Planet Earth

വിശാലമായ, തുറന്ന സമതലങ്ങള്‍.

അളക്കാനാവാത്ത ദൂരം.

രൗദ്രമായ നിശബ്ദത.

പക്ഷേ, ഇവിടം ശൂന്യമാണെന്ന ഏതൊരു തോന്നലും, മിഥ്യാബോധം മാത്രമാണ്.

ഭൂമിയിലെ, ഏറ്റവും മഹത്തരമായ വന്യജീവിതങ്ങളുടെ...

കൂടിച്ചേരലുകളെ സംരക്ഷിക്കുന്നത്, ഭൂമിയിലെ ഇത്തരം സമതലങ്ങളാണ്.

ഇവിടെ സംഭവിക്കുന്ന എല്ലാത്തിനും പിന്നില്‍...

ജീവനുള്ള, "ഒരൊറ്റ" വസ്തുവാണുള്ളത്.

പുല്ല് (Grass).

അത്ഭുതകരമായ ഈ ചെടി, ഭൂമിയിലെ ആകെ കര പ്രദേശത്തിന്റെ കാല്‍ ഭാഗവും മൂടുന്നുണ്ട്.

മഹാസമാതലങ്ങള്‍

വനങ്ങളെ നിലനിര്‍ത്താനാവശ്യമായ മഴയില്ലാത്തതും...

എന്നാല്‍, ചെറിയ മഴയുള്ള എല്ലായിടത്തും, പുല്‍മേടുകള്‍ അതിജീവിക്കുന്നു.

ചിലത് വളരെ വലുതാണ്‌.

മധ്യ ഏഷ്യയിലെ പുല്‍മേട്‌ (Steppe) മാത്രം...

ഭൂമിയിലാകെയുള്ള പുല്‍മേടുകളുടെ, മൂന്നിലൊന്ന് വലിപ്പമുള്ളതാണ്‌.

ഇത് ഉഷ്ണകാലമാണ്.

പരുന്തുകള്‍, "തെര്‍മല്‍ സ്കാനിംഗ്" ഉപയോഗിച്ച്, ആയാസരഹിതമായി...

നിലത്തുള്ള ഇരകളുടെ അടയാളങ്ങള്‍ തിരഞ്ഞുകൊണ്ടിരിക്കുന്നു.

"ഔട്ടര്‍ മംഗോളിയ"യിലെ (Outer Mongolia), അകന്ന പ്രദേശങ്ങളില്‍...

ഭൂമിയിലെ, ഏറ്റവും മഹത്തരമായ കുടിയേറ്റങ്ങളിലൊന്ന് നടന്നുകൊണ്ടിരിക്കുകയാണ്.

വര്‍ഷന്തോറുമുള്ള ഈ അസാധാരണ സംഭവം, വളരെ കുറച്ച് പേര്‍ മാത്രമേ കണ്ടിട്ടുള്ളു.

ഇവയാണ് "മംഗോളിയന്‍ ഗസെല്ലകള്‍" (Mongolian Gazelle).

ആര്‍ക്കും കൃത്യമായി അറിയില്ലെങ്കിലും, 2 മില്യന്‍ "ഗസെല്ലകള്‍" ഇവിടെ ഉണ്ടെന്നാണ് കരുതപ്പെടുന്നത്.

കൂടുതല്‍ സമയങ്ങളിലും, വിശാലമായ ഭൂപ്രദേശത്ത് ഇവ ചിതറിപ്പോയിട്ടുണ്ടാകും.

എങ്കിലും, വര്‍ഷത്തിലൊരിക്കല്‍ പ്രജനനത്തിനായി ഇവ കൂടിച്ചേരാറുണ്ട്.

ഏറെക്കുറെ എല്ലാവരും, പത്തു ദിവസത്തിനുള്ളില്‍ തന്നെ കുഞ്ഞുങ്ങള്‍ക്ക്‌ ജന്മം നല്‍കും.

ഇത്തരം തുറസ്സായ സ്ഥലത്ത്, സാമുദായികമായ രീതിയില്‍ കുഞ്ഞുങ്ങളെ വളര്‍ത്തുന്നതാണ് സുരക്ഷിതം.

ഒരു പാട് ജോഡി കണ്ണുകള്‍ നിരീക്ഷിക്കുന്നത് കൊണ്ട്...

ഇരപിടിയന്മാരുടെ നുഴഞ്ഞുകയറ്റം അസാധ്യമാണ്.

