Planet Earth

എല്ലാ കര പ്രദേശങ്ങള്‍ക്കും അകലെയാണ്...

സമുദ്രം.

ഭൂമിയുടെ ഉപരിതലത്തിന്‍റെ, പകുതിയിലേറെ ഭാഗത്തെ മൂടുന്നത് സമുദ്രങ്ങളാണ്.

എന്നിട്ടും, സമുദ്രത്തിന്‍റെ കൂടുതല്‍ ഭാഗങ്ങളും, നമ്മുടെ കൈയെത്തും ദൂരത്തിനുമപ്പുറത്താണ്.

സമുദ്രത്തിന്‍റെ കൂടുതല്‍ ഭാഗങ്ങളും, ഫലത്തില്‍ ശൂന്യമാണ്.

ജലമയമായ ഒരു മരുഭൂമിയാണിത്‌.

ഇവിടെയുള്ള എല്ലാ ജീവനുകളും, ഭക്ഷണത്തിനായുള്ള നിരന്തര അന്വേഷണത്തില്‍ കുടുങ്ങിപ്പോയവരാണ്.

വിലപിടിച്ച ഊര്‍ജ്ജം സംരക്ഷിക്കാനുള്ള...

"തുറന്ന സമുദ്രത്തി"ലെ (Open Ocean) പോരാട്ടമാണിത്.

മത്സ്യങ്ങളിലെ ഏറ്റവും വലുതും...

30 ടണ്‍ ഭാരവും, 12 മീറ്റര്‍ നീളവുമുള്ള...

തിമിംഗല സ്രാവുകളില്‍ (Whale Shark), ഒന്നാണിത്.

കടലിലെ വെറും അതിസൂക്ഷ്‌മജീവികളായ, "പ്ലാങ്ക്റ്റനു"കളാണ് , ഇവരുടെ ഭീമന്‍ ശരീരത്തെ...

നിലര്‍ത്തിപ്പോരുന്നത്.

ഇരതേടല്‍ നിലങ്ങള്‍ക്കിടയിലെ, സ്ഥിരപരിചിതമായ യാത്രാമാര്‍ഗ്ഗത്തിലൂടെ...

തിമിംഗല സ്രാവുകള്‍ (Whale Shark) സഞ്ചരിക്കുകയാണ്.

ഫെബ്രുവരി മാസത്തില്‍, വെനിസ്വേലയുടെ തീരത്തുനിന്നുമകലെയായി, "പ്ലാങ്ക്റ്റനു"കള്‍ (Plankton)...

തിമിംഗല സ്രാവുകളെ (Whale Shark), ഉപരിതലത്തിലേക്ക് ആകര്‍ഷിച്ചിരിക്കുന്നു.

മറ്റുള്ളവര്‍, ഇതിനോടകം തന്നെ ഇവിടെയെത്തിയിട്ടുണ്ട്.

"പ്ലാങ്ക്റ്റനു"കളെ (Plankton) ഭക്ഷണമാക്കുകയെന്ന ലക്ഷ്യത്തോടെയാണ്, "ബെയിറ്റ്" മത്സ്യങ്ങള്‍ (Baitfish) എത്തിയിരിക്കുന്നത്.

തിമിംഗല സ്രാവുകള്‍ (Whale Shark), കൃത്യ സമയത്ത് തന്നെയാണ് എത്തിയിട്ടുള്ളത്.

തിമിംഗല സ്രാവിന്‍റെ (Whale Shark) ചുറ്റും കൂടിയിരിക്കുന്ന, ചെറിയ മത്സ്യക്കൂട്ടം വിചിത്രമായി തോന്നാം.

ചെറിയ മത്സ്യങ്ങള്‍, തിമിംഗല സ്രാവിനെ (Whale Shark), ഒരു കവചമായി ഉപയോഗിക്കുകയാണ്.

മറ്റ് ഇരപിടിയന്‍ മത്സ്യങ്ങളും, വളരെ അടുത്ത് പതുങ്ങുന്നുണ്ട്.

