Hero (英雄)

ആളുകൾ ജീവത്യാഗം ചെയ്യുന്നതിന് നിരവധി കാരണങ്ങളുണ്ട്.

സുഹൃത്ബന്ധത്തിന് വേണ്ടി, സ്നേഹത്തിന് വേണ്ടി, ആദർശത്തിന് വേണ്ടി.

ആളുകൾ പരസ്പരം കൊല്ലുന്നതും ഇതേ കാരണങ്ങൾക്കാണ്...

ചൈന ഇന്ന് കാണുന്നപോലെ വലിയൊരു രാജ്യമാകുന്നതിന് മുൻപ്, പരസ്പരം പോരാടിയിരുന്ന ഏഴ് നാട്ടുരാജ്യങ്ങളായി പിരിഞ്ഞിരുന്നു.

ഇതിൽ ഛിൻ ദേശം ഭരിച്ചിരുന്നത് നിഷ്കരുണനായ ഒരു രാജാവായിരുന്നു.

…അദ്ദേഹത്തിന് ഒരു ലക്ഷ്യം ഉണ്ടായിരുന്നു. ആ നാട്ടുരാജ്യങ്ങളെ ഒന്നിപ്പിക്കുക.

എന്നെന്നേക്കുമായി യുദ്ധത്തിന് ഒരു വിരാമമിടാൻ.

അത് അദ്ദേഹത്തിന്റെ ശത്രുക്കളുടെ രക്തത്താൽ കുതിർന്ന പദ്ധതിയായിരുന്നു.

എല്ലാ യുദ്ധത്തിന്റെയും ഇരുവശത്തും വീരന്മാരുണ്ട് ...

വീരൻ

ഛിൻ രാജ്യം

വളരെ ചെറുപ്പത്തിൽ അനാഥനായതിനാൽ എനിക്കാരും പേരുവെച്ചില്ല.

ആളുകളെന്നെ 'പേരില്ലാത്തോൻ' എന്ന് വിളിച്ചുപോന്നു.

കാത്തുരക്ഷിക്കാൻ പ്രേത്യേകിച്ചൊരു കുടുംബപ്പേരില്ലാത്തതിനാൽ, ഞാൻ എന്റെ ജീവിതം വാൾപയറ്റിനായി ഉഴിഞ്ഞുവെച്ചു.

10 വർഷം ഞാൻ വാൾപ്പയറ്റിലെ എന്റെ പാടവം മെച്ചപ്പെടുത്തുവാനായി പരിശീലിച്ചു.

ഇപ്പോൾ ഛിൻ ദേശത്തിന്റെ രാജാവ് എന്നെ സഭയിലേക്ക് വിളിപ്പിച്ചിരുന്നു,

കാരണം എന്റെ കഴിവുകളിൽ ഒരു രാജ്യം മുഴുവൻ ആശ്‌ചര്യപെട്ടിരിക്കുന്നു.

മഹാരാജാവിന്റെ കല്പനയാൽ,

ആ പോരാളിയെ കൊണ്ടുവന്നിരിക്കുകയാണ് മഹാമന്ത്രി.

ചാങ് കോങ്ങ് (അനന്തമാം ആകാശം), ഫെയ്ഷുവെ (പറക്കും മഞ്ഞ്), കാൻജിയാൻ (മുറിവാൾ).

ജ്ഹൗവിൽ നിന്നുള്ള ഈ മൂന്ന് കൊലയാളികൾ കഴിഞ്ഞ 10 വർഷമായി

തമ്പുരാനേ കൊല്ലാൻ ശ്രമിച്ചുകൊണ്ട് ഇരിക്കുകയായിരുന്നു,

അതിനാൽ അദ്ദേഹത്തിന് സൗഖ്യമായൊന്ന് പള്ളിയുറങ്ങാൻ പോലും സാധിക്കുന്നില്ല.