കുറ്റിക്കാടുകളും, മരങ്ങളുമില്ലാത്ത ഇവിടെ, പുല്ലിന് പിന്നില്‍ മാത്രമാണ്...

ഒളിച്ചിരിക്കാനാവുക.

ഈ ഒളിക്കല്‍ അത്ര ഫലപ്രദവുമല്ല.

തുറസ്സായ പുല്‍മേട്ടില്‍ കുഞ്ഞുങ്ങളെ വളര്‍ത്തുന്നത്, ഇരപിടിയന്മാര്‍ക്കും പ്രയാസമുണ്ടാക്കുന്ന പ്രശ്നമാണ്.

മരങ്ങളില്ലാത്തതിനാല്‍, കഴുകന്മാര്‍ക്ക് നിലത്ത് തന്നെ കൂടൊരുക്കേണ്ടിവരും.

മഹാസമാതലങ്ങളിലെ എല്ലാ താമസക്കാരും, പ്രകൃതി ശക്തികള്‍ക്ക് മുന്‍പില്‍ തുറന്നു വെയ്ക്കപ്പെട്ട അവസ്ഥയിലാണ്.

തീ, കൂട്ടത്തിനിടയില്‍ ഭീതി ഉണ്ടാക്കിയിരിക്കുന്നു.

"ഗസെല്ലകള്‍" (Gazelle), നന്നായി ഓടാന്‍ കഴിയുന്നവരാണ്. ചവിട്ടിമെതിക്കലില്‍ നിന്നും രക്ഷപെടാനായാല്‍...

കുഞ്ഞുങ്ങള്‍ക്ക്‌ പോലും, തീയില്‍ നിന്നും ഓടി രക്ഷപെടാനാകും.

വഴിയില്‍ തടസ്സമൊന്നും ഇല്ലാത്തത് മൂലം, ഓടി രക്ഷപെടാന്‍ കഴിയാത്തതെന്തിനേയും, അഗ്നിജ്വാല ദഹിപ്പിക്കും.

വിലപ്പെട്ട ഭക്ഷണമായ പുല്ല്, വലിയൊരളവില്‍ നഷ്ട്ടപ്പെട്ടിരിക്കുകയാണ്.

പ്രായമായവരും, ദുര്‍ബലരും അഗ്നിക്കൊപ്പം ഇല്ലാതായിരിക്കുന്നു.

നിരാശ പിന്നിലുപേക്ഷിച്ച്, പുതിയ പുല്‍ത്തകിടികളിലേക്ക് "ഗസെല്ലകള്‍" പോവുകയാണ്.

ചാരത്തില്‍ നിന്ന്, "ഫീനിക്സ്" പക്ഷി ഉയരുന്നത് പോലെയാണിത്.

അവിശ്വസനീയമായ രീതിയില്‍ അതിജീവിക്കുന്നവരാണ് "പുല്ലു"കള്‍.

തണ്ടിന്റെ മൂല ഭാഗത്തെ, ഒരു സംരക്ഷിത ഭാഗത്ത് നിന്ന് പുല്ല് കിളിര്‍ക്കുന്നത് മൂലമാണ്, ഈ അതിജീവനം സാധ്യമാകുന്നത്.

പുല്ല്, ഏറെക്കുറെ വിനാശമില്ലാത്തവരാകുന്നു.

അതിവേഗം പിഴവുകള്‍ പരിഹരിക്കാനും, പുനരുല്‍പ്പാദിപ്പിക്കപ്പെടാനും പുല്ലിന് കഴിയും.

മറ്റേത് സസ്യങ്ങളേക്കാളും കൂടുതല്‍ ഭൂമിയെ മൂടുന്നതും...

കൂടുതല്‍ ജീവനുകള്‍ക്ക് തീറ്റ നല്‍കുന്നതുമായ, സസ്യമാണ് പുല്ലുകള്‍.

ഇതാണ് "ക്യൂലകള്‍" ( Red Billed Quelea).

ഒന്നര മില്യന്‍ "ക്യൂല"കളുടെ കൂട്ടം, ആഫ്രിക്കയിലെ പുല്‍ മൈതാനങ്ങള്‍ക്ക് (Savanna) കുറുകെ കടന്നു പോവുകയാണ്.

ഭൂമിയില്‍ ഏറ്റവും കൂടുതല്‍ എണ്ണമുള്ള പക്ഷികളാണിവ.