ഇതാണ് "യെല്ലോഫിന്‍ ട്യൂണ" (Yellowfin Tuna). വലിയ മത്സ്യത്തിന്‍റെ കാര്യത്തില്‍, ഇവര്‍ക്ക് ജാഗ്രതയുള്ളതായിട്ടാണ് കാണുന്നത്.

ഇത്തരം തിരക്കില്‍ നിന്ന് രക്ഷപെടാനെന്നവണ്ണം, തിമിംഗല സ്രാവ് (Whale Shark), ഊളിയിടുകയാണ്.

സംരക്ഷണം നഷ്ട്ടപ്പെട്ട "ബൈയിറ്റ് ഫിഷ്‌"കളെ (Baitfish) ആക്രമിക്കാനുള്ള അവസരം, "ട്യൂണ"കള്‍ക്ക് (Tuna) ഇപ്പോള്‍ ലഭിച്ചിരിക്കുന്നു.

പക്ഷേ, അപ്പോളാണ്...

ഭീമന്‍ സ്രാവ് മടങ്ങിയെത്തിയത്.

ഒരു വലിയ വായ നിറച്ച് "ബെയിറ്റ് ഫിഷ്‌"കളെ (Baitfish), ഭീമന്‍ മത്സ്യം അകത്താക്കിയിരിക്കുകയാണ്.

അങ്ങനെ തോന്നാമെങ്കിലും, തിമിംഗല സ്രാവുകളുടെ (Whale Shark), ഏക ഭക്ഷണമല്ല "പ്ലാങ്ക്റ്റനു"കള്‍ (Plankton).

സ്രാവുകളും (Shark), "ട്യൂണ"കളും (Tuna) ഒന്നിച്ചാണ് ഭക്ഷണം കഴിക്കുന്നത്.

പക്ഷേ, "ട്യൂണ"കള്‍ (Tuna) ജാഗ്രതയോടെ ഇരുന്നേ പറ്റൂ.

കാരണം, അവര്‍ പോലും തിമിംഗല സ്രാവിന്‍റെ ഭക്ഷണമായിത്തീരാം.

ഇവിടെയുള്ള ഇരപിടിയന്മാര്‍, അവര്‍ക്ക് കിട്ടാവുന്നത്രയും, കഴിയുന്ന സമയത്ത് നേടിയെടുത്തേ മതിയാവൂ.

കാരണം, ഇത്തരം സംഭവങ്ങള്‍ ഒരു പാട് നേരം നീണ്ടു നില്‍ക്കില്ല.

നിരവധി പേര്‍ ആശ്രയിക്കുന്ന, നിബിഡമായ മത്സ്യക്കൂട്ടങ്ങള്‍...

ജലത്തിന്‍റെ സ്ഥിതി അനുകൂലമാകുമ്പോള്‍ മാത്രമേ, ഇങ്ങനെ ഒരിടത്തേക്ക് കൂടിച്ചേരുകയുള്ളു.

കൂടുതല്‍ ഇരപിടിയന്മാരും, തങ്ങളുടെ കൂടുതല്‍ സമയവും, തുറന്ന സമുദ്രത്തില്‍ (Open Ocean) യാത്രചെയ്യാനാണ് ചിലവഴിക്കുന്നത്.

അവസാനമില്ലാത്ത അന്വേഷണത്തിലാണവര്‍.

"പ്ലാങ്ക്റ്റനു"കളെ (Plankton) ഭക്ഷണമാക്കുന്ന, "റേ" (Ray) മത്സ്യങ്ങളും, കുറഞ്ഞ അധ്വാനത്തില്‍ സഞ്ചരിക്കുന്നവരാണ്.

കാര്യക്ഷമമായി ഊര്‍ജ്ജം വിനിയോഗിക്കാന്‍ കഴിയുന്ന ജീവികളിലൊന്നായ...

"ഓഷ്യാനിക് വൈറ്റ്ടിപ്പ് സ്രാവ്" (Oceanic Whitetip Shark) ആണിത്.

തുറന്ന സമുദ്രത്തിന്‍റെ (Open Ocean) ശൂന്യ ഭാഗങ്ങളില്‍, ഇരയുടെ സ്ഥാനം നിര്‍ണ്ണയിക്കാന്‍ കഴിയുന്ന, പ്രത്യേക കഴിവുള്ളവരാണിവര്‍.

