Planet Earth
Malayalam 字幕をダウンロード
Malayalam字幕のプレビュー
最初の159行です。
നമ്മുടെ ഭൂമിയുടെ രണ്ടു ധ്രുവങ്ങളും (Pole), മഞ്ഞാല് മൂടപ്പെട്ടവയാണ്.
വന്യതകളിലെ ഏറ്റവും വലുതും, അതീവ ശ്രദ്ധ വേണ്ടതുമാണ് ഈ ധ്രുവങ്ങള്.
ഇത്രയും തീവ്രമായ രീതിയില്, ഋതുഭേദങ്ങള് സംഭവിക്കുന്ന മറ്റൊരിടവും ഭൂമിയിലില്ല.
എല്ലാ വര്ഷവും, മഞ്ഞുകട്ടകളുടെ മുന്നേറ്റത്തിനും, പിന്മാറലിനും ഇത് കാരണമാകും.
ധ്രുവങ്ങളിലെ ജീവന് നിയന്ത്രിക്കുന്നതും, ഈ മാറ്റങ്ങളാണ്.
മഞ്ഞ് ലോകങ്ങള്
ആദ്യ ധ്രുവ പര്യവേക്ഷകര്, തെക്കോട്ടു പോയപ്പോള്...
ഭൂപടത്തിലില്ലാത്ത പ്രദേശങ്ങളിലേക്കുള്ള അവരുടെ പ്രവേശനത്തെ അടയാളപ്പെടുത്തിയത്, ഇത്തരം കൂറ്റന് മഞ്ഞ് പള്ളികളാണ്.
അത്യുന്നതമായ ശിഖരങ്ങളെ കടന്നുപോകുമ്പോള്, ഇനിയുമെത്ര അഭൗമിക കാഴ്ച്ചകള് കാണാനുണ്ടാകുമെന്ന്, ആ പര്യവേക്ഷകര് അത്ഭുതപ്പെട്ടിട്ടുണ്ടാകണം.
അവര് കൂടുതല് മുന്നോട്ട് പോകുന്തോറും, മഞ്ഞ് കൂടുതല് ആധിപത്യം സ്ഥാപിച്ചു കൊണ്ടിരുന്നു.
പക്ഷേ, അവസാന കാഴ്ച്ചയില് തെളിഞ്ഞ ഈ മഞ്ഞ് ലോകത്തിനായി, ഒന്നുമവരെ മാനസികമായി തയ്യാറാക്കിയിട്ടുണ്ടായിരുന്നിരിക്കില്ല.
അജ്ഞാതമായ ഈ നാട്, "ടെറ ഇന്കൊഗ്നിറ്റ" (Terra incognita) എന്നറിയപ്പെടുന്നു.
ഭൂമിയുടെ, ഏറ്റവും തെക്കേ അറ്റത്താണ് "അന്റാര്ട്ടിക്കന്" ( Antarctica) ഭൂഖണ്ഡമുള്ളത്.
അമേരിക്കയുടെയത്രെയും വലിപ്പമുണ്ടതിന്.
ഭൂമിയിലെ ആകെ മഞ്ഞിന്റെ, 90 ശതമാനവും ഇവിടെയാണുള്ളത്.
തണുത്തുറഞ്ഞ ഈ ലോകം, വസന്തത്തിന്റെ തുടക്കം വരെ ഏറെക്കുറെ വിജനമായിരിക്കും.
ഇതാണ് "അഡേലി" (Adelie) പെന്ഗ്വിനുകള്.
അവ വളരെ തിരക്കിലാണ്.
സമയം കടന്നുപോവുകയാണ്.
ഉഷ്ണകാല മഞ്ഞുരുകലിന് കാത്ത് നില്ക്കാതെ, തണുത്തുറഞ്ഞ സമുദ്രത്തിലൂടെ തെക്കോട്ട് പോവുകയാണിവര്.
പ്രജനനത്തിന് വേണ്ടിയാണ് ഇവര് ഇവിടെ എത്തിയത്. പക്ഷേ, ധ്രുവത്തിലെ ഉഷ്ണകാലങ്ങള് വളരെ ഹ്രസ്വമാണ്.