ഇന്ന് നമ്മുടെ ഛിൻ ദേശത്തിൽ നിന്നുള്ള ഒരു വീരൻ

ഒറ്റക്ക് ശത്രുക്കളെ ഉന്മൂലനം ചെയ്തിരിക്കുന്നു.

ഇനി തമ്പുരാന് സമാധാനത്തോടെ പള്ളിയുറങ്ങാം!

രാജ്യസഭാംഗങ്ങൾ അദ്ദേഹത്തെ അനുമോദിക്കുന്നു.

കൊലയാളികളെ ഇല്ലാതാക്കാൻ സ്വർഗത്തുനിന്നും അയച്ചതാണ് ഈ യോദ്ധാവിനെ!

യോദ്ധാവിനെ കൊണ്ടുവരാൻ തമ്പുരാൻ ആജ്ഞാപിച്ചു!

കൊട്ടാരത്തിനകത്തേക്ക് കയറിയാൽ,

സിംഹാസനത്തിന് 100 അടി വിട്ട് നിൽക്കണം

ഇല്ലെങ്കിൽ മറുചോദ്യം ഉണ്ടാവില്ല, കൊല്ലേണ്ടിവരും.

ഇത് മറക്കരുത്!

10 വർഷമായി,

ആരും സിംഹാസനത്തിൻ 100 അടി ദൂരം താണ്ടി വന്നിട്ടില്ല.

- കാരണം എന്താണെന്ന് അറിയാമോ? - എല്ലായിടത്തും കൊലയാളികൾ ആയതുകൊണ്ട്.

ശരിയാണ്.

കൊലയാളികൾ ഉള്ളിടത്തോളം കാലം എനിക്കെന്റെ പടച്ചട്ട ഊരാനാവില്ല.

എനിക്ക് വേണ്ടി ആ അസുരന്മാരെ ഇല്ലാതാക്കിയ സ്ഥിതിക്ക്,

പാരിതോഷികമായി നിനക്കെന്താണ് വേണ്ടത്?

ഛിൻ മഹാരാജ്യത്തിന്റെ ശത്രുക്കളെ ഇല്ലാതാക്കുന്നത് എന്റെ കടമയാണ്. അതിന് ഞാൻ പാരിതോഷികം ഇച്ഛിക്കുന്നില്ല.

ഛിൻ നിയമങ്ങൾ അനുസരിച്ച് നിങ്ങൾക്ക് തക്കതായ പാരിതോഷികം തരേണ്ടതാണ്.

ചാങ് കോങ്ങിന്റെ വെള്ളിശൂലം

അനേകം ധീരന്മാരായ ഛിൻ യോദ്ധാക്കളെ മുറിവേൽപ്പിച്ചതാണ്.

എന്റെ രാജശാസനം വിളംബരം ചെയ്യൂ!

തമ്പുരാന്റെ കൽപ്പന പ്രകാരം, കൊലയാളിയായ ചാങ് കോങ്ങിനെ ഉന്മൂലനം ചെയ്യുന്നയാൾക്ക്

1000 പൊൻനാണയങ്ങളും 1000 കുടുംബങ്ങളുടെ ജന്മിപ്പട്ടവും പാരിതോഷികം നൽകുന്നതാണ്.

സിംഹനത്തിന് 20 അടി അകലത്തിൽ വന്ന് തമ്പുരാനോടൊപ്പം മദ്യം സേവിക്കൂ!

എന്റെ ചാരന്മാർ പറഞ്ഞത് നിങ്ങൾ ഛിൻ രാജ്യത്തെ പൗരൻ ആണെന്നാണ്.

ഞാൻ അങ്ങയുടെ എളിയ സേവകൻ പേരില്ലാത്തോൻ, ലാൻ മെങ് ജില്ലയിലെ സമാധാനപാലകൻ.

വെറും സമാധാന പാലകനോ! അതും വെറും പത്ത് നാഴിക ചുറ്റളവുള്ള പ്രദേശത്തിന്റെ!

ഈ രാജ്യത്തിലെത്തന്നെ ഏറ്റവും താഴ്ന്ന പദവിയാണല്ലോ.

