Strikeforce: Rockhold vs. Jardine

ഡേവിഡ് ആറ്റൻബറോ: സിംഹങ്ങൾ രാജപ്രതാപത്തിന്റെ പ്രതീകങ്ങളാണ്,

ഒപ്പം ആഫ്രിക്കയുടേതും...

അവരുടെ ശക്തി അവരുൾപ്പെട്ട സിംഹ കൂട്ടത്തിന്റെ സാമർഥ്യം പോലിരിക്കും.

അവർ എപ്പോഴും അടുത്തിടപഴകുന്ന കൂട്ടുകുടുംബമാണ്.

ആയിരക്കണക്കിന് വർഷങ്ങളായി ഈ സാവന്നയുടെ (ആഫ്രിക്കയിലെ പുൽമേട്) അധിപന്മാരാണിവർ.

കഴിഞ്ഞ 20 വർഷത്തിനിടയ്ക്ക്,

ഇവരുടെ അംഗസംഖ്യ പകുതിയായി.

ലോകത്തിലെ ഏറ്റവും പ്രശസ്തരായ

സിംഹ കുടുംബത്തിന്റെ പിന്നാലെ രണ്ട് വർഷമാണ് ഞങ്ങൾ അലഞ്ഞത്.

കെനിയയിലെ മാസായി മാറായിലെ മാർഷ് സിംഹക്കൂട്ടം.

ഞങ്ങൾ അവർക്കൊപ്പം ചേരുന്ന സമയം- ഇവയുടെ നിലനിൽപ്പിനു തന്നെ ഭീഷണിയിലാണ്.

എന്നാൽ ഇപ്പോൾ ഇവരുടെ ഭാവി ഒരു അസാമാന്യ നേതാവിന്റെ ശക്തിയേയും

നിശ്ചയദാർഢ്യത്തേയും ആശ്രയിച്ചിരിക്കും.

മാർഷ് സിംഹക്കൂട്ടങ്ങളുടെ ചരിത്രത്തിലെ തന്നെ ഏറ്റവും പ്രതാപമുള്ള നേതാവ്.

ചാം എന്ന സിംഹിണി.

മാസായ് മാറ (കെനിയയിലെ ദേശീയോദ്യാനം)

ഈ സിംഹക്കൂട്ടം കാലങ്ങളായി ഇവിടെയാണ് കഴിയുന്നത്.

കുടുംബത്തെ സംരക്ഷിക്കുന്ന കരുത്തരായ ആൺ സിംഹങ്ങളുടെയും, കുട്ടികളെ വളർത്താൻ വേണ്ട

അനുഭവസമ്പത്തുള്ള പെൺസിംഹങ്ങളുടെയും ഒരു സഖ്യമുണ്ടിവിടെ.

എന്നാൽ ഈ സിംഹക്കൂട്ടത്തിന്റെ ചരിത്രത്തിൽ ആദ്യമായി,

ഈ സഖ്യം തകർന്നിരിക്കുന്നു.

എല്ലാ മുതിർന്ന ആൺ സിംഹങ്ങളും ഈ കൂട്ടത്തെ വിട്ടുപോയിരിക്കുന്നു.

ഈ സിംഹക്കൂട്ടത്തിന്റെ അതിജീവനം ചാം എന്ന പെൺസിംഹത്തിന്റെയും

അവളുടെ കസിൻ സിയേനയുടെയും ചുമലിലായി.

കൂട്ടത്തിൽ അവശേഷിക്കുന്ന രണ്ടേരണ്ട്‍ മുതിർന്നവർ.

കുഞ്ഞുങ്ങൾ മുതിർന്ന് ഈ വംശം അതിന്റെ മുഴുവൻ

കരുത്തിലും തിരിച്ചെത്തണമെങ്കിൽ

ഇവർ രണ്ടുപേരും ചേർന്ന് കുടുംബത്തെ ഊട്ടി ഉറക്കി സംരക്ഷിക്കണം.

ഓഗസ്റ്റ്.

മഴക്കാലം കഴിഞ്ഞിരിക്കുന്നു, ഇത് സമൃദ്ധിയുടെ കാലമാണ്.

ദേശാടനത്തിനെത്തിയ കുതിരമാൻ സിംഹക്കൂട്ടത്തിനിടയിൽ എത്തിയിരിക്കുന്നു.

