Wild Strawberries (Smultronstället)

Malayalam Subtitles are best viewed with KMplayer, MediaPlayer classic and pot player

മറ്റുള്ളവരുമായുള്ള നമ്മുടെ ബന്ധങ്ങളിൽ നാം

മുഖ്യമായും ചർച്ച ചെയ്യുന്നതും വിലയിരുത്തുന്നതും

അവരുടെ സ്വഭാവത്തെയും പെരുമാറ്റത്തെയും കുറിച്ചാണ്.

അത്തരത്തിൽപെട്ട എല്ലാ ബന്ധങ്ങളിൽ നിന്നും

അതുകൊണ്ടു തന്നെ ഞാൻ ക്രമേണ പിന്മാറുകയുണ്ടായി.

ഇത് എന്റെ വാർധക്യ കാലത്തെ ഏറെക്കുറെ ഏകാന്തമാക്കി.

എൻറെ ജീവിതം കഠിനാധ്വാനത്തിന്റേതായിരുന്നു. ഞാനതിൽ കൃതജ്ഞതയുള്ളവനാണ്.

നിത്യവൃത്തിക്കുള്ള ഒരു തൊഴിലെന്ന നിലയിൽ തുടങ്ങിയതാണ്, എന്നാൽ

ശാസ്ത്രത്തോടുള്ള പ്രണയത്തിലാണത് അതവസാനിച്ചത്.

എനിക്കൊരു മകനുണ്ട്, അവനും ഡോക്ടർ തന്നെ. ലുണ്ടിലാണവൻ വസിക്കുന്നത്.

അവൻ വിവാഹം കഴിച്ചിട്ട് വർഷങ്ങളായി. അവർക്ക് കുട്ടികളില്ല.

എന്റെ വൃദ്ധയായ അമ്മ ഇപ്പോഴും ജീവിച്ചിരിക്കുന്നു ഇപ്പോഴും അവർ വളരെ ഊർജസ്വലയാണ്.

എന്റെ ഭാര്യ കാരിൻ വർഷങ്ങൾക്കു മുമ്പ് തന്നെ മരിച്ചു പോയി.

ഡിന്നർ വിളമ്പിയിട്ടുണ്ട്, പ്രൊഫസർ ബോർഗ്.

നന്ദി.

നല്ലൊരു ജോലിക്കാരിയെ ലഭിച്ചതിൽ ഞാൻ ഭാഗ്യവാനാണ്.

പക്ഷേ എനിക്കൊന്നു കൂടി കൂട്ടിച്ചേർക്കാനാവും ഞാനൊരു പണ്ഡിതനാട്യക്കാരനാണെന്ന്.

എനിക്കും എന്റെ ചുറ്റുമുള്ളവർക്കുവേണ്ടിയും ചെറിയ ഉപകാരങ്ങൾ ചെയ്യാൻ

ചിലപ്പോൾ ഞാൻ പരിശ്രമിക്കാറുമുണ്ട്.

എന്റെ പേര് ഇസാക് ബോർഗ്,

എനിക്ക് വയസ്സ് 78 ആയി.

നാളെ ലുണ്ട് കത്തീഡ്രലിൽ വെച്ച് ഞാൻ ഹോണററി ഡിഗ്രി സ്വീകരിക്കും.

കാട്ടു ഞാവൽപഴങ്ങൾ

ജൂൺ ഒന്നിന്റെ പുലർച്ചയിൽ

വിചിത്രവും വേദനാജനകവുമായ ഒരു സ്വപ്നമെനിക്കുണ്ടായി.

പ്രഭാത സവാരിക്കിടയിൽ ശൂന്യമായ തെരുവുകളിലൂടെ,

തകർന്ന കെട്ടിടങ്ങൾക്കിടയിലൂടെ വഴിതെറ്റി സഞ്ചരിക്കുന്നതായി

ഞാൻ സ്വപ്നം കണ്ടു.

എന്താ സുഖമില്ലേ?

മിസ്സ് അഗ്ദ, അൽപം ഭക്ഷണം തയ്യാറാക്കൂ. ഞാൻ കാറിലാണു പോകുന്നത്.

പ്ലീസ്,അൽപം കൂടി കിടന്നോളൂ പ്രൊഫസർ, 9 മണിക്ക് ഞാൻ കോഫി കൊണ്ടു വരാം.