മഞ്ഞുരുകല് ആരംഭിക്കുന്നതിന് മുന്പ്, പെന്ഗ്വിനുകള് അനുയോജ്യമായ സ്ഥാനത്തേക്ക് എത്തിയേ പറ്റു.
മഞ്ഞു കടല് പിന്വലിയുന്നതോടെ, ജീവന് കൂടുതല് തെക്കോട്ട് സഞ്ചരിക്കാനാകും.
അന്റാര്ട്ടിക്കയിലെ ജലം വളരെ സമ്പന്നമായതിനാല്, അകലങ്ങളില് നിന്ന് വിരുന്നുകാര് ഭക്ഷണത്തിനായി ഇവിടെയെത്താറുണ്ട്.
പെന്ഗ്വിനുകളുടെ (Chinstrap Penguin) വലിയൊരു കൂട്ടം, പ്രജനനത്തിനായി തീരത്തേക്ക് എത്തിയിരിക്കുകയാണ്.
ഒരു പെന്ഗ്വിനും, മഞ്ഞിലേക്ക് നേരിട്ട് മുട്ടയിടാറില്ല.
അതുകൊണ്ട് തന്നെ, ശൂന്യമായ പാറ, വിലപിടിച്ചൊരു ഉല്പ്പന്നമാണ്. നല്ല പ്രദേശങ്ങള്ക്കായി പിടിച്ചു കയറുക തന്നെ വേണം.
കിഴക്കാം തൂക്കായ പാറയില് കൂടൊരുക്കുന്ന...
പതിനായിരക്കണക്കിന് പെന്ഗ്വിനുകളുടെ കാഷ്ടം, വളരെ താമസിയാതെ പാറയെ "പിങ്ക്" നിറത്തിലാക്കും.
മഞ്ഞ് മാത്രം മൂടപെട്ട ഒരു നാട്ടില്, ശൂന്യമായൊരു പാറ മരുപ്പച്ചപോലെയാവും സങ്കല്പ്പിക്കപ്പെടുക.
ചിലര് ഇത് കണ്ടെത്താനായി, ഭൂഖണ്ഡത്തിന്റെ ഹൃദയത്തിലേക്ക് സഞ്ചരിക്കാറുണ്ട്.
ഒരു മൈലിലധികം ആഴത്തില്, മഞ്ഞില് മുങ്ങിയ, വിശാല പര്വ്വതനിരയുടെ ഇത്തരം "തുറന്ന" ഭാഗങ്ങള്...
ഉച്ച വെയിലിന്റെ, ആക്രമണം മൂലമുണ്ടാകുന്നതാണ്.
ഇവിടുത്തെ രൗദ്രമായ നിശബ്ദത, വസന്തത്തില് മാത്രമാണ് തകരുന്നത്.
ഇപ്പോള് എത്തിച്ചേര്ന്ന അന്റാര്ട്ടിക്കന് "പെറ്റ്റല്സ്" (Petrels), സ്നേഹബന്ധത്തിലേര്പ്പെടുകയാണ്.
ഭൂമിയുടെ ഏറ്റവു തെക്ക് വശത്തുള്ള, പക്ഷി കോളനിയിലേക്ക് ഇവരും ചേര്ന്നിരിക്കുന്നു.
പ്രജനന കേന്ദ്രങ്ങളിലേക്കെത്താന്, ഈ പക്ഷികള് 300 മൈലുകളിലധികം ദൂരം...
ഉള്നാട്ടിലേക്ക് പറന്നിരിക്കുകയാണ്.
മുട്ടകള് വിരിയുന്നതോടെ...
സമുദ്രത്തില് നിന്നും ഭക്ഷണം ശേഖരിക്കാനായി, 600 മൈല് ദൂരം, പല സ്ഥലങ്ങളിലേക്ക്...
ഈ പക്ഷികള്ക്ക്, നിരന്തരം സഞ്ചരിക്കേണ്ടി വരും.
എങ്കിലും, ആദ്യമായി ചെയ്യേണ്ടത്, കൂടൊരുക്കുന്ന വിലപ്പെട്ട സ്ഥലങ്ങള്, മോഷ്ട്ടാക്കളില് നിന്ന് സംരക്ഷിക്കുക എന്നതാണ്.