ജ്ഹൗവിലെ മൂന്ന് മാരക കൊലയാളികളെ ഇല്ലാതാക്കാൻ നിങ്ങൾക്ക് എങ്ങനെ സാധിച്ചു?

ഞാൻ ഓരോരുത്തരെയായി നേരിട്ടു.

വിശദമായി പറയൂ.

കാൻജിയാനും ഫെയ്ഷുവെയും കമിതാക്കളായിരുന്നെന്ന് തമ്പുരാൻ ഒരുപക്ഷെ കേട്ടുകാണും?

കേട്ടിട്ടുണ്ട്.

തമ്പുരാന് അറിയാമായിരുന്നോ

അവർ പരസ്പരം സംസാരിച്ചിട്ട് മൂന്ന് വർഷങ്ങൾ ആയെന്നത്?

മൂന്ന് വർഷം സംസാരിച്ചില്ലേ? അതെന്താ?

ഫെയ്ഷുവെയും ചാങ് കോങ്ങും കമിതാക്കളെപോലെ ഒരു രാത്രി ഒരുമിച്ച് ചിലവഴിച്ചിട്ടുണ്ട്.

ഇത് കാൻജിയാനെ വല്ലാതെ വേദനിപ്പിച്ചു.

ഇത് ഞാനെന്താ ഇതുവരെ കേൾക്കാൻ ഇടയാവാഞ്ഞത്?

അങ്ങയുടെ ഈ എളിയ സേവകൻ ഒരുപാട് കഷ്ടപ്പെട്ടാണ് ഈ രഹസ്യം കണ്ടുപിടിച്ചത്.

ഫെയ്ഷുവെക്കും കാൻജിയാനും ഇടയിൽ ഒരു അകൽച്ച വരുത്താൻ,

എനിക്ക് ആദ്യം ചാങ് കോങ്ങിനെ ഇല്ലാതാക്കണമായിരുന്നു.

എനിക്ക് നിങ്ങളുടെ തന്ത്രം മനസ്സിലാവാൻ തുടങ്ങി.

തമ്പുരാന് നല്ല ഗ്രഹണശക്തിയുണ്ടല്ലോ.

എന്ത് ആയുധം ഉപയോഗിച്ചാണ് ചാങ് കോങ്ങിനെ പരാജയപ്പെടുത്തിയത്?

വാൾ.

ലാൻ മെങിനകത്ത് ഉള്ള കുറ്റവാളികളെ പിടിക്കേണ്ടത് എന്റെ കടമയാണ്.

ആറാം മാസത്തിന്റെ അഞ്ചാം നാൾ ചാങ് കോങ്ങ് ഒരു ചതുരംഗസഭയിൽ എത്തി.

ഞാൻ മുൻപേ കേട്ടിരുന്നു,

അയാൾക്ക് സംഗീതത്തിലും ചതുരംഗത്തിലും കമ്പമുണ്ടെന്നും അവിടെ സ്ഥിരം സന്ദര്ശകനാണെന്നും.

ഛിൻ രാജ്യസഭയിലെ ഏഴ് മികച്ച പോരാളികൾ...

ഞങ്ങൾ ഒരുപാട് ദിവസമായി നിങ്ങളെ പിന്തുടരുന്നു. നിങ്ങളെ പിടിക്കാൻ വന്നതാണ്!

ആയുധം വെച്ച് കീഴടങ്ങൂ !

നിൽക്കൂ!

ഞാൻ ഇവിടത്തെ നിയമപാലകൻ ആണ്. എന്ത് വേണം?

ഈ ദേശം എന്റെ നിയന്ത്രണത്തിലാണ്!

അതിന്?

നിങ്ങൾ ഒരു പിടികിട്ടാപ്പുള്ളിയാണ്! തുറുങ്കിലടക്കാൻ വന്നതാണ്!

ദയവുചെയ്ത് ഒരു പാട്ട് കൂടെ വായിക്കാമോ?