മുക്കാൽ ടൺ ഭാരമുള്ള ഇതിലൊന്നിനെ കിട്ടിയാൽ 10 സിംഹങ്ങൾക്കും കുശാലാകും.

നല്ല അനുഭവസമ്പത്തുള്ള വേട്ടക്കാരിയാണ് ചാം,

പക്ഷെ ശ്രമങ്ങളെല്ലാം പാഴാകുകയാണ്...

പിൻകാലുവച്ച് തൊഴിച്ച് ചാം കുതിരമാനിനെ അടിതെറ്റിച്ചു.

ഏറ്റവും ചെറിയ സിംഹകുഞ്ഞുങ്ങൾക്ക് ഇനിയൊരു 12 മാസത്തേക്കെങ്കിലും,

സ്വയം വേട്ടയാടാൻ പറ്റില്ല.

പക്ഷെ വിശപ്പ് ദിനം പ്രതി കൂടുന്നതിനാൽ

24 മണിക്കൂറും വേട്ടയാടാൻ ഇറങ്ങേണ്ട അവസ്ഥയിലാണ് ചാമും സിയേനയും.

പെൺസിംഹങ്ങൾ ഒറ്റയ്ക്ക് വേട്ടയാടേണ്ട അവസ്ഥയാണ് മിക്കവാറും.

ഇന്ന് രാത്രി സിയേനയുടെ ഊഴമാണ്.

സൂര്യോദയം.

സിയേനയ്ക്ക് ഗുരുതരമായി പരിക്കേറ്റിരിക്കുന്നു.

അനങ്ങാൻ പോലും ആവതില്ല.

ഒറ്റയ്ക്കായ സിംഹത്തെ, കാട്ടുപോത്തോ, കഴുതപ്പുലിയോ ആക്രമിക്കാൻ സാധ്യതയേറെയാണ്.

ചിലപ്പോൾ മറ്റ് സിംഹക്കൂട്ടങ്ങൾ ആക്രമിക്കാം.

വൈകുന്നേരമായി.

സിയേന ഇനിയും തിരിച്ചുവന്നിട്ടില്ല.

ഇനി എല്ലാം ചാമിന്റെ കയ്യിലാണ്.

നേരം ഇരുട്ടിയതോടെ വേട്ടയാടാൻ ഇറങ്ങുകയല്ലാതെ ചാമിന് നിവർത്തിയില്ലാതായി.

കുഞ്ഞുങ്ങളെ ഒറ്റയ്ക്ക് ഇട്ടിട്ടുവേണം പോകാൻ

ആരോ അവളെ പിന്തുടരുന്നുണ്ട്...

കഴുതപ്പുലികൾ.

അവസരം കിട്ടിയാൽ സിംഹങ്ങളെ ആക്രമിച്ച്,

അവർക്ക് കിട്ടിയ ഇരയെ തട്ടിയെടുക്കും.

അവര് കണ്ടെത്തും മുമ്പ് പണികഴിക്കണം.

അവര് കണ്ടുപിടിച്ചു കഴിഞ്ഞു.

ഒറ്റയ്ക്ക് ഇവരെ തുരത്താൻ കഴിയില്ല...

പക്ഷെ കൂട്ടത്തിലൊരാൾ അവളെ പിന്തുടരുന്നുണ്ടായിരുന്നു.

അവളുടെ മൂന്ന് വയസുകാരി മകൾ, യാ യാ.

കൂട്ടത്തിലെ ബാക്കിയുള്ളവരും ഭക്ഷണം കഴിക്കാനെത്തി.

കുടുംബത്തെ സംരക്ഷിക്കാനും ഭക്ഷണം കണ്ടെത്താനും,

യാ യാ സ്വയം മുന്നോട്ട് വന്നിരിക്കുന്നു.

പെൺസിംഹങ്ങൾ ജീവിതകാലം മുഴുവൻ അമ്മയ്‌ക്കൊപ്പം കഴിയും,

കാലം ചെല്ലുമ്പോൾ സ്വന്തം മക്കളുമുണ്ടാകും.

യാ യാ ഇനിയും മുതിർന്നിട്ടില്ല.

പക്ഷെ ചാമിൻറെ മൂത്ത മകളെന്ന നിലയ്ക്ക് ഇനി കൂട്ടത്തെ നയിക്കേണ്ടത് അവളാണ്.