മുട്ടയിട്ടതിന് ശേഷം, തങ്ങളുടെ തൂവണ്പ്പൂട (Plumage), വൃത്തിയാക്കാനും "പെറ്റ്റല്സ്" (Petrels) സമയം കണ്ടെത്തും.
തെക്കന് ധ്രുവത്തിലെ സ്കുയാസ്"കള് (Skuas), പ്രബലരായ അവസരവാദികളാണ്.
പക്ഷേ, ഈ സ്കുയാസ്"കള്ക്ക് (Skuas),"പെറ്റ്റല്സ്"നെ (Petrels) ഞെട്ടിക്കാനായില്ല.
പെറ്റ്റല്സ്" (Petrels), സ്കുയാസ്"കളെ (Skuas) കാത്തിരിക്കുകയായിരുന്നു.
ഭക്ഷണത്തിനായി, സമുദ്രത്തിലേക്ക് പോകേണ്ട ആവശ്യം ഈ പക്ഷികള്ക്കില്ല.
ശൂന്യമായ പാറകള്ക്ക് വേണ്ടിയുള്ള, "പെറ്റ്റല്സ്"ന്റെ (Petrels) തീക്ഷ്ണമായ ആഗ്രഹത്തെ ചൂഷണം ചെയ്യുന്നത് മൂലം...
മറ്റേത് ഇരപിടിയന്മാരേക്കാളും, കൂടുതല് തെക്ക് വശത്ത് ഇങ്ങനെ ജീവിക്കാന് "സ്കുയാസ്"കള്ക്ക് (Skuas) കഴിയും.
ഉഷ്ണകാലത്തിന്റെ മൂര്ധന്യത്തില്പ്പോലും, അന്റാര്ട്ടിക്കയുടെ 3 ശതമാനം മാത്രമാണ് മഞ്ഞില് നിന്ന് രക്ഷപെടുക.
ഈ 3 ശതമാനം പാറകളുടെ, ഏതാണ്ട് മുഴുവന് ഭാഗവും, ഒരൊറ്റ സ്ഥലത്താണ് കണ്ടെത്താനാവുക.
ഇത് "അന്റാര്ട്ടിക്കന് ഉപദ്വീപ്" (Antarctic Peninsula) എന്നാണറിയപ്പെടുന്നത്.
ഭൂഖണ്ഡത്തിലെ മറ്റ് ഭാഗങ്ങളേക്കാള്, കൂടുതല് വടക്കോട്ട് നീണ്ടു നില്ക്കുന്നതിനാല്...
ഇവിടെയാണ് വസന്തം ആദ്യമായി എത്തുന്നത്.
ഉപദ്വീപിനെ, തെക്കന് സമുദ്രത്തിന്റെ കഠിനമായ ആക്രമണത്തില് നിന്നും സംരക്ഷിക്കുന്ന...
മലയിടുക്കുകളെ, ഉരുകിയ മഞ്ഞ് (Thaw) സ്വതന്ത്രമാക്കും.
ആഴങ്ങളില്, എന്തോ അനങ്ങുന്നുണ്ട്.
ഇവയാണ് "ഹമ്പ്ബാക്ക്" തിമിംഗലങ്ങള് (Humpback Whale).
5,000 മൈലുകളോളം സഞ്ചരിച്ചാണ്, ഇവര് ഇവിടെ എത്തിയിരിക്കുന്നത്.
കൊഞ്ചു വര്ഗ്ഗത്തില്പ്പെട്ട ചെറുജീവികളെ (Krill), ഇരതേടുകയാണിവര്.
മഞ്ഞ് പിന്വാങ്ങുന്നതോടെ, ചെമ്മീന് (Shrimp) പോലെയുള്ള ജീവികള്, ഇവിടെ ഒന്നിച്ച് കൂടാന് തുടങ്ങും.
സൂക്ഷ്മ ഏകോപനത്തില്, പരസ്പരം സര്പ്പിളമായി സഞ്ചരിച്ചുകൊണ്ട്...