സമുദ്രത്തിന്‍റെ മുകള്‍ത്തട്ടിലെ 100 മീറ്ററിലാണ്, ഇവര്‍ റോന്തുചുറ്റുന്നത്.

വായുവില്‍ ഗന്ധമെന്നപോലെയാണ്, ജലത്തില്‍ സ്വാദ്.

ജലത്തിലെ ഏറ്റവും നേരിയ "സ്വാദ്" പോലും തിരിച്ചറിയാന്‍, ഈ സ്രാവിന് കഴിയും.

ചെറിയ വഴികാട്ടി മത്സ്യവും (Pilot Fish), സ്രാവിനൊപ്പം നീന്തുന്നുണ്ട്.

ചെറിയ മീനുകളേക്കാള്‍ വേഗതയില്‍ ഭക്ഷണം കണ്ടെത്താന്‍, സ്രാവുകള്‍ക്കാവും.

സ്രാവിന്‍റെ ഭക്ഷണാവശിഷ്‌ടങ്ങള്‍ ശേഖരിക്കാന്‍, ചെറിയ മീനുകള്‍ക്ക് കഴിയുകയും ചെയ്യും.

ഇവരുടെ നീണ്ടതും, ഉറച്ചതുമായ, "മാറത്തുള്ള മീന്‍ചിറകുകള്‍" (Pectoral Fin) മൂലം...

വളരെ കുറച്ച് ഊര്‍ജ്ജം ചിലവഴിച്ചു കൊണ്ട്, ജലത്തിലൂടെ സഞ്ചരിക്കാന്‍ ഇവര്‍ക്ക് കഴിയും.

"റെയിന്‍ബോ റണ്ണര്‍" മത്സ്യങ്ങളുടെ (Rainbow Runner) ഒരു കൂട്ടത്തിനെ, ഈ സ്രാവ് (Shark) കണ്ടെത്തിയിട്ടുണ്ട്.

അവസരം ലഭിച്ചാല്‍, ഒരെണ്ണത്തിനെ സ്രാവ് അകത്താക്കും.

പക്ഷേ, വേഗതയും, സാമര്‍ത്ഥ്യവുമുള്ള "റെയിന്‍ബോ റണ്ണര്‍" മത്സ്യങ്ങളെ, വേഗത്തില്‍ പിടിക്കാനാവില്ല.

അതുകൊണ്ട് തന്നെ, സ്രാവ് അവസരം കാത്തിരിക്കുകയാണ്.

അവസാനത്തെ അവസരമെന്ന നിലയില്‍...

പിടിക്കാന്‍ കഴിയുന്ന, ദുര്‍ബലനായ ഒരു മീനിനെ, സ്രാവ് കണ്ടെത്തിയേക്കാം.

വേട്ടക്കാരന്‍റെ...

അവസാനമില്ലാത്ത കാത്തിരിപ്പ് തുടരുകയാണ്.

കരയില്‍ നിന്നും വളരെ അകലെ, ഡോഫിനുകളുടെ ആവേശത്തിമര്‍പ്പാണിത്.

ഈ ഡോള്‍ഫിന്‍ (Dolphin) കൂട്ടത്തില്‍, 500 അംഗങ്ങളുണ്ട്.

ചുറ്റുവട്ടത്തെവിടെയോ ഭക്ഷണമുണ്ടെന്ന്, അവര്‍ തിരിച്ചറിഞ്ഞിട്ടുണ്ട്. അവിടേക്ക് മുന്നേറാനാണ്, ഇവര്‍ ഇങ്ങനെ മത്സരിക്കുന്നത്.

വാര്‍ത്ത എല്ലായിടവും പരന്നതിനാല്‍, അനേകം കൂട്ടങ്ങള്‍ അവിടേക്കുള്ള യാത്രയിലാണ്.

പോര്‍ച്ചുഗലിന്‍റെ 1000 മൈലുകള്‍ക്ക് പടിഞ്ഞാറ്,

അഗ്നിപര്‍വ്വത ദ്വീപുകളായ, "അസോര്‍സ്‍"കളിലേക്കാണ് , ഇവരെല്ലാം പോകുന്നത്.