ചാമിന് മൂന്ന് വയസുള്ള ഒരു മകൻകൂടിയുണ്ട്, ടാറ്റു.

അവന് നല്ലൊരു സട വളന്നുവരുന്നുണ്ട്,

മുതിർന്നുവരുന്നതിന്റെ ആദ്യ ലക്ഷണം.

എല്ലാ കൗമാരക്കാരെയും പോലെ,

സ്വന്തം കഴിവ് നാലാൾക്ക് മുന്നിൽ പ്രദർശിപ്പിക്കാനുള്ള ത്വര ഭയങ്കരമാണ്.

രണ്ട് ടൺ (2000കിലോ) ഭാരമുള്ള ഹിപ്പൊപ്പൊട്ടാമസ് ആണെങ്കിലും വേണ്ടില്ല.

കൂട്ടത്തിലെ ഒരേയൊരു കൗമാരക്കാരൻ ഒന്നുമല്ല അവൻ.

ഇതവന്റെ കസിൻ റെഡ്.

കഴിഞ്ഞ രണ്ട് മാസമായി രണ്ടുപേരുംകൂടി,

വലിയ കൂട്ടായിട്ടുണ്ട്.

ദേഷ്യം മൂത്ത് നിൽക്കുന്ന ഹിപ്പോയുടെ മുന്നിൽ ഇവരെന്ത് കാട്ടാൻ!

പെണ്മക്കളെപ്പോലല്ല, ആൺകുട്ടികൾ മുതിർന്നാൽ,

വീട് വിട്ടുപോകും.

ഇവരുടെ ഈ അടുത്ത ബന്ധം ശക്തമായ ഒരു സഖ്യമായി വളർന്നേക്കാം.

പോകെപ്പോകെ അവർ മറ്റ് ആൺ സിംഹങ്ങളോട് പോരിന് പോയിത്തുടങ്ങും,

സ്വന്തം നിലയ്ക്ക് ഒരു സിംഹക്കൂട്ടത്തിന്റെ നേതൃത്വം ഏറ്റെടുക്കാൻ.

പക്ഷെ തൽക്കാലം സുരക്ഷയ്ക്ക്,

അവർക്ക് ചാമിന്റെ തണൽ കൂടിയേ തീരൂ...

സിയേനയെ ആക്രമിച്ചിട്ട് ദിവസം നാല് കഴിഞ്ഞു.

ഇപ്പോളവൾക്ക് എഴുന്നേറ്റ് നിൽക്കാം,

പക്ഷെ അടിയന്തരമായി എന്തെങ്കിലും അകത്താക്കിയേ പറ്റൂ.

അവൾക്കതിനുള്ള ശക്തിയില്ല.

വളർന്നു വരുമ്പോൾ കുട്ടി സിംഹങ്ങൾ അവരുടെ കൂട്ടത്തിന്റെ

അതിരുകൾ പരിശോധിച്ചു തുടങ്ങും.

റെഡ്‌ ഒറ്റയ്ക്ക് ഇറങ്ങിപുറപ്പെട്ടിരിക്കുകയാണ്.

കൃത്യമായിട്ട് കഴുതപ്പുലികളുടെ നടുവിൽ ചെന്ന് പെടുകയും ചെയ്തു.

പത്തിരുപതെണ്ണത്തിന് നടുവിലാണ് അകപ്പെട്ടത്.

അവനെ കീഴ്പ്പെടുത്താൻ അവർ ശ്രമിക്കുകയാണ്.

ഇത്രയധികം കഴുതപ്പുലികൾ ഒന്നിച്ചു വന്നാൽ അവൻ കൊല്ലപ്പെടാം.

ഇത്രയും എണ്ണത്തിനോട് ഒരുമിച്ച് പോരാടുക എളുപ്പമല്ല.

അധികം സമയം പ്രതിരോധിക്കാൻ അവന് കഴിയില്ല.

അവൻ ക്ഷീണിച്ചു തുടങ്ങിയിരിക്കുന്നു.

അവന്റെ സുഹൃത്ത് ടാറ്റു ബഹളം കേട്ടു.

ഇപ്പൊ കളി മാറി.