പ്ലാൻ ചെയ്ത പോലെ നമുക്ക് 10 ന് പുറപ്പെടാം.

ഓ,ശരി, ഞാൻ ബ്രേക്ക്ഫാസ്റ്റ് കഴിക്കാതെ പുറപ്പെടാം.

നിങ്ങളുടെ സാധനങ്ങളൊക്കെ ആരു പായ്ക്കു ചെയ്യും?

- ഞാൻ സ്വയം ചെ്തോളാം. - അപ്പോൾ ഞാനോ?

നിനക്ക് എന്നോടൊപ്പം കാറിലോ അല്ലെങ്കിൽ വിമാനത്തിലോ വരാം. നിന്റെ ഇഷ്ടം പോലെ.

താങ്കൾ ഹോണററി ബിരുദം വാങ്ങുന്നതു കാണാനായി കാത്തിരിക്കുകയായിരുന്നു ഞാൻ.

അതിനായി നമ്മളെല്ലാ കാര്യങ്ങളും ഭംഗിയായി ഒരുക്കിയതുമാണ്.

എന്നിട്ടിപ്പോ താങ്കൾ കാറിൽ പോകുന്നു.

അഞ്ചുമണി വരെ ചടങ്ങ് തുടങ്ങില്ല.

ഞാനിപ്പോൾ തന്നെ പുറപ്പെട്ടാൽ ചടങ്ങിനു മുമ്പ് അവിടെത്താൻ പതിന്നാലു മണിക്കൂർ കിട്ടും.

താങ്കളെല്ലാം നശിപ്പിച്ചു!

മാൽമോ എയർപോർട്ടിൽ താങ്കളെ പ്രതീക്ഷിച്ചിരിക്കുന്ന മകനെക്കുറിച്ചെന്തു വിചാരിക്കുന്നു?

നീയൊരു വിശദീകരണം കണ്ടു പിടിക്കാൻ നോക്ക്.

താങ്കൾ കാറിലാണു പോകുന്നതെങ്കിൽ ഞാൻ വരുന്നേയില്ല.

ഇത് ശ്രദ്ധിക്ക്, മിസ്സ് അഗ്ദ!

കാറിൽ പൊയ്ക്കോ, എന്റെ ജീവിതത്തിലെ ഏറ്റവും വിലയേറിയ ദിവസം താങ്കൾ നശിപ്പിച്ചു...

അതിന് നമ്മൾ വിവാഹിതരല്ല, മിസ്സ് അഗ്ദ.

ഓരോ രാത്രിയിലും ഞാനതിന് ദൈവത്തോട് നന്ദി പറയാറുണ്ട്.

74 വർഷമായി ഞാനെന്റെ സാമാന്യബുദ്ധി ഉപയോഗിക്കുന്നു. അതെന്നെ ചതിക്കില്ല.

ഇത് നിന്റെ അവസാന വാക്കാണോ?

അതെ.

നാൽപതു വർഷം വിശ്വസ്തതയോടെ സേവിച്ചിട്ടും മറ്റുള്ളവരുടെ വികാരങ്ങൾ പരിഗണിക്കാത്ത

സ്വാർഥനും മുൻകോപിയുമായ വയസ്സനെക്കുറിച്ച് ഞാനെന്നോടുതന്നെ പുലമ്പിക്കൊണ്ടിരിക്കും.

നിൻറ മേൽക്കോയ്മ ഇത്രനാൾ സഹിച്ച്

ജീവിച്ചത് അവിശ്വസനീയം തന്നെ.

ഒരൊറ്റ വാക്കു മതി, ഞാൻ നളെത്തന്നെ സ്ഥലം വിടാം.

ഞാനെന്തായാലും കാറിൽ തന്നെ പോകുന്നു. നിനക്കിഷ്ടമുള്ളതു പോലെ വരാം, പ്ലീസ്.

നിന്നിൽ നിന്നും ആജ്ഞകൾ സ്വീകരിക്കേണ്ടാത്ത വിധം എനിക്കു പ്രായമായിട്ടുണ്ട്.

നിന്നെപ്പോലെ ആർക്കും പായ്ക്കു ചെയ്യാനാവില്ല, മിസ്സ് അഗ്ദ.

ശരിക്കും?

കിഴവിപ്പൂച്ച!

ഞാൻ രണ്ടു മുട്ട കൂടെ പുഴുങ്ങിത്തരട്ടേ?