തങ്ങള്‍ക്കു മുന്‍പിലുള്ള ജലത്തെ, "സോണാര്‍" (Sonar) ഉപയോഗിച്ച്, ഡോള്‍ഫിനുകള്‍ സൂക്ഷ്മമായി പരിശോധിക്കും.

അവര്‍ ലക്ഷ്യത്തിന് വളരെ അടുത്താണ്.

ഇതായിരുന്നു, അവരുടെ ലക്ഷ്യം.

ഇതാണ്, "സ്കാഡ്‌ മാക്കെറെല്‍" (Scad Mackerel).

ഒരൊറ്റ ഡോള്‍ഫിന്, ഈ മത്സ്യത്തെ പിടിക്കാന്‍ പ്രയാസമാണ്.

ഊര്‍ജ്ജ നഷ്ടം ഒഴിവാക്കാന്‍ വേണ്ടി, അവര്‍ ഒരു കൂട്ടമായി പ്രവര്‍ത്തിക്കും.

മത്സ്യങ്ങളെ ഓടിക്കുകയും, ഉപരിതലത്തിന് അഭിമുഖമായി എത്തിച്ച്, കെണിയിലാക്കുകയും ചെയ്യും.

അവിടെ, മറ്റ് ഇരപിടിയന്മാരും കാത്തിരിപ്പമുണ്ട്.

ഭീമന്‍ കടല്‍പക്ഷികള്‍ (Cory's shearwater)‍...

ഡോള്‍ഫിനുകള്‍, ഇരയെ ഉപരിതത്തിലേക്ക് ഓടിക്കുന്നതും കാത്തിരിക്കുകയാണ്.

ഇപ്പോള്‍, പക്ഷികള്‍ക്ക്‌, 20 മീറ്ററിനും, അതിനുമപ്പുറത്തേക്ക് മുങ്ങാംകുഴിയിടാനും...

മീനുകളെ പിടിക്കാനും കഴിയും.

"ബെയിറ്റ്ബാള്‍" മത്സ്യങ്ങള്‍ (Baitball), താഴേക്ക് മടങ്ങിപോവുന്നത്, ഡോള്‍ഫിനുകള്‍ തടയുകയും ചെയ്യും.

അവര്‍ക്കാവശ്യമായത് കിട്ടിയതോടെ, ഡോള്‍ഫിനുകള്‍ മടങ്ങുകയാണ്.

ഒടുവില്‍, പക്ഷികള്‍ക്ക് മുങ്ങാംകുഴിയിടാവുന്ന ദൂരത്തിനും താഴേക്ക്, "മാക്കെറെല്‍"കള്‍ (Mackerel) മുങ്ങിയിരിക്കുന്നു.

സൂര്യന്‍ അപ്രത്യക്ഷമാകുന്നതോടെ, തീവ്രമായ മാറ്റങ്ങള്‍ സമുദ്രത്തിലുണ്ടാകും.

ആഴങ്ങളിലെ "പ്ലാങ്ക്റ്റനു"കള്‍ (Plankton), മുകളിലേക്ക് ഉയരാന്‍ തുടങ്ങിയിരിക്കുകയാണ്.

വിശപ്പുള്ള മറ്റൊരു സൈന്യം, അത് സ്വീകരിക്കാന്‍ തയ്യാറെടുക്കുന്നുമുണ്ട്.

എല്ലാ രാത്രിയിലും, സാഹചര്യങ്ങള്‍ അനുകൂലമായ സ്ഥലങ്ങളില്‍...

എണ്ണിത്തിട്ടപ്പെടുത്താനാവാത്ത വണ്ണം, മില്യനുകളോളം ജീവികള്‍, ഭക്ഷണം തേടി...

ആഴങ്ങളില്‍ നിന്ന് ഉപരിതലത്തിലേക്ക് വരാറുണ്ട്.

15 സെന്റിമീറ്റര്‍ നീളമുള്ള, ഒരു കുഞ്ഞ് "സെയില്‍ ഫിഷ്‌" (Sailfish) ആണിത്.