ചില കൂട്ടങ്ങള്‍ വളരെ വലുതാണ്‌. 5 മണിക്കൂര്‍ സമയമെടുത്ത് മാത്രമേ, ഇവയെ മറികടക്കാനാകു.

പുല്ലിന് മാത്രമേ, ഇത്രയും വിശാലമായ മഹാമാരികളെ പോറ്റാന്‍ കഴിയുകയുള്ളു.

ആര്‍ത്തിമൂത്ത കൂട്ടങ്ങള്‍, വിത്തുകളെ നശിപ്പിക്കുകയാണ്.

"ആന്റിലോപ്പു"കളുടെ (Antelope) വലിയ കൂട്ടങ്ങള്‍, ഇലകളേയും, തണ്ടുകളേയും പറ്റെ നശിപ്പിക്കുകയും ചെയ്യും.

കിഴക്കന്‍ ആഫ്രിക്കയിലെ ഈ പുല്‍മേട്‌, 2 മില്യനടുത്ത് "വൈല്‍ഡ്ബീസ്റ്റ്"കളെ (Wildebeest) പരിപാലിക്കുന്നുണ്ട്.

പുല്ലിന്റെ വേരിനടുത്ത് വരെയുള്ള ഭാഗം, "വൈല്‍ഡ്ബീസ്റ്റ്"കള്‍ (Wildebeest) ഭക്ഷിക്കും.

പക്ഷേ, ദിവസങ്ങള്‍ക്കുള്ളില്‍ പുല്ല് വീണ്ടെടുക്കുകയും...

ഭൂമിയിലെ ഏറ്റവും വലിയ കൂട്ടങ്ങളെ, വീണ്ടും പരിപാലിക്കുകയും ചെയ്യും.

പുല്ല്, ഉഷ്ണമേഖലയില്‍ (Tropics) മാത്രം ഉറപ്പിക്കപ്പെട്ടവയല്ല.

ആര്‍ട്ടിക്കിലെ, കഠിനമായ സാഹചര്യങ്ങളില്‍പ്പോലും ഇവ വളരാറുണ്ട്.

അവസാന വൃക്ഷത്തിനുമപ്പുറത്തെ ഭൂമി, വരണ്ടതും, മഞ്ഞ് മൂടിയതുമാണ്.

ഭൂമിയുടെ അതിര്‍ത്തിയിലെ, മനുഷ്യരില്ലാത്ത തണുത്തുറഞ്ഞ ലോകമാണിത്.

പക്ഷേ, എല്ലാ വര്‍ഷത്തേയും കുറച്ച് സമയം, നീണ്ടതും, ഇരുണ്ടതുമായ ശൈത്യകാലം അതിന്റെ പിടിയൊന്നയയ്ക്കും.

താപനില ഉയരുന്നതോടെ, ശിശിരകാലം മുഴുവന്‍ മരവിച്ചും, നിഷ്‌ക്രിയമായും കിടന്ന പുല്ല്...

ഒരിക്കല്‍ കൂടി തളിരിടും.

പച്ചപ്പ്‌, ആര്‍ട്ടിക്കിലേക്ക് തിരിച്ചെത്തിയിരിക്കുകയാണ്.

പിന്‍വാങ്ങുന്ന മഞ്ഞ്, ആസ്ട്രേലിയയുടെ അത്രെയും വലിപ്പമുള്ള വിശാലമായ സമതലത്തെ, കാഴ്ച്ചയിലേക്ക് കൊണ്ടുവന്നിരിക്കുന്നു.

ഈ സമതലം, "ആര്‍ട്ടിക്ക് ടന്ദ്ര" (Arctic Tundra) എന്നറിയപ്പെടുന്നു.

നിശബ്ദവും, നിര്‍ജീവവുമായൊരു വന്യതയാണിത്.

പക്ഷേ, ഇവിടെ മാറ്റങ്ങള്‍ ഉണ്ടാകുവാന്‍ പോവുകയാണ്.

മഞ്ഞിലെ, "വാത്ത"കളാണിവ (Snow Goose).

മെക്സിക്കന്‍ ഉള്‍ക്കടല്‍ (Gulf of Mexico) പ്രദേശത്ത്, ഇവ തങ്ങളുടെ ശൈത്യകാലം ചിലവഴിക്കും.

വസന്തത്തില്‍, വടക്കേ അമേരിക്കയുടെ മുഴുവന്‍ ദൂരവും പറന്നാണ്...