ശരി, വളരെ നന്ദി പ്രിയപ്പെട്ട അഗ്ദ.

ഫാക്കൽറ്റികൾക്ക് എന്നെ ഒരു ബഹുമാന്യവിഢ്ഢിയാക്കി മാറ്റാമായിരുന്നു.

ഞാനാ വയസ്സത്തിയെ എന്തെങ്കിലും സമ്മാനം കൊണ്ടു സമാധാനിപ്പിക്കും.

എനിക്കീ മുൻകോപക്കാരെ വെറുപ്പാണ്.

ഞാനൊരു പ്രാണിയെപ്പോലും ദ്രോഹിക്കാറില്ല. എന്നെ ഒറ്റയ്ക്കുവിട്, മിസ്സ് അഗ്ദ.

ടോസ്റ്റ് വേണോ?

വേണ്ട, എനിക്കു വേണ്ടി നീയധികം വിഷമിക്കേണ്ട.

നിങ്ങൾ എന്തിനാണ് ശാഠ്യം പിടിക്കുന്നത്?

നിനക്ക് ഒരു കപ്പ് കാപ്പി വേണ്ടേ?

ഗുഡ് മോണിങ്ങ്, അങ്കിൾ ഇസ്സാക്ക്.

ഓ! ശരി ശരി. മരുമകളെന്താ ഈ സമയത്തെഴുന്നേറ്റത്?

നിങ്ങളും അഗ്ദ ആന്റിയും ഇങ്ങനെ വഴക്കിടുമ്പോൾ ആർക്കാ ഉറങ്ങാൻ കഴിയുക?

ഏയ്, വഴക്കൊന്നുമുണ്ടായിരുന്നില്ല.

ഇല്ല, ഒന്നുമുണ്ടായില്ല.

താങ്കൾ ലുണ്ടിലേക്കു കാറിലാണോ പോകുന്നത്?

അതെ.

ഞാനും കൂടെ വന്നോട്ടെ?

നീ വീട്ടിലേക്കു പോവുകയാണോ?

അതെ, എനിക്കു വീട്ടിൽ പോകണം.

ഇവാൾഡിന്റെ വീട്ടിലേക്കോ?

എന്താണെന്നെന്നോടു ചോദിക്കരുത്.

എനിക്കു പറ്റുമായിരുന്നെങ്കിൽ ഞാൻ ട്രെയിനിൽ പോയേനെ.

തീർച്ചയായും. നിനക്കെന്റെ കൂടെ യാത്ര ചെയ്യാം.

പത്തു മിനുട്ടിനകം ഞാൻ റെഡിയാകാം.

ദൈവമേ!

ദയവായി പുകവലിക്കരുത്. എനിക്ക് സിഗരറ്റ് പുക സഹിക്കാൻ വയ്യ.

ഞാൻ മറന്നു.

സ്ത്രീകളുടെ പുകവലി നിരോധിക്കുന്ന ഒരു നിയമം ഉണ്ടാവണം.

നല്ല കാലാവസ്ഥ.

ശരിയാ, എന്നാൽ ഉഷ്ണമുണ്ട്.

- ഇടിയും മഴയുമുണ്ടാകുമെന്നു തോന്നുന്നു. - എനിക്കും തോന്നുന്നു.

എന്നാൽ എനിക്കൊരു സിഗരറ്റ് ഏതു സമയത്തും ആവാം.

അത് ഉത്തേജനവും ആശ്വാസവും നൽകും. അത് ആണുങ്ങളുടെ ദുശ്ശീലമാണ്.

എന്നാൽ സ്ത്രീകൾക്കു പറ്റുന്ന ദുശ്ശീലങ്ങളെന്തൊക്കെയാ?

കരയുക, പ്രസവിക്കുക, പിന്നെ അയൽക്കാരെക്കുറിച്ച് പരദൂഷണം പറയുക.

ശരിക്കും താങ്കൾക്കെത്ര വയസ്സായി അങ്കിൾ ഇസാക്?

എന്താ ചോദിക്കാൻ?

കാരണമൊന്നുമില്ല. എന്തേ?

എനിക്കറിയാം നീയെന്താ ചോദിച്ചതെന്ന്.

ഓ! ശരി.

മറച്ചു വെക്കേണ്ട. നീ എന്നെ ഇഷ്ടപ്പെട്ടിട്ടില്ല. ഒരിക്കലും.