വഴിയിലുള്ള എല്ലാത്തിനേയും, ഇവന്‍ കപ്പും.

3 വര്‍ഷത്തിനുള്ളില്‍, സമുദ്രത്തിലെ പ്രബലരായ വേട്ടക്കാരില്‍ ഒരാളായി, ഈ "സെയില്‍ ഫിഷ്‌" ( Sailfish) മാറും.

അപ്പോള്‍ ഇവര്‍ക്ക്, 60 കിലോ ഭാരമുണ്ടാവും.

എന്നിരുന്നാലും, ഇപ്പോളിവര്‍ എളുപ്പത്തില്‍ ആക്രമിക്കപ്പെടാവുന്ന അവസ്ഥയിലാണ്.

ഈ "മാന്റ റെയ്"കള്‍ (Manta Ray), ഭീമന്മാരാണ്.

കുറുകെ എട്ടു മീറ്റര്‍ വലിപ്പവും, രണ്ട് ടണ്ണിലധികം ഭാരവും ഇതിനുണ്ട്.

"മാന്റ റെയ്"യുടെ (Manta Ray) തലയ്ക്ക് ഇരു വശവുമുള്ള, കത്തിപോലെ ഉന്തിനില്‍ക്കുന്ന ഭാഗങ്ങള്‍...

"പ്ലാങ്ക്റ്റനു"കളെ (Plankton), ഇവരുടെ വായിലേക്ക് എത്തിക്കാന്‍ സഹായിക്കും.

പ്രഭാതം തിരികെയെത്തുന്നതോടെ, "പ്ലാങ്ക്റ്റനു"കള്‍(Plankton) ആഴങ്ങളിലേക്ക് തിരികെപ്പോവും.

അവരെ പിന്തുടരണമെങ്കില്‍, നമ്മള്‍ ഒരു അന്തര്‍വാഹിനി ഉപയോഗിച്ചേ മതിയാവൂ.

നമ്മള്‍ ഇരുട്ടിലേക്ക് താണു പോകുന്തോറും, മര്‍ദ്ദം കൂടുകയും, അന്തരീക്ഷ ഊഷ്മാവ് കുറയുകയും ചെയ്യും.

500 മീറ്ററുകള്‍ക്ക് താഴെ, വിചിത്രമായ പുതിയ ജീവികള്‍ പ്രത്യക്ഷപ്പെട്ടു തുടങ്ങുകയാണ്.

ഇരുണ്ട വിശാലതയില്‍ തൂങ്ങിനില്‍ക്കാന്‍, ഭ്രമാത്മകമായ ആകൃതികള്‍, ഇവരെ സഹായിക്കുന്നുണ്ട്.

ആഴം കുറഞ്ഞ ജലത്തിലെ, നമുക്ക് പരിചിതമായ ജീവികളെപ്പോലെയാണ് ഇവിടുത്തെ ചില ജീവികള്‍.

മറ്റുള്ളവര്‍ വര്‍ഗീകരണത്തിന് വഴങ്ങുന്നവരല്ല.

ചുറ്റുപാടെല്ലാം, കാര്‍ബണ്‍ അടങ്ങിയ കണങ്ങള്‍ , താഴേക്ക് ഒഴുകി എത്തുകയാണ്.

മുകളിലെ, പ്രകാശമാനമായ ജലത്തില്‍ കൂട്ടം കൂടിയിട്ടുള്ള ജീവികളില്‍ നിന്നുള്ള, ജൈവാവശിഷ്‌ടങ്ങളാണ്‌ "മറൈന്‍ സ്നോ" (Marine Snow).

ഈ "സ്നോ" (Snow), കടല്‍ ചിലന്തിയെപ്പോലെയുള്ള (Sea Spider), ഇവിടെയുള്ള ഒരുപാട് പേരുടെ ഭക്ഷണമാണ്.

ഞണ്ടിന്‍റെയും (Crab), ചെമ്മീനിന്‍റെയും (Shrimp), ഒരു ചെറിയ ബന്ധുവാണ്, കടല്‍ ചിലന്തി (Sea Spider).