തിമിംഗല കൂട്ടങ്ങള്, "ക്രില്ല്"കളുടെ (Krill) കൂട്ടത്തിലേക്ക് മുങ്ങാംകുഴിയിടും.
ഇപ്പോളവ, ഇരകളുടെയടുത്തേക്ക് ഉയരാനായി, തിരിയുകയും, വായു തങ്ങളുടെ നാസാരന്ധ്രങ്ങളിലൂടെ (Blowholes) പുറത്തേക്ക് വിടുകയുമാണ്.
കുമിളകളുടെ, സര്പ്പിളാകൃതിയിലുള്ള വലകള് ഉള്വലിയുന്നത് പോലെ, "ക്രില്ല്"കള് (Krill) കേന്ദ്രീകരിക്കപ്പെട്ടിരിക്കുകയാണ്.
തിമിംഗല കൂട്ടങ്ങളുടെ, ഈ മുഴുവന് സമയ വേട്ട, ഒരുപാട് കാലം നീണ്ടു നില്ക്കില്ല.
ഉഷ്ണകാലം അവസാനിച്ച്, ശിശിരകാലം വരാന് തുടങ്ങുന്നതിനാല്, തിമിംഗലങ്ങള് താമസിയാതെ തന്നെ വടക്കോട്ട് പോകേണ്ടി വരും.
സൂര്യന്റെ പ്രഭാവം കുറഞ്ഞ്, സമുദ്രം തണുത്തുറയാന് തുടങ്ങുകയാണ്.
ഭൂമിയിലെ, ഏറ്റവും മഹത്തരമായൊരു ഋതുഭേദമാണ് നടന്നുകൊണ്ടിരിക്കുന്നത്.
മഞ്ഞുകട്ടകള്, എല്ലാ ദിവസവും രണ്ടര മൈല് ദൂരം എന്ന അസാധാരണ നിരക്കില് വളരും.
ആഴ്ചകള്ക്കുള്ളില് തന്നെ, ഭൂഖണ്ഡം ഫലപ്രദമായി ഇരട്ടി വലിപ്പത്തിലേക്കെത്തും.
ഇതോടു കൂടി, ജീവനുകള് അന്റാര്ട്ടിക്കയില് നിന്ന് പാലായനം ചെയ്യുകയും ചെയ്യും.
പക്ഷേ, ഒരു ജീവി ഇവിടേക്ക് വന്നു കൊണ്ടിരിക്കുകയാണ്.
എല്ലാ ശൈത്യകാലത്തും, സമുദ്ര വീടിന്റെ സുഖമുപേക്ഷിച്ച് "എമ്പറര് പെന്ഗ്വിനുകള്" ( Emperor Penguin)...
സവിശേഷമായൊരു യാത്ര തുടങ്ങാറുണ്ട്.
നൂറുകണക്കിന് മൈലുകള്ക്കപ്പുറത്തുള്ള, ഉള്നാട്ടിലെ പ്രജനന സ്ഥലത്തേക്കാണ് ഇവരുടെ യാത്ര.
"എമ്പറര് പെന്ഗ്വിനുകള്" ( Emperor Penguin), അവര് മുട്ട വിരിഞ്ഞയിടത്തേക്ക് തന്നെ മടങ്ങി എത്തിയിരിക്കുകയാണ്.
തണുത്തുറഞ്ഞ സമുദ്രത്തില് കുടുങ്ങിപ്പോയ, മഞ്ഞുമലകളാല് സംരക്ഷിതമാണ് ഈ പ്രദേശം.
അടുത്ത തലമുറയെ, പെന്ഗ്വിനുകള് ഇവിടെ വളര്ത്തിയെടുക്കും.
പക്ഷേ, ആദ്യമായി ഒരു ഇണയെ കണ്ടെത്തണം.
ആണ്പെന്ഗ്വിനുകള്, ഇണയെ ആകര്ഷിക്കാന് ശ്രമിക്കും.
പെണ്പെന്ഗ്വിന് തിരിച്ചു പ്രതികരിച്ചാല്, അവര് ഇണകളാകുകയും, പ്രതിമകളെപ്പോലെ നില്ക്കുകയും ചെയ്യും.