അവര്‍, ആര്‍ട്ടിക്കിലെ "വൃക്ഷശൂന്യസമതലത്തിലേക്ക്" (Tundra) എത്തുന്നത്‌.

5 മില്യന്‍ പക്ഷികള്‍, എല്ലാ വര്‍ഷവും ഈ യാത്ര നടത്താറുണ്ട്.

മൂന്ന് മാസത്തോളം സമയമെടുക്കുന്ന, ഇവരുടെ ഈ നീണ്ട പാലായനത്തില്‍...

ഏതാണ്ട് 3000 മൈലുകള്‍, ഇവ പിന്നിടാറുണ്ട്.

വിശപ്പും, തളര്‍ച്ചയുമായി, "ആര്‍ട്ടിക് സര്‍ക്കിളിന്റെ" (Arctic Circle) ഉള്ളിലേക്കവ എത്തിയിരിക്കുന്നു.

പരമ്പരാഗതമായ പ്രജനന കേന്ദ്രങ്ങളിലേക്കാണ്, ഒടുവിലവര്‍ എത്തിയിരിക്കുന്നത്.

"വാത്ത"കള്‍ (Snow Goose), പ്രജനനത്തിനായിട്ടാണ് ഒത്തുകൂടിയിരിക്കുന്നത്.

എത്തുമ്പോള്‍ തന്നെ, ദമ്പതികള്‍ കൂട് വെയ്ക്കാനൊരു സ്ഥലം സ്വന്തമാക്കിയേ പറ്റൂ.

വഴക്കാളികളായ അയല്‍ക്കാര്‍ക്കിടയില്‍, ഉത്തമമായ സ്ഥലങ്ങള്‍ വളരെ കുറച്ച് മാത്രമേ ഉള്ളു.

തര്‍ക്കങ്ങള്‍ ക്രൂരമായിത്തീരാം.

കാര്യം മനസ്സിലായിരിക്കുന്നു.

ഒരു പാട് ദൂരം യാത്ര ചെയ്യാനുണ്ടെങ്കിലും...

ചുരുങ്ങിയ കാലത്തേക്ക്, "ടന്ദ്ര" (Tundra) ഇവര്‍ക്കനുയോജ്യമായ സ്ഥലമാണ്.

ഹ്രസ്വവും, തീക്ഷ്ണവുമായ ഉഷ്ണകാലത്ത്, പുല്ല് ഊര്‍ജ്ജസ്വലമായി വളരും.

ഇരപിടിയന്മാരുടെ എണ്ണം, തെക്കു വശത്തുള്ളതിനേക്കാള്‍ ഇവിടെ കുറവുമാണ്.

താരതമ്യേനെ സുരക്ഷിതമായി, നിലത്ത് തന്നെ കൂടൊരുക്കാന്‍ ഇത് മൂലം വാത്തകള്‍ക്കാവും (Goose).

എന്നിരുന്നാലും, ഈ അമ്മയ്ക്ക് തന്റെ മുട്ടയ്ക്ക് മൂന്നാഴ്ച്ചയോളം അടയിരിക്കണം.

ഈക്കാലമെല്ലാം, അവള്‍ അപകടത്തിലാണ്.

ഒരു ആര്‍ട്ടിക് കുറുക്കന്‍ (Arctic Fox), കോളനിയെ നിരീക്ഷിക്കുകയാണ്.

"വാത്ത"കള്‍ക്കായി (Goose), ശൈത്യകാലം മുഴുവന്‍ കുറുക്കന്മാര്‍ കാത്തിരിക്കുകയായിരുന്നു.

ആരുടേയും ശ്രദ്ധയില്‍പ്പെടാതെ ഒളിച്ചു നടക്കുക അസാധ്യമാണ്.

ഒരു പക്ഷെ, ആത്മവിശ്വാസമുള്ളവരെ ഭാഗ്യം തുണച്ചെന്നുമിരിക്കും.

കോളനി നന്നായി സംരക്ഷിക്കപ്പെട്ടതാണ്. പ്രയാസ രഹിതമായ ഭക്ഷണം ഇവിടെ ലഭ്യമേയല്ല.

എല്ലാ കൂടുകളില്‍ നിന്നും അവള്‍ അകറ്റപ്പെടിരിക്കുന്നു. പക്ഷേ, വിശപ്പ് മൂലം അവള്‍ ശ്രമം തുടരുകയാണ്.