കാലുകള്‍ പോലെയുള്ള, വിചിത്രമായ അവയവങ്ങള്‍ (Appendage), തൂവല്‍ കൊണ്ട് പൊതിഞ്ഞവയാണ്. ഇവരെ മുങ്ങാതിരിക്കാന്‍ സഹായിക്കുന്നത് ഈ കാലുകളാണ്.

"മറൈന്‍ സ്നോ"യെ (Marine Snow) കുടുക്കാനും...

വളരെ ശ്രദ്ധയോടെ തുടച്ച്, താടിയെല്ലുകള്‍ക്കിടയിലേക്ക് എത്തിക്കാനും, ഈ കാലുകള്‍ക്ക് കഴിയും.

ഒരു "സോടൂത്ത് ഈല്‍" (Sawtooth Eel), ചലനമില്ലാതെ നിവര്‍ന്നു നില്‍ക്കുകയാണ്.

എപ്പോഴും മുകളിലേക്ക് വീക്ഷിച്ചു കൊണ്ട്, ഉപരിതലത്തില്‍ നിന്ന് മങ്ങിയും, ചിമ്മിയും എത്തുന്ന പ്രകാശത്തിനെതിരായി...

നിഴല്‍ വീഴ്ത്തിക്കൊണ്ട്‌, ഇവര്‍ ഇരയെ അന്വേഷിക്കുകയാണ്.

കൊത്താവുന്ന അകലത്തിലേക്ക് ഇരകള്‍ എത്തുമ്പോഴേക്കും, ദിവസങ്ങള്‍ കഴിഞ്ഞിട്ടുണ്ടാവും.

കൂടുതല്‍ താഴേക്ക് എത്തുമ്പോള്‍, ഇരുട്ട് പൂര്‍ണ്ണമായി മൂടിയിരിക്കുന്നു.

സൂര്യപ്രകാശത്തിന്‍റെ ഒരു അടയാളത്തിനും, ഇത്രയും ആഴത്തില്‍ ആഴ്ന്നിറങ്ങാനാവില്ല.

ഭക്ഷണം വളരെ വിരളമായതിനാല്‍, ആര്‍ക്കും ഒട്ടും ഊര്‍ജ്ജം നഷ്ട്ടപ്പെടുത്താനാവില്ല.

ഒരു "ഡമ്പോ" നീരാളി (Dumbo Octopus), തന്‍റെ വീതിയുള്ള ചിറകുകള്‍ ജലത്തില്‍ മെല്ലെ തട്ടുകയേ ഉള്ളു.

മുകളിലെ, ആഴം കുറഞ്ഞ ജലത്തിലെ തന്‍റെ ബന്ധു ഉപയോഗിക്കുന്നതു പോലെയുള്ള, "പ്രവാഹങ്ങള്‍കൊണ്ടുള്ള ചലിക്കല്‍" (Jet Propulsion) ഇവര്‍ക്കാവശ്യമില്ല.

"വാമ്പയറോട്യൂതിസ്"കളുടെ (Vampyroteuthis), വിചിത്രമായ ഈ ലോകത്തെ, ഏറ്റവും വിചിത്രമായതും...

നരകത്തില്‍ നിന്നും വരുന്നതുമായ, "വാമ്പയര്‍ സ്ക്യുഡ്" (Vampire squid) ആണിത്.

ഇതിനെ ശല്യപ്പെടുത്തിയാലും, കുറച്ചു ദൂരേക്ക്‌ മാത്രമേ ഇത് പിന്‍വാങ്ങുകയുള്ളു.

അതിനെ നമുക്ക് പിന്തുടരാം. ഇവര്‍ക്ക് വളരെ പ്രത്യേകമായ ഒരു പ്രതിരോധമുണ്ട്.

"വാമ്പയര്‍ സ്ക്യുഡ്" (Vampire squid) എന്ത് ചെയ്യുന്നെന്ന് കാണണമെങ്കില്‍, നമ്മള്‍ പ്രകാശം അണച്ചേ തീരു.