പുതിയ ദമ്പതികള്, അതിവേഗം തന്നെ ശക്തമായ സ്നേഹബന്ധം സൃഷ്ട്ടിക്കും.
ചുറ്റുമുള്ള ബഹളമേറിയ ആള്ക്കൂട്ടമൊന്നും, അവരെ ബാധിക്കുന്നതായി തോന്നുന്നതേയില്ല.
ബന്ധം കൂടുതല് ഉറപ്പിക്കാന്, ആണ്പെന്ഗ്വിന് ഇണയ്ക്കൊപ്പം പുറത്തേക്ക് പോവുകയാണ്.
ഹ്രസ്വമായ പ്രണയകാലം കഴിഞ്ഞതിനാല്, ഇനി പാഴാക്കാന് സമയമില്ല.
ഒരു പാട് മര്ദ്ദം പ്രയോഗിക്കേണ്ടത് മൂലം, ഏതൊരു ആണ്പെന്ഗ്വിനും, മുകളില് നില്ക്കാന് പ്രയാസപ്പെടും.
ചില ആഴ്ചകള്ക്ക് ശേഷം, കൂടുതല് ബന്ധങ്ങളും വിജയകരമായതായിട്ടാണ് കാണുന്നത്.
മുട്ടയും ഉണ്ടായിരിക്കുന്നു.
മുട്ട വിരിയിക്കാനുള്ള ഊര്ജ്ജം, പെണ്പെന്ഗ്വിനുകള്ക്ക് ഇനി നല്കാനാവില്ല.
പകരം, ആണ്പെന്ഗ്വിനുകള് ആ ജോലി ഏറ്റെടുക്കും.
ഇപ്പോഴും താപനില മൈനസ് 20 ഡിഗ്രി തന്നെയാണ്.
അതുകൊണ്ട് തന്നെ, മുട്ട കൈമാറുന്നത് വളരെ വേഗം വേണം. അല്ലാത്തപക്ഷം മുട്ട മരവിച്ച് പോകും.
കൂടൊരുക്കാന് പാറ ഇല്ലാത്തതിനാല്, ആണ്പെന്ഗ്വിനുകള്, തങ്ങളുടെ പ്രത്യേക സഞ്ചിയിലാണ് മുട്ട സൂക്ഷിക്കുന്നത്.
മുട്ട ചൂടോടെ നിര്ത്താന്, ഇത് സഹായിക്കും.
വളരെ അസാധാരണമായ ഒരു കൂട്ടായ്മ ഇതിനാവശ്യമാണ്.
വിശപ്പ് മൂലം അവശരായ പെണ്പെന്ഗ്വിനുകള്, സമുദ്രത്തിലേക്ക് ഒറ്റയ്ക്ക് മടങ്ങി പോവുകയാണ്.
ഒരു മാസങ്ങള്ക്ക് മുന്പ്, ഇണകളോടൊപ്പം അവര് നടത്തിയ ഐതിഹാസിക യാത്രയുടെ ആവര്ത്തനമാണിത്.
സൂര്യനിപ്പോള് കഷ്ട്ടിച്ച് മാത്രമേ ചക്രവാളത്തില് പ്രത്യക്ഷപ്പെടുന്നുള്ളു.
പകല് സമയത്തിന്റെ ദൈര്ഘ്യം ചുരുങ്ങിയതോടെ, മന്ദോഷ്ണം (Warmth) ഭൂഖണ്ഡത്തില് നിന്നും ഉള്വലിഞ്ഞിരിക്കുകയാണ്.
പെണ്പെന്ഗ്വിനുകള് പോകുന്നതോടെ, ഈ കോളനിയില് വിചിത്രമായൊരു രൂപപരിണാമം സംഭവിക്കും.
മുട്ടകള് കാലുകള്ക്ക് മേല് സൂക്ഷിച്ചുകൊണ്ട്, ആണ്പെന്ഗ്വിനുകള് കൂടിക്കലര്ന്ന് കൂട്ടങ്ങളായി മാറും.
ചൂട് കിട്ടാനുള്ള പരിശ്രമത്തിനിടയില്, അവര് തിങ്ങിനിറഞ്ഞ ഒരു കൂട്ടമായി മാറും.