ആയോധനകലയും സംഗീതവും ഒരേ തൂവല്പക്ഷികളാണ്.

സങ്കീർണ്ണ താളങ്ങളും അപൂർവ സ്വരങ്ങളും തമ്മിലുള്ള അങ്കമാണ് രണ്ടും.

ഞങ്ങൾ പരസ്പരം മുഖാമുഖം നോക്കി ഒരുപാട് നേരം നിന്നു,

രണ്ടുപേരും അനങ്ങിയില്ല,

കാരണം രണ്ടുപേരുടെയും മനസ്സിന്റെ ആഴങ്ങളിൽ ഞങ്ങൾ തമ്മിലുള്ള പോരാട്ടത്തിന്റെ ചുരുൾ അഴിയുകയായിരുന്നു.

എന്തൊരു വേഗതയായിരുന്നിരിക്കണം നിങ്ങളുടെ വാളിന്!

എന്റെ രാജ്യത്തിൻറെ ഓരോ കോണും സുപരിചിതമാണെന്ന് ഊറ്റം കൊള്ളുന്നവനാണ് ഞാൻ.

എന്നിട്ടും ഞാൻ അറിയാതെ പോയല്ലോ,

ലാൻ മെങ് പോലെയൊരു ചെറിയ ജില്ലയിൽ താങ്കളേപ്പോലൊരു വിദഗ്ധൻ ഉള്ള കാര്യം.

കാൻജിയാൻ.

ഫെയ്ഷുവെ.

തമ്പുരാന്റെ കല്പന പ്രകാരം:

കൊലയാളികളായ കാൻജിയാനും ഫെയ്ഷുവെയും ജോലിയിൽ പങ്കാളികളായിരുന്നു.

രണ്ടിൽ ഒരാളെ ഇല്ലാതാക്കുന്നവർക്ക്

10,000 സ്വർണ നാണയവും 5000 കുടുംബങ്ങളുടെ ജന്മിപ്പട്ടവും പാരിതോഷികമായി നൽകുന്നതാണ്.

സിംഹനത്തിന് 10 അടി അകലത്തിൽ വന്ന് തമ്പുരാനോടൊപ്പം മദ്യം സേവിക്കൂ!!

മൂന്ന് വര്ഷം മുൻപ് ഫെയ്ഷുവെയും കാൻജിയാനും ഒരുമിച്ച് നമ്മുടെ കൊട്ടാരം ആക്രമിച്ചു.

മൂവായിരം പടയാളികൾ വിചാരിച്ചിട്ടും അവരെ തടുക്കാനായില്ല.

അതിനുശേഷം ആർക്കും ഒളിച്ചിരിക്കാൻ ഇടനൽകാതിരിക്കാനാണ് ഈ സദസ്സ് ഞാൻ ഒഴിപ്പിച്ചത്!

അവർ രണ്ടുപേരുടെയും വാളുകളേക്കാൾ വേഗത നിങ്ങളുടെ വാളിനുണ്ടെന്നാണോ പറഞ്ഞുവരുന്നത്?

ഇല്ല.

പിന്നെങ്ങനെ അവരെ കീഴടക്കി?

ഞാൻ ജ്ഹൗവിലെ ആളുടെ വേഷം കെട്ടി അവരെ അന്വേഷിച്ച് അങ്ങോട്ട് പോയി.

അവർ അവിടത്തെ ഒരു ചെറിയ കൈയെഴുത്ത് പാഠശാലയിൽ ഒളിച്ചിരിപ്പുണ്ടെന്ന് ഒരു അഭ്യൂഹം കേട്ടു.

തമ്പുരാന്റെ സേന അങ്ങോട്ട് മുന്നേറിക്കൊണ്ടിരുന്ന സമയത്താണ് ഞാൻ അവിടെ എത്തിയത്.

ആളുകൾ പലായനം ചെയ്യുകയായിരുന്നു.