കുറുക്കന് കഴിക്കാനാവുന്നതിലധികം മുട്ടകള്‍, ഇപ്പോള്‍ ഇവിടെയുണ്ട്.

പക്ഷേ, ഇത്തരം "കൂട് വെയ്ക്കല്‍ കാലം" വളരെ ഹ്രസ്വമാണ്.

അതുകൊണ്ട് തന്നെ, വാത്തകളില്ലാത്ത കാലത്ത് ഉപയോഗിക്കാനായി, തന്റെ കൊള്ളമുതലില്‍ കൂടുതലും...

കുറുക്കന്മാര്‍ ഒളിച്ച് വെയ്ക്കും.

കൂടുതല്‍ തെക്ക്, മറ്റ് വലിയ ഇരപിടിയനമാര്‍ "ടന്ദ്ര"യില്‍ (Tundra) ചുറ്റിക്കറങ്ങുകയാണ്.

ചെന്നായ്ക്കള്‍ (Wolves).

സമതലങ്ങളില്‍ ഭക്ഷണം കണ്ടെത്തുകയെന്നത്, ഇവര്‍ക്ക് കൂടുതല്‍ വലിയ വെല്ലുവിളിയാണ്.

ഇവരുടെ ഇരകളെ, ഋതുഭേദങ്ങള്‍ക്കനുസരിച്ചാണ് കാണുന്നതെന്ന് മാത്രമല്ല, ഇവയെ കണ്ടെത്താനും പ്രയാസമാണ്.

യാതൊരു ഫലവുമില്ലാതെ, ദിവസങ്ങളായി ചെന്നായ്ക്കള്‍ അന്വേഷണം തുടരുകയാണ്.

ബൃഹത്തായ ഈ ഭൂതലത്തിലെവിടെയോ, അവര്‍ക്കുള്ള ഭക്ഷണമുണ്ട്.

ഇതാണത് — "കാരിബുകള്‍" (Caribou).

ഒരു ദിവസം 30 മൈല്‍ സഞ്ചരിച്ച്...

ഉഷ്ണകാല മാസങ്ങളില്‍, 2000 മൈലുകള്‍ക്കടുത്ത് ദൂരം സഞ്ചരിക്കാന്‍ "കാരിബു"കള്‍ക്കാവും (Caribou).

"കാരിബു"വിനെ കണ്ടെത്താനായില്ലെങ്കില്‍, ചെന്നായ്ക്കള്‍ പട്ടിണിയിലാവും.

പക്ഷേ, ഒരിക്കലും യാത്ര നിര്‍ത്താത്ത "കാരിബു"കളെ കണ്ടെത്തുകയെന്നത് എളുപ്പമുള്ളൊരു ജോലിയല്ല.

കടിക്കുന്ന ഈച്ചകളും, പുതിയ പുല്‍ത്തകിടിക്കു വേണ്ടിയുള്ള ആഗ്രഹവും...

ഇത്തരം കുടിയേറ്റത്തെ എപ്പോഴും മുന്നോട്ട് കൊണ്ടു പോകും.

ഒടുവില്‍, ഒരു ചെന്നായ "കാരിബു"വിന്റെ പാത കണ്ടെത്തിയിരിക്കുന്നു.

"കാരിബു"കള്‍ (Caribou), വളരെ അടുത്താണ്.

ഒടുവില്‍, ഒരവസരം കിട്ടിയിരിക്കുകയാണ്.

വേട്ട തുടങ്ങിയിരിക്കുന്നു.

കൂട്ടത്തിനെ പരിഭാന്തിയിലാക്കി, ദുര്‍ബലരേയും, കുഞ്ഞുങ്ങളേയും ചെന്നായ്ക്കള്‍ ഒറ്റപ്പെടുത്തും.

ഒരു കുഞ്ഞ്, തന്റെ അമ്മയില്‍ നിന്നും വേര്‍പ്പെട്ടിരിക്കുന്നു.

ഉഷ്ണകാലത്തിന്റെ ഉന്നതിയില്‍, വാത്തയുടെ (Goose) കോളനിയില്‍ മുട്ടകള്‍ വിരിയുകയാണ്.

എല്ലാ കുഞ്ഞുങ്ങളും, ഒന്നോ, രണ്ടോ ദിവസത്തിനകം പുറത്തെത്തും. സമയ ക്ലിപ്തതയുടെ ഒരത്ഭുതമാണിത്.