ഈ കൂട്ടത്തിന്, നിരന്തരമായി മാറ്റവും, ചലനവും സംഭവിക്കുന്നുണ്ടെന്ന് വേഗതയേറിയ ദ്രിശ്യങ്ങളില് നിന്ന് വ്യക്തമാണ്.
ഓരോ പെന്ഗ്വിനും, കൂടുതല് ചൂടുകൂടിയ ഉള്ഭാഗത്തേക്ക് പോകാന് ശ്രമിക്കുന്നതുകൊണ്ടാണ് ഇത് സംഭവിക്കുന്നത്.
എല്ലാ ബഹളത്തിനിടയിലും, ഈ പക്ഷികള് മികച്ച സ്വഭാവമാണ് പ്രകടിപ്പിക്കുന്നത്. അതവര്ക്ക് അനിവാര്യവുമാണ്.
ഒരു നിമിഷത്തേക്കെങ്കിലും കൂട്ടം വേര്പ്പെട്ടുപോയാല്, വിലപ്പെട്ട താപം നഷ്ടമാകും.
കഴിയുന്നതും വേഗത്തില്, പഴയ രൂപത്തിലേക്കെത്തുക എന്നത് അനിവാര്യതയാണ്.
അങ്ങനെ ചെയ്തങ്കില് മാത്രമേ, പ്രകൃതി ശക്തികളെ നേരിടാനും, മുട്ടകളെ സംരക്ഷിക്കാനും ആണ്പെന്ഗ്വിന് കഴിയു.
പക്ഷേ, അവരുടെ ഏറ്റവും വലിയ പരീക്ഷണം വരാനിരിക്കുന്നതേയുള്ളു,
ശൈത്യകാലം പുരോഗമിക്കുന്നതോടെ, നിരന്തരമായ ഹിമാപാതങ്ങള് (Blizzard), താപനിലയെ താഴേക്കെത്തിക്കും.
ഇപ്പോള്, താപനില പൂജ്യത്തില് നിന്നും 60 ഡിഗ്രി താഴെയാണ്.
കൂട്ടത്തില് ഏറ്റവും അറ്റത്തുള്ള പെന്ഗ്വിനുകള്...
മണിക്കൂറില് 100 മൈല് വേഗതയില് സഞ്ചരിക്കുന്ന, കാറ്റുകളുടെ ആഘാതം ഏല്ക്കേണ്ടി വരും.
കൂട്ടത്തിന്റെ നടുവിലേക്ക് ഊഴം അനുസരിച്ചെത്തുന്നവരെ, ഇവര് പരസ്പരം, ഇങ്ങനെ സംരക്ഷിക്കുന്നു.
സൂര്യന് ഉപേക്ഷിച്ചത് മൂലം, മുട്ടകള്ക്കൊപ്പം ആണ്പെന്ഗ്വിനുകളും ഒറ്റപ്പെട്ടിരിക്കുകയാണ്.
ഭൂമിയിലെ ഏറ്റവും തണുത്തതും, ഇരുണ്ടതുമായ ശൈത്യകാലത്തേയാണ് അവര് നേരിടേണ്ടത്.
ഭൂമിയുടെ ഏറ്റവും വടക്കേയറ്റത്ത്...
മാസങ്ങള്ക്കിടയിലെ ആദ്യ സൂര്യനുദിക്കുകയും, വളരെ വ്യത്യസ്ഥമായ മഞ്ഞുലോകത്തെ പ്രകാശിപ്പിക്കുകയുമാണ്.
അന്റാര്ട്ടിക്കയില് നിന്നും വ്യത്യസ്തമായി, കരഭാഗത്താല് വളയപെട്ട, തണുത്തുറഞ്ഞ, വിശാലാമായൊരു സമുദ്രമാണ് "ആര്ടിക്" (Arctic).
ഇവിടെ, ശൈത്യകാലം അവസാനിച്ചിരിക്കുന്നു.
പക്ഷേ, വിശാലമായ ഈ വന്യത, ഇപ്പോഴും മഞ്ഞില് തന്നെ കുടുങ്ങിയിരിക്കുകയാണ്.