പാഠശാലയിലെ ആശാനും വിദ്യാർത്ഥികളും മാത്രം ബാക്കിയായി.

എന്തിനാണ് ഇങ്ങനെ ഒരു സമയത്ത് ഇങ്ങോട്ട് വന്നത്?

നിങ്ങൾ ആരാ?

ഞാൻ ജ്ഹൗവിലെ ഒരു ചെറിയ പ്രവിശ്യയിൽ നിന്നും വന്നതാ.

നിങ്ങളുടെ പേരുകേട്ട ഈ പാഠശാലയിൽ എഴുതിയ ഒരു ചുരുൾ വേണമെന്നത് എന്റെ അച്ഛന്റെ അവസാനത്തെ ആഗ്രഹമായിരുന്നു.

ഇത് ഞങ്ങളുടെ പാഠശാലയുടെ അവസാന ദിവസമാകാൻ സാധ്യതയുണ്ട്.

താങ്കൾക്ക് ആരുടെ കൈയ്യെഴുത്തിലാണ് വേണ്ടത്?

കാൻജിയാൻ ആശാന്റെ.

കാൻജിയാന്റെ വൈദഗ്ധ്യം ഉടനെ എനിക്ക് മനസ്സിലായി.

അദ്ദേഹത്തിന്റെ ആയോധനകലാ പാടവം കൈയ്യെഴുത്തുമായി ബന്ധമുണ്ടെന്ന് കേട്ടിരുന്നു.

അങ്ങനെ വാൾപയറ്റുകാരന്റെ കഴിവ് മനസ്സിലാക്കാൻ,

എനിക്കാദ്യം ആ കൈയെഴുത്തിന്റെ ശക്തി പഠിക്കണമായിരുന്നു.

- എന്ത് വാക്കാണ് എഴുതേണ്ടത്? - "ഖഡ്ഗം."

നമ്മുടെ പ്രിയ അതിഥിക്ക് വാളുകളോട് പ്രിയമാണോ?

ഞാൻ എന്റെ അച്ഛന്റെ അവസാനത്തെ ആഗ്രഹം നിറവേറ്റാൻ ശ്രമിക്കുന്നെന്നേ ഉള്ളൂ.

എത്ര വലിപ്പം വേണം?

എട്ടടി.

അത്രയും വലിയ ചുരുളിന് ചുവന്ന മഷിയാണ് ചേരുക.

സ്വാമിക്ക് കുറച്ച് ചുവന്ന മഷി വേണമെന്ന് സ്വാമിനിയോട് പറയൂ.

സ്വാമി കുറച്ച് ചുവന്ന മഷി കടം ചോദിക്കുന്നു.

സ്വാമിനി എന്റെ അപേക്ഷ കേട്ടായിരുന്നോ?

സ്വാമി കുറച്ച് ചുവന്ന മഷി കടം ചോദിക്കുന്നു.

അദ്ദേഹത്തോട് നേരിട്ട് വരാൻ പറയൂ.

അങ്ങയുടെ ഈ ശിഷ്യന് ദയവുചെയ്ത് കുറച്ച് ചുവപ്പുമഷി തന്നാലും.

കാൻജിയാൻ ചുരുൾ എഴുതി തുടങ്ങുന്നതേ ഉണ്ടായിരുന്നുള്ളു

അപ്പോഴാണ് തമ്പുരാന്റെ സേന നഗരവാതിൽക്കൽ എത്തുന്നത്.

തയ്യാറെടുക്കൂ!

വില്ലുകൾ കുലയ്ക്കൂ!

തമ്പുരാന്റെ പട ഒരിക്കലും യുദ്ധം തൊറ്റിട്ടില്ല

കാരണം അവർ ഒരിക്കലും എതിരാളിയുടെ കഴിവ് കുറച്ചുകാണാറില്ല. ഉജ്ജ്വലമായ തന്ത്രങ്ങളും,

കൃത്യതയിൽ പേരുകേട്ട എയ്ത്തുകാരുമാണ് സേനയിൽ ഉള്ളത്.