ഭർത്താവിന്റെ അച്ഛൻ എന്ന നിലയിൽ മാത്രമേ ഞാൻ താങ്കളെ മനസ്സിലാക്കിയിട്ടുള്ളൂ.

നീയെന്താ വീട്ടിലേക്കു പോകുന്നത്?

പെട്ടെന്നൊരു തോന്നൽ. അത്രേയുള്ളു.

ഇവാൾഡ് എന്റെ മകനായിപ്പോയി.

അതിൽ സംശയിക്കാനെന്തിരിക്കുന്നു?

ഇവാൾഡും ഞാനും ഏറെക്കുറെ ഒരു പോലാണ്. ഞങ്ങൾക്ക് ഞങ്ങളുടേതായ നിലപാടുകളുണ്ട്.

താങ്കളതെന്നോടു പറയേണ്ട കാര്യമില്ല.

ഇപ്പൊ, ഉദാഹരണമായി അവൻ വാങ്ങിയ കടത്തിന്റെ കാര്യം.

താങ്കളെന്താണു പറയാൻ പോകുന്നതെന്ന് എനിക്കു കൃത്യമായറിയാം.

അസോസിയേറ്റ് പ്രൊഫസറാകുമ്പോൾ അവനതു മടക്കിത്തരും.

വർഷത്തിൽ 5000 വെച്ചു മടക്കിത്തന്നിരുന്നെങ്കിൽ അതൊരന്തസ്സുള്ള കാര്യമാകുമായിരുന്നു.

അതു കുറച്ചു പ്രയാസമുള്ള കാര്യമാണെങ്കിലും....

വാക്ക് പറഞ്ഞാൽ വാക്കായിരിക്കണം.

ഞങ്ങളെ സംബന്ധിച്ച് അതിനർഥം, ഒരിക്കലും ഒരുമിച്ചൊരു വിനോദയാത്രപോലും സാധിക്കില്ലെന്നാണ്.

താങ്കളുടെ മകനാകട്ടെ ജോലി ചെയ്തു ചെയ്തു മരിക്കും.

നിനക്ക് നിന്റേതായ വരുമാനമുണ്ടല്ലോ.

പ്രത്യേകിച്ചും നിങ്ങൾ ഒരു പൂത്ത പണക്കാരനും എന്നാൽ പണംകൊണ്ട്

ഒരാവശ്യമില്ലാത്തവനുമായിരിക്കുമ്പോൾ...

വാക്ക് പറഞ്ഞാൽ വാക്കായിരിക്കണം. എനിക്കറിയാം ഇവാൾഡ് അത് മാനിക്കുന്നുണ്ടെന്ന്.

ശരിയിയിരിക്കാം. എന്നാൽ ഇവാൾഡും താങ്കളെ വെറുക്കുന്നുണ്ട്.

നിനക്കെന്താ എന്നോടിത്ര എതിർപ്പ്?

തുറന്നു പറഞ്ഞോട്ടെ?

പറഞ്ഞോ. ഞാൻ ചോദിച്ചിട്ടു തന്നെയാണ്.

താങ്കളൊരു സ്വാർഥനായ വൃദ്ധനാണ് അങ്കിൾ ഇസാക്ക്.

താങ്കൾ ഒട്ടും ദയയില്ലാത്തവനും തന്നെയല്ലാതെ മറ്റാരെയും ശ്രദ്ധിക്കാത്തവനുമാണ്.

താങ്കളുടെ പഴഞ്ചൻ മര്യാദകളുടെയും ബാഹ്യമായ സൗഹൃദപ്രകടനങ്ങളുടെയും പിന്നിൽ എല്ലാം ഒളിച്ചു വെക്കുന്നു.

പുറമേ കാട്ടുന്ന ഉദാരതയ്ക്കടിയിൽ താങ്കൾ ഇരുമ്പ് പോലെ കഠിനനാണ്.

എന്നാൽ വളരെ അടുത്തു നിന്നു കാണുന്ന ഞങ്ങളെ നിങ്ങൾക്ക് പെട്ടെന്നു വിഢ്ഢികളാക്കാനാവില്ല.

ഒരു മാസം മുമ്പ് ഞാൻ താങ്കളുടെ അരികിൽ വന്നതോർമ്മയുണ്ടോ?