"വാമ്പയര്‍ സ്ക്യുഡ്"കള്‍ക്ക് (Vampire squid), അവരുടേതായ പ്രകാശമുണ്ട്.

"ബയോലൂമിനെസെന്റ്‌" (Bioluminescent) ബാക്ടീരിയകള്‍, തങ്ങളുടെ കൈകളിലെ ചില കേന്ദ്രങ്ങളില്‍ നിന്ന് തിളങ്ങുകയും...

ഇരയെ ആശയക്കുഴപ്പത്തിലാക്കുകയും ചെയ്യും.

അത് കണ്ണുകളാണോ?

യഥാര്‍ത്ഥത്തില്‍, അവരുടെ മേലങ്കിയുടെ അറ്റത്തെ പാടുകളാണിവ.

ഈ തിളക്കത്തിലേക്ക് ആക്രമണം ഉണ്ടായാലും, തലയ്ക്ക് കോട്ടം തട്ടാതെ രക്ഷപെടാനാകും.

ഭീഷണി ഇല്ലാതായതോടെ, "വാമ്പയിറോറ്റൂദിസ്" (Vampyroteuthis)...

ഇരുട്ടിലേക്ക് അപ്രത്യക്ഷമായിരിക്കുന്നു.

ഒടുവില്‍, സമുദ്ര നിലത്ത് എത്തിയിരിക്കുന്നു.

2 മൈലുകള്‍ക്കും താഴെയുള്ള ഇവിടെ, ഉപരിതലത്തേക്കാള്‍ 300 ഇരട്ടി മര്‍ദ്ദമാണുള്ളത്‌.

"മറൈന്‍ സ്നോ" (Marine Snow), ഇവിടെ വരെ ഒഴുകി എത്തണമെങ്കില്‍, ഏതാനും മാസങ്ങള്‍ വേണ്ടിവരും.

ഭൂഖണ്ഡങ്ങളുടെ, പാറ നിറഞ്ഞ അതിര്‍ത്തികള്‍ കടന്ന്‍ പോകുമ്പോള്‍...

അതി വിശാലമായ ഭൂതലമാണ്, മുന്നില്‍ എത്തുന്നത്.

ആയിരക്കണക്കിന് മൈലുകളോളം വലിപ്പമുള്ള ഈ ഭൂതലം...

ക്രമേണ താഴേക്ക് മുങ്ങുകയാണ്.

ചേറില്‍, മങ്ങിയ ചില അടയാളങ്ങളുണ്ട്. ഇവിടെയിപ്പോഴും ജീവനുണ്ടെന്നതിന്‍റെ തെളിവാണത്.

ഇവയൊക്കെ, ആ ജീവനുകളില്‍ ചിലതാണ്.

അടിഞ്ഞു കൂടുന്ന വസ്തുക്കളെ, "സീ അര്‍ച്ചിനു"കള്‍ വേര്‍തിരിക്കുകയാണ്.

കാല്‍ വിരലറ്റത്ത് നിലയുറപ്പിച്ചിരിക്കുന്ന, ചെമ്മീനുകളാണിത് (Shrimp).

ശ്രദ്ധയാകര്‍ഷിക്കുന്ന പദാര്‍ത്ഥങ്ങളെ, പൂര്‍ണ്ണ തൃപ്തരാകാതെ തിരയുകയാണവര്‍.

പക്ഷേ, മറ്റെല്ലായിടത്തേയും ആഴക്കടലിലുള്ളതു പോലെ, എവിടെയൊക്കെ ഇരതേടുന്നവരുണ്ടോ, അവിടെയെല്ലാം വേട്ടക്കാരുമുണ്ട്.

ഇതൊരു "മങ്ക്ഫിഷ്‌" ( Monkfish) ആണ്. മണ്ണില്‍ നിന്ന് ഇവരെ വേര്‍ത്തിരിച്ചറിയുകയെന്നത്, ഏറെക്കുറെ അസാധ്യമാണ്.

ഇരയെ നിങ്ങളുടെയടുത്തേക്ക് ആകര്‍ഷിച്ച് ഇരപിടിക്കാമെങ്കില്‍, എന്തിനാണ് പിന്തുടര്‍ന്ന് ഊര്‍ജ്ജം നഷ്ട്ടപ്പെടുത്തുന്നത് ?