ഒരു മില്യന്‍ കുട്ടിവാത്തുകളുടെ (Gosling) ഭവനമാണ്, ഇന്ന് ഈ കോളനി.

കുറുക്കന്‍, ഇപ്പോഴും കിട്ടാവുന്നതെല്ലാം സമാഹരിക്കുകയാണ്.

ചിലപ്പോഴൊക്കെ, ഒരു വായ്‌ പോരാതെ വരും.

ഒന്ന് മതിയാകും.

എല്ലാ ഭക്ഷണവും ശേഖരിക്കപ്പെടാറില്ല.

കുറച്ച് ഭക്ഷണം ഇപ്പോള്‍ ആവശ്യമുണ്ട്.

ഏഴു കുഞ്ഞുങ്ങളുടെ വിശപ്പ്‌, ഈ കുറുക്കന് തീര്‍ക്കേണ്ടതുണ്ട്.

കുഞ്ഞുങ്ങളുടെ വിശപ്പ്‌ കൂടുന്നതോടെ, വിശ്രമമില്ലാതെ പ്രവര്‍ത്തിച്ച്, അമ്മ കുടുംബത്തിനെ വളര്‍ത്തേണ്ടി വരും.

വലിപ്പമുള്ള, ആരോഗ്യമുള്ള കുഞ്ഞുങ്ങള്‍ മാത്രമേ, ആര്‍ട്ടിക്കിലെ ശൈത്യകാലത്തെ അതിജീവിക്കുകയുള്ളു.

കുട്ടിവാത്തുകളുടെ ബഹുഭൂരിപക്ഷം, ഇപ്പോഴും സമൃദ്ധമായി വളരുകയാണ്.

യാത്ര ചെയ്യാനുള്ള ആരോഗ്യം കുഞ്ഞുങ്ങള്‍ നേടുന്നതോടെ...

രക്ഷാകര്‍ത്താക്കള്‍, അവരെ ജലത്തിന്റെ സുരക്ഷിതത്വത്തിലേക്ക് നയിക്കും.

കുറുക്കന്മാരുടെ അഭിവൃദ്ധിയുടെ കാലം അവസാനിച്ചിരിക്കുന്നു.

പക്ഷേ, കുഞ്ഞുങ്ങള്‍ക്ക് കിട്ടാവുന്ന, ഏറ്റവും നല്ലൊരു ജീവിത തുടക്കമാണ് അമ്മ നല്‍കിയിരിക്കുന്നത്.

ഉഷ്ണകാലം അവസാനിക്കുന്നത് വരെ, വാത്തുകള്‍ "വൃക്ഷശൂന്യസമതലത്തില്‍" (Tundra) പുല്ല് മേയും.

ശൈത്യകാലമാകുന്നതോടെ, തെക്കോട്ട്‌ പോകാന്‍ അവര്‍ നിര്‍ബന്ധിതരാകും.

ഇത്തരം ഭൂപ്രദേശങ്ങളില്‍ (Latitude), സൂര്യരശ്മികള്‍ ദുര്‍ബലമാണ്.

അതുകൊണ്ട് തന്നെ, വര്‍ഷത്തിലെ കുറച്ച് മാസങ്ങളില്‍ മാത്രമേ, പുല്ലിന് ഇവിടെ വളരാനാകു.

പക്ഷേ, കൂടുതല്‍ തെക്കോട്ട്‌ പോയാല്‍, ഉഷ്ണകാലത്തിന്റെ ദൈര്‍ഘ്യം കൂടുകയും, പുല്‍മേടുകള്‍ തഴയ്ക്കുകയും ചെയ്യും.

വടക്കേ അമേരിക്കയിലെ പുല്‍ക്കാടുകളാണിവ (Prairie).

ഭൂമിയിലെ ഏറ്റവും മഹത്തരമായ കൂട്ടങ്ങളെ, സമ്പന്നമായ ഈ പുല്‍ത്തകിടി ഒരു കാലത്ത് സംരക്ഷിച്ചിരുന്നു.

ഒരിക്കല്‍, 60 മില്യന്‍ "ബൈസണുകള്‍" (Bison), ഇവിടെ ഉണ്ടായിരുന്നു.

പക്ഷേ, മനുഷ്യരുടെ തീവ്രമായ വേട്ടയാടലിനേയും, വാസസ്ഥല നശീകരണത്തേയും...