നിശബ്ദതയെ ഭേദിച്ച് കൊണ്ടിരിക്കുന്ന, "ഐഡര്" ( Eider) താറാവുകളാണിവ.
തെക്കുള്ള, ചൂടേറിയ കാലാവസ്ഥയിലേക്ക് ചേക്കേറുന്നതിന് പകരം...
ഇവിടുത്തെ, വടക്കന് ശൈത്യകാലത്തെ അതിജീവിക്കുകയാണിവ.
40,000 അംഗങ്ങളുള്ള ഈ സംഘം, തണുത്തുറഞ്ഞ തരിശുഭൂമിക്ക് കുറുകെ പറക്കുകയാണ്.
ഇവര്ക്കെല്ലാം ഒരു ലക്ഷ്യമാണുള്ളത്.
ശക്തമായ സമുദ്രപ്രവാഹങ്ങള് മൂലം, ശൈത്യകാലം മുഴുവന് തുറന്നിരിക്കുന്ന...
സമുദ്ര മഞ്ഞു പാളിയിലെ, സ്ഥിരം സുഷിരങ്ങളായ "പോളീനിയറുകള്" (Polinear) ആണിവരുടെ ലക്ഷ്യം.
അസാധാരണമായ ഈ തടാകം, താറാവുകളുടെ രാത്രികാല അഭയസ്ഥാനമാണ്.
നേരം പുലരുമ്പോള്, ഭക്ഷണത്തിനുള്ള അപൂര്വ്വമായ അവസരവും ഇവിടെയുണ്ട്.
മഞ്ഞിന് 10 മീറ്റര് താഴെ, സമുദ്രനിലം "മസ്സില്സ്സ്"കളാല് (Mussel), ഇടതൂര്ന്നിരിക്കുകയാണ്.
സമുദ്ര പ്രവാഹങ്ങള്, ഹ്രസ്വ നേരത്തേക്കെങ്കിലും ശാന്തമാകുന്ന ഇത്തരം സമയങ്ങളിലേ ഇവിടെയെത്താനാകൂ.
പ്രവാഹത്തിന്റെ ദിശ മാറുന്നതിന് മുന്പ്, താറാവുകള് "മസ്സില്സ്സ്"കളെ (Mussel), ബലം പ്രയോഗിച്ച് സ്വന്തമാക്കിയേ പറ്റൂ.
അവസരത്തിന്റെ ജാലകങ്ങള് വളരെ ചെറുതാണ്.
ജല പ്രവാഹങ്ങള് രൂപപ്പെടാന് തുടങ്ങുന്നതോടെ, ഇവ ഉയരുകയും, അകലേക്ക് പോവുകയും ചെയ്യും.
മഞ്ഞിലെ, സ്ഥിരമായ ഈ സുഷിരങ്ങള്, ശൈത്യകാലം മുഴുവന് ഭക്ഷണം നല്കും.
ഭക്ഷണം കഴിക്കുന്നവര്, മറ്റുള്ളവരുടെ ശ്രദ്ധയേയും ആകര്ഷിക്കുന്നുണ്ട്.
"ആര്ടിക്കി"ലെ (Arctic) മഞ്ഞ് പാളിയിലുണ്ടാകുന്ന ഏതൊരു വിടവും, ജീവരക്ഷയ്ക്കുതകുന്നതാണ്.
"മസ്ക്ക് കാളകള്" (Musk Oxen), സ്വന്തമായി ഇത്തരം വിടവുകള് ഉണ്ടാക്കും.
തണുത്തുറഞ്ഞ മഞ്ഞുപാളികളെ തകര്ക്കാനുള്ള ശക്തി, ഈ ഭീമന്മാര്ക്കുണ്ട്.
മഞ്ഞുപാളികള്ക്കടിയിലെ സസ്യജാലങ്ങളില് മേയാനാണ് ഇവരുടെ ശ്രമം.
മറ്റുള്ള ശൈത്യകാല ജീവികള്ക്കും, ഈ വിടവ് ഉപയോഗപ്പെടും.