അവർ പോകുന്നിടത്തെല്ലാം അവരുടെ പ്രശസ്തി അതിനകം എത്തിയിട്ടുണ്ടാകും.

ആക്രമിക്കൂ! ആക്രമിക്കൂ! ആക്രമിക്കൂ!

നിങ്ങൾ എല്ലാവരും ഓർക്കണം

ഛിൻ ശരങ്ങൾ വളരെ ശക്തിയേറിയതാണ്.

അവക്ക് നമ്മുടെ നഗരങ്ങളിളെ തുളച്ചുകയറാനും രാജ്യത്തെ നശിപ്പിക്കാനും കഴിയും.

പക്ഷെ ഒരിക്കലും നമ്മൾ എഴുതിയ വാക്കുകളെ തകർക്കാനുള്ള ശക്തിയില്ല!

ഇന്ന്

നിങ്ങളെല്ലാം നമ്മുടെ കലയുടെ യഥാർത്ഥ ചേതന മനസ്സിലാക്കും.

ആക്രമിക്കൂ! ആക്രമിക്കൂ! ആക്രമിക്കൂ!

അപ്പൊ ആ ജ്ഹൗ വാസികൾ, അവർ അനങ്ങിയതേ ഇല്ലേ?

ജ്ഹൗ വാസികൾ വളരെ ആദർശശാലികളാണ്.

നിങ്ങൾ ചുരുളിൽ എഴുതാൻ "ഖഡ്ഗം" എന്ന വാക്കാണല്ലോ ആവശ്യപ്പെട്ടത്. അതെഴുതാനെന്താണ് ഇത്ര ബുദ്ധിമുട്ട്?

സാധാരണയായി ആ വാക്ക് എഴുതാൻ 19 രീതികളുണ്ട്.

കാൻജിയാനോട് ഞാൻ ആവശ്യപ്പെട്ടത് ഇരുപതാമത്തെ വകഭേദമാണ്.

കൈയ്യെഴുത്തും വാൾപ്പയറ്റും

ആശ്രയിക്കുന്നത് കൈതണ്ടയുടെ ശക്തിയുടെയും

മനസ്സിന്റെ ചുറുചുറുക്കിന്റെയും ലയനത്തിലാണ്.

ഈ ഇരുപതാമത്തെ വകഭേദം അദ്ദേഹത്തിന്റെ വാൾപയറ്റിലെ ചാതുര്യം വെളിപ്പെടുത്തും.

ഒരു വാക്ക് എഴുതാൻ തന്നെ 19 വഴികളോ!

പരസ്പരം മനസ്സിലാകാതെ ആളുകൾ എങ്ങനെയാണ് ആശയവിനിമയം നടത്തുന്നത്?

ഞാൻ ആറ് നാട്ടുരാജ്യങ്ങളും കീഴടക്കിയതിന് ശേഷം

എല്ലാ എതിരാളികളെയും അടിച്ചമർത്തിയതിന് ശേഷം,

ഈ രാജ്യത്തെ അനാവശ്യ കുഴപ്പങ്ങളൊക്കെ ഒഴിവാക്കി,

രാജ്യത്തുടനീളം ഒറ്റ ഭാഷയാക്കും.

അത് നല്ലൊരു നീക്കമായിരിക്കില്ലേ?

അപ്പോൾ ആറ് നാട്ടുരാജ്യങ്ങളും കീഴടക്കിയാൽ തമ്പുരാൻ നിർത്തില്ലെന്നാണോ?

ആറു രാജ്യങ്ങളൊന്നും ഒന്നുമല്ല!

ഈ ദേശത്തിന്റെ ഓരോ കോണിലേക്കും എന്റെ സേനയെ അയച്ച്

വലിയൊരു സാമ്രാജ്യം പടുത്തുയർത്തുന്നതു വരെ എനിക്ക് വിശ്രമമില്ല!

