...

അറേബ്യയിലെ ചുട്ടുപഴുത്ത മണലാണെന്നതാണ്, ഇവിടുത്തെ വിരോധാഭാസം.

തിമിംഗല കുഞ്ഞിന്, അഞ്ച് മാസം പ്രായമായിരിക്കുന്നു.

അവന്റെ വലിപ്പം, ഏറെക്കുറെ ഇരട്ടിയായിട്ടുണ്ട്.

ഉഷ്ണമേഖലയിലുള്ള, ശിശുപരിപാലന സ്ഥലങ്ങളിലെ അവന്റെ ദിവസങ്ങള്‍ അവസാനിച്ചിരിക്കുകയാണ്.

ചൂടും, സുരക്ഷിതത്വവുമുള്ള, വളരാന്‍ അനുയോജ്യമായ ഒരു സ്ഥലമായിരുന്നു ഇത്.

പക്ഷേ, അമ്മയ്ക്ക് കഴിക്കാനായി ഇവിടെ ഭക്ഷണമൊന്നുമില്ല.

ശരീരത്തിലെ കൊഴുപ്പിന്റെ നിക്ഷേപമുപയോഗിച്ചാണ്, കഴിഞ്ഞ എട്ടു മാസമായി അമ്മ ജീവിച്ചിരുന്നത്.

അവള്‍ പട്ടിണിയോടടുത്തിരിക്കുന്നു.

ആവശ്യത്തിന് ആരോഗ്യമുള്ളതിനാല്‍, ഇപ്പോള്‍ തന്നെ, അവള്‍ക്ക് മടങ്ങിയേ പറ്റൂ.