"റ്റാര്മിഗന്" (Ptarmigan) പക്ഷികളുടെ ഈ കൂട്ടം, "മസ്ക്ക്" കാളകളുമായി അസാധാരണമായൊരു കൂട്ടുകെട്ടിലാണ്.
പരിവാരങ്ങളുടെ എണ്ണം, ദിവസം മുഴുവന് കൂടിക്കൊണ്ടേ ഇരിക്കും.
സസ്യഭുക്കുകളുടെ അസാധാരണമായ ഈ സമ്മേളനം, ശ്രദ്ധിക്കപ്പെടാതെ പോകില്ല.
"ആര്ടിക്കിലെ" (Arctic) കുറുക്കനാണിത്.
"മസ്ക്ക്കള്" (Musk Oxen), ഈയടുത്താണ് കുഞ്ഞുങ്ങള്ക്ക് ജന്മം നല്കിയത്.
കുറുക്കന്മാര്ക്ക്, കുഞ്ഞുങ്ങളെ ഇരതേടാനുള്ളൊരു അവസരമാണിത്.
പക്ഷേ, അര ടണ് ഭാരമുള്ള ഈ കാളകള്, കളി പറഞ്ഞിരിക്കാന് പറ്റുന്ന പ്രകൃതക്കാരല്ല.
കുഞ്ഞുങ്ങള്, വസന്തത്തിലെ മഞ്ഞുരുകലിന് വളരെ മുന്പ് തന്നെ ഉണ്ടാകുന്നത് മൂലം...
ഉഷ്ണകാലം എത്തുമ്പോഴേക്കും, ഇവര്ക്ക് ഒരു മികച്ച തുടക്കം തന്നെ ലഭിക്കും.
ഒരു നിമിഷത്തില് ദയയുള്ളതും, അടുത്ത നിമിഷത്തില് ജീവനപഹരിക്കാന് തയ്യാറുമായ...
ഈ മഞ്ഞുലോകവുമായി, കുഞ്ഞുങ്ങള് ഒത്തു പോയേ മതിയാവൂ.
വസന്തത്തില് പോലും, എല്ലുകളെ മരവിപ്പിക്കുന്ന കാറ്റുകളാണ് ഇവിടെയുള്ളത്.
പെട്ടന്നുള്ള ഹിമപാതത്തില് (Blizzard) പെട്ടുപോകാതിരിക്കാന്, കുഞ്ഞുങ്ങള് എപ്പോഴും അമ്മയ്ക്കടുത്ത് തന്നെ നിന്നെ പറ്റു.
"ആര്ട്ടിക്കിലെ" (Arctic) ചെന്നായ.
ഘനമേറിയ ഹിമപാതം മൂലം, ഇവയെ തിരിച്ചറിയുക ഏറെക്കുറെ അസാധ്യമാണ്.
പക്ഷേ, "മസ്ക്ക് കാളകള്" (Musk Oxen), ഉള്പ്രേരണ മൂലം, ഉയരമുള്ള പ്രദേശങ്ങളിലേക്ക് മാറുകയാണ്.
Planet Earth subtitles in other languages
More Malayalam subtitles for Planet Earth
- Planet Earth Season 1 Episode 11 Ocean Deep · 42 downloads · 2018-09-20
- Planet Earth 1 Full Series (2006) · 40 downloads · 2018-08-23
- Planet Earth 10 Seasonal Forests 2006 1080p HDDVD x264 anoXmous ml · 35 downloads · 2018-07-25
- Planet Earth 09 Shallow Seas 2006 1080p HDDVD x264 anoXmous ml · 44 downloads · 2018-07-25
- Planet Earth 08 Jungles 2006 1080p HDDVD x264 anoXmous ml · 30 downloads · 2018-07-24
- Planet Earth 07 Great Plains 2006 1080p HDDVD x264 anoXmous ml · 40 downloads · 2018-07-24
- Planet Earth 04 Caves 2006 1080p HDDVD x264 anoXmous ml · 36 downloads · 2018-07-24
- Planet Earth 03 Fresh Water 2006 1080p HDDVD x264 anoXmous ml · 39 downloads · 2018-07-24
コメント
No comments yet. Be the first to leave one.