താങ്കൾ എന്നെയും ഇവാൾഡിനെയും സഹായിക്കുമെന്ന് എനിക്കൊരു വിഢ്ഢിത്തം തോന്നി.

ഒന്നോ രണ്ടോ ആഴ്ച താങ്കളുടെ കൂടെ താമസിക്കാൻ ഞാൻ അനുവാദം ചോദിച്ചു.

താങ്കളെന്താ പറഞ്ഞതെന്നോർക്കുന്നുണ്ടോ?

ഞാൻ പറഞ്ഞു എനിക്കു വളരെ സന്തോഷമെന്ന്.

ഒരുപക്ഷേ താങ്കളതു മറന്നു പോയതാവാം, താങ്കൾ പറഞ്ഞത്,

"നിങ്ങളുടെ ദാമ്പത്യകലഹത്തിലേക്ക് എന്നെ വലിച്ചിഴയ്ക്കരുത്.

എനിക്കതിൽ കാര്യമില്ല.

നീയും ഇവാൾഡും കൂടി അതു പരിഹരിക്കണം"

ഞാനങ്ങനെ പറഞ്ഞോ?

- അതു മാത്രമല്ല. - ഏയ്, ഇല്ല.

ഇതായിരുന്നു താങ്കൾ പറഞ്ഞ വാക്കുകൾ:

"മാനസികപ്രയാസങ്ങളെ ഞാനൊട്ടും തന്നെ മാനിക്കുന്നില്ല.

എന്റെ മുമ്പിൽ കരഞ്ഞു കാണിക്കാൻ വരേണ്ട.

നിനക്ക് ചികിൽസയാണു വേണ്ടതെങ്കിൽ ഒരു സൈക്യാട്രിസ്റ്റിനെ കാണുന്നതാണു നല്ലത്.

അല്ലെങ്കിലെന്തുകൊണ്ട് ഒരു പുരോഹിതനെ ആയിക്കൂടാ? ആതാണല്ലോ ഇപ്പോഴത്തെ രീതി."

ഞാനങ്ങനെ പറഞ്ഞോ?

നിങ്ങളുടെ തീർപ്പുകൾ വളരെ വിഭാഗീയത നിറഞ്ഞതായിരുന്നു അങ്കിൾ ഇസാക്.

താങ്കളെ ആശ്രയിക്കുന്നത് എനിക്കു വെറുപ്പായിരുന്നു.

നീ വീട്ടിലുണ്ടാകുന്നത് എനിക്കു വളരെ ഇഷ്ടമായിരുന്നു.

ഒരു പൂച്ചയെപ്പോലെ അല്ലേ?

ഒരു പൂച്ച അല്ലെങ്കിൽ മനുഷ്യൻ, എന്താ വത്യാസം?

നീന്നെപ്പോലൊരു നല്ല യുവതി എന്നെ ഇഷ്ടപ്പെടാത്തതിൽ എനിക്കു ദു:ഖമുണ്ട്.

- ഞാൻ താങ്കളെ ഇഷ്ടപ്പെടാതിരുന്നിട്ടില്ല. - ശരിക്കും?

- എനിക്കു താങ്കളോട് സഹതാപമേയുള്ളു. - സഹതാപം?

രാവിലെ ഞാൻ കണ്ട ഒരു സ്വപ്നത്തെക്കുറിച്ച് നിന്നോടു പറയണമെന്നുണ്ട്.

എനിക്കു സ്വപ്നങ്ങളിലത്ര താൽപര്യമൊന്നുമില്ല.

ഇല്ലില്ല. തീർച്ചയായുമില്ല.

താങ്കളെങ്ങോട്ടാ പോകുന്നത്?

നിനക്കു ചിലതു ഞാൻ കാണിച്ചു തരാം.

എന്റെ ജീവിതത്തിലെ ആദ്യത്തെ 20 വേനൽക്കാലങ്ങളിൽ ഞങ്ങളിവിടെയായിരുന്നു താമസിച്ചിരുന്നത്.

ഞങ്ങൾ പത്തോളം കുട്ടികളുണ്ടായിരുന്നു. ഒരു പക്ഷേ നിനക്കറിയാമായിരിക്കും.

ഇപ്പോ ഇവിടെ ആരെങ്കിലും താമസിക്കുന്നുണ്ടോ?

ഇല്ല, ഈ വേനലിലില്ല.