ഒരു പക്ഷേ, ആ ഇര അല്പം വലുതായിരുന്നു.

ശരിയായ വലിപ്പമുള്ള ഭക്ഷണം പ്രത്യക്ഷമാവുന്നത് വരെ, ആവശ്യമെങ്കില്‍ ദിവസങ്ങളോളം കാത്തിരിക്കാന്‍ "മങ്ക്ഫിഷി"നാവും (Monkfish).

എന്നാല്‍ മറുവശത്ത്, "ചീഞ്ഞ മാംസം കഴിക്കുന്നവര്‍" (Scavenger), ഭക്ഷണത്തിനായി നാല് ദിക്കിലും സഞ്ചരിക്കേണ്ടി വരും.

ജലത്തിലെ, ഏറ്റവും ദുര്‍ബലമായ രുചിപോലും തിരിച്ചറിയാന്‍, ഞണ്ടുകള്‍ക്കാവും.

മുകളില്‍ നിന്ന് താഴേക്കൊഴുകി വന്ന ശവ ശരീരം, ഈ രീതിയില്‍ കണ്ടെത്താന്‍ ഞണ്ടുകള്‍ക്ക് സാധിക്കും.

ഇതിനോടകം തന്നെ, ശവശരീരത്തെ, "ഈല്"കള്‍ ഭക്ഷണമാക്കിയിരിക്കുകയാണ്.

ജലത്തിലെ ഭീമന്‍ "വുഡ്‍ലൈസ്"കളെപ്പോലെ (Woodlice), ഒരു മീറ്ററിന്‍റെ മൂന്നിലൊന്ന് വലിപ്പമുള്ള, "ഐസോപോഡു"കള്‍ (Isopods)...

ചീഞ്ഞളിഞ്ഞ മാംസം പറിച്ചെടുക്കുകയാണ്.

വരാന്‍ പോകുന്ന മണിക്കൂറുകളില്‍, ഭക്ഷണ വീതത്തിനു വേണ്ടി...

എല്ലാത്തരം മാംസഭോജികള്‍ക്കുമിടയില്‍ ‍, ഭ്രാന്തമായൊരു മത്സരം രൂപപ്പെടും

തികച്ചും യാദൃച്ഛികമായി, ഒരു വലിയ ഭാഗ്യം സംഭവിച്ചിരിക്കുകയാണ്.

ഒരു "സ്പേം തിമിംഗല"ത്തിന്‍റെ (Sperm Whale) അവശിഷ്ടങ്ങളാണിത്.

5 മാസങ്ങള്‍ക്കു മുന്‍പോ, അതിന് മുന്‍പോ മരിച്ചതാണിത്.

കുറച്ചു മാത്രമേ ബാക്കിയുള്ളെങ്കിലും, തിമിംഗലത്തിന്‍റെ മാംസളമായ കൊഴുപ്പ്, അതിന്‍റെ എല്ലുകളില്‍ തൂങ്ങിക്കിടക്കുന്നുണ്ട്.

ഒരു മൈല്‍ ചുറ്റുവട്ടത്തുള്ള ജീവനുകളെ, ഈ മാംസം പോഷിപ്പിച്ചിരിക്കുകയാണ്.

പക്ഷേ, സദ്യയിപ്പോള്‍ ഏറെക്കുറെ അവസാനിച്ചിരിക്കുന്നു.

അഴുകിയ മാംസത്തിന്‍റെ, അവശേഷിക്കുന്ന അവസാന ഭാഗങ്ങള്‍, കുറുകെ ഒരു മീറ്റര്‍ നീളമുള്ള, "സ്പൈഡര്‍ ക്രാബു"കള്‍ (Spider Crab), ഇപ്പോഴും ശേഖരിക്കുകയാണ്.

കുറച്ച് ആഴ്ച്ചകള്‍ കഴിയുമ്പോള്‍, ശൂന്യമായ അസ്ഥികളല്ലാതെ മറ്റൊന്നും അവശേഷിക്കില്ല.