നിങ്ങളായിരിക്കും ഫെയ്ഷുവെ സ്വാമിനി.

- എന്തിനാ പോകുന്നത്? - ഞാൻ ഈ ശരങ്ങൾ തടുക്കാൻ പോകുകയാ.

ഇതിന് നിങ്ങളുടെ ആവശ്യമില്ല. വിശ്രമിച്ചാലും.

ഛിനിന്റെ എയ്ത്തുകാർ പ്രശസ്തരാണ്.

ഫെയ്ഷുവെ സ്വാമിനിക്ക് അവരെ ഒറ്റക്ക് എതിർക്കാൻ കഴിഞ്ഞെന്ന് വരില്ല.

ആക്രമിക്കൂ! ആക്രമിക്കൂ! ആക്രമിക്കൂ!

വളരെ ഗംഭീരമായിരുന്നു.

എന്നാലും സ്വാമിനി തന്നെയായിരുന്നു മികച്ച് നിന്നത്.

നിങ്ങൾ വന്നത് കൈയ്യെഴുത്തിനല്ല.

നിങ്ങളാരാ?

നിങ്ങളെ കാണിക്കാൻ ഞാനൊരു സാധനം കൊണ്ടുവന്നിട്ടുണ്ട്.

അർധരാത്രിക്ക് എന്നെ ഗ്രന്ഥശാലയിൽ വന്ന് കാണൂ.

- മനോഹരമായ കൈയെഴുത്ത്. - മനോഹരമായ വാൾപയറ്റ്.

അതിന് ഞാൻ വാൾ ഉപയോഗിക്കുന്നത് നിങ്ങൾ കണ്ടിട്ടില്ലല്ലോ.

അതില്ലായിരുന്നെങ്കിൽ ഈ ചുരുൾ ഉണ്ടാവില്ലായിരുന്നു.

അർധരാത്രിക്ക് എന്നെ ഗ്രന്ഥശാലയിൽ വന്ന് കാണൂ.

എനിക്കൊരു കാര്യം കാണിച്ചുതരാനുണ്ട്.

നൂറുകണക്കിന് ഛിൻ പടയാളികൾ

അടുത്ത ആക്രമണത്തിനായി തയ്യാറെടുക്കുമ്പോൾ,

രാത്രിമുഴുവൻ ആ ചുരുളിലെ എഴുത്തിൽ നിമഗ്നൻ ആയിരുന്നു,

കാൻജിയാന്റെ കഴിവിന്റെ രഹസ്യം കണ്ടുപിടിക്കാൻ.

കൈയ്യെഴുത്തിൽ വാൾപയറ്റിന്റെ നിഗൂഢത ഒളിഞ്ഞിരിപ്പുണ്ടെന്ന് നിങ്ങൾ പറയുന്നു,

പക്ഷെ അസാധാരണമായി എനിക്കൊന്നും ഇതിൽ കാണുന്നില്ലല്ലോ.

തൂലികയും വാളും തമ്മിൽ അടിസ്ഥാനപരമായ ബന്ധമുണ്ട്.

ആ ബന്ധം തിരിച്ചറിയാൻ കഴിവുള്ള ഒരാൾക്കേ ഇതിലെ രഹസ്യം പിടികിട്ടൂ.

- അപ്പൊ നിങ്ങൾക്ക് പറ്റുമെന്നാണോ? - പൂർണമായും ഇല്ല.

പിന്നെങ്ങനെ അവർ ഇരുവരെയും നിങ്ങൾക്ക് പരാജയപ്പെടുത്താനായി?

- ചാങ് കോങ്ങ് നിങ്ങളുടെ വാളാൽ ആണോ മരിച്ചത്? - അതെ.

നിങ്ങൾ ആരാ? എന്തിന് വന്നു?

ഞാൻ ഛിനിലെ പൗരനാണ്. ചാങ് കോങ്ങ് ഒരു സന്ദേശം തന്നുവിട്ടിട്ടുണ്ട്.

പറയൂ.