താങ്കൾക്കു വിരോധമില്ലെങ്കിൽ ഞാൻ നീന്താൻ പോകുന്നു. നമുക്ക് വേണ്ടുവോളം സമയമുണ്ട്.

ഉറപ്പായും, നീന്താൻ പൊയ്ക്കൊള്ളൂ.

കാട്ടുഞാവൽ പഴങ്ങൾ വളരുന്ന സ്ഥലം!

ഒരുപക്ഷേ ഞാനൽപം വികാരവിവശനാവുന്നു.

ഒരുപക്ഷേ ഞാനൽപം ക്ഷീണിതനും

ദു:ഖിതനുമായിരിക്കുന്നു.

കുട്ടിയായിരുന്നപ്പോൾ ഞാൻ കളിച്ചു വളർന്ന സ്ഥലങ്ങളുമായി ബന്ധപ്പെട്ട

പലതും ഓർമ്മിക്കാൻ തുടങ്ങുന്നത് അത്ര അസ്വഭാവികമായ കാര്യമല്ല.

അതെങ്ങനെ സംഭവിച്ചുവെന്ന് എനിക്കറിയില്ല,

എന്നാൽ ആ ദിവസത്തിന്റെ വ്യക്തമായ യാഥാർഥ്യം

ഒർമ്മയുടെ കൂടുതൽ വ്യക്തമായ ചിത്രങ്ങളിൽ അലിഞ്ഞില്ലാതായി

സംഭവങ്ങളുടെ സത്യമായ പ്രവാഹമായി

വളരെ ശക്തമായിത്തന്നെ അതെന്റെ കണ്മുൻപിൽ പ്രത്യക്ഷപ്പെട്ടു.

സാറാ.

സാറാ,

ഇത് നിന്റെ കസിൻ ഇസാക്കാണ്.

ശരി, ഞാൻ വയസ്സനായിത്തീർന്നിരിക്കുന്നു, തീർച്ചയായും ഞാൻ പഴയതു പോലല്ല.

എന്നാൽ നീ, നീ ഒട്ടുംതന്നെ മാറിയിട്ടില്ല.

ഗുഡ് മോണിങ്ങ് സ്വീറ്റ് കസിൻ, നീയെന്താ ഇവിടെ ചെയ്യുന്നത്?

കട്ടുഞാവൽപഴങ്ങൾ പറിക്കുന്നു, എന്താ കണ്ടു കൂടേ?

സുന്ദരിയായൊരു യുവതി ഇത്ര രാവിലെ രുചികരമായ കാട്ടു ഞാവൽപഴങ്ങൾ

പറിച്ചെടുക്കുന്നത് ആരെ പ്രീതിപ്പെടുത്താനായിരിക്കും?

അസംബന്ധം പറയാതെ! നിനക്കു നന്നായറിയാം അങ്കിൾ ആരോണിന്റെ ജന്മദിനമാണിന്നെന്ന്.

ഞാനൊരു സമ്മാനം നൽകാൻ മറന്നു പോയി.

പകരം അദ്ദേഹത്തിന് ഒരു കൂട കാട്ടുഞാവൽപഴങ്ങൾ സമ്മാനിക്കുന്നു.

ഞാൻ സഹായിക്കാം.

നിനക്കറിയുമോ,സിഗ്ബ്രിറ്റും ഷാർലറ്റും കൂടി ഒരു ചിത്രകമ്പളം, അഞ്ജേലിക്ക ഒരു കെയ്ക്ക്,

അന്ന, അവൾ വരച്ച മനോഹരമായ ഒരു ചിത്രം, പിന്നെ ക്രിസ്റ്റിനയും ബ്രിജിത്തയും കൂടി

അദ്ദേഹത്തിനു വേണ്ടി പാടാൻ ഒരു ഗാനവും എഴുതിയുണ്ടാക്കിയിട്ടുണ്ട്.

പാട്ടാവും അസ്സലാവുക. ആരോൺ അങ്കിളിന് വെടിവെച്ചാൽ പോലും കേൾക്കില്ല.

അദ്ദേഹത്തിനതൊക്കെ ഇഷ്ടമാവും നീ വെറും മണ്ടനാണ്.

കടഞ്ഞെടുത്ത സുന്ദരമായ കഴുത്താണ് നിനക്ക്.

ഇങ്ങനെ ചെയ്യാൻ പാടില്ലെന്നു നിനക്കറിയാം.