ഇത്രയധികം കഴുതപ്പുലികൾക്ക് പോലും

രണ്ട് ഒത്ത ആൺ സിംഹങ്ങളെ നേരിടാൻ കഴിയില്ല.

റെഡിന് ഭാഗ്യമുണ്ട്...

ടാറ്റു അവന്റെ കസിനെ രക്ഷിച്ചിരിക്കുന്നു.

ആഴ്ചകളായി അതുമിതുമൊക്കെ കഴിച്ച്

സിയേന പഴയ കരുത്ത് തിരിച്ചുപിടിച്ചിരിക്കുന്നു.

ഇനി കുടുംബത്തോടൊപ്പം ചേരാം.

ആദ്യം കണ്ടത് ചാമിനെയാണ്.

ഇത്രകാലം അകന്നു കഴിഞ്ഞിട്ടും

അവർ തമ്മിലുള്ള സ്നേഹബന്ധത്തിന് ഒരു കുറവുമില്ല.

യാ യായും സിയേനയെ സിംഹക്കൂട്ടത്തിലേക്ക് സ്വാഗതം ചെയ്തു.

ഒടുവിൽ ചാമിന്റെ കുടുംബം വീണ്ടും ഒന്നിച്ചിരിക്കുന്നു.

വേട്ടയ്ക്ക് പോകാനുള്ള പങ്കാളി തിരിച്ചു വന്നുവെന്ന് മാത്രമല്ല,

പുതിയൊരു വേട്ടക്കാരിയും ഉദയം ചെയ്തിരിക്കുന്നു.

യാ യാ നല്ല കരുത്തുള്ള സിംഹമായി വളർന്നു വരികയാണ്.

അവൾ ഇരയെ പിന്തുടരാൻ പഠിച്ചിരിക്കുന്നു...

പമ്മി നിൽക്കാനും...

നിശബ്ദമായി നടന്നടുക്കാനും,

കാറ്റിന് പിടികൊടുക്കാൻ അനുവദിക്കാതെ.

പതിയിരുന്നുള്ള ആക്രമണത്തിൽ ഏറ്റവും പ്രധാനം,

ശ്രദ്ധയിൽ പെടാതിരിക്കുക എന്നതാണ്.

അവൾ പിടിക്കപ്പെട്ടിരിക്കുന്നു, കൂർത്ത കൊമ്പുള്ള കുതിരമാന്‍

തന്നെയാണ് വിജയസാധ്യത.

യായ, പക്ഷെ പഠിച്ചുവരുന്നുണ്ട്.

അമ്മയും മകളും തമ്മിൽ ഒരു സഖ്യം രൂപപ്പെട്ട് വരികയാണ്.

ഒക്ടോബർ വന്നെത്തി ...

കുതിരമാനിന്റെ ദേശാടനത്തിന് അറുതിയില്ല.

അവർ മാസായ് മാറയും വിട്ടുപോകുകയാണ്.

ചാമിനും കുടുംബത്തിനും,

ഭക്ഷണം കണ്ടെത്തുക ഇനി കൂടുതൽ ശ്രമകരമാകും.

ഈ പ്രദേശത്തൊന്നും ഒന്നുമില്ല, ചാം അവളുടെ സംഘത്തെ, ഭക്ഷണം തേടി

അവരുടെ അധീനതയിലുള്ള മേഖലയുടെ ഏറ്റവും അറ്റത്തേക്ക് നയിച്ചു.

ഇവിടെ ഇവരെക്കാത്ത് മറ്റൊരുതരം ഇരയുണ്ട്.

സിംഹങ്ങളുടെ മേഖലയിൽ അനധികൃതമായി മേയ്ക്കാൻ കൊണ്ടുവന്ന കന്നുകാലികൾ.

വിശന്നുവലഞ്ഞ കുടുംബത്തെ തീറ്റിപ്പോറ്റാൻ പറ്റിയ മാർഗം.

പക്ഷെ കന്നുകാലികളെ വേട്ടയാടുന്നത് ദുരന്തമായി മാറാം.

വളർത്തുമൃഗങ്ങളെ സംരക്ഷിക്കാൻ,

ഇവരുടെ ഉടമസ്ഥൻ വിഷമുള്ള മാംസം കരുതിവയ്ക്കാം...

ഭക്ഷണത്തിൽ വിഷാംശം ഉണ്ടോ എന്ന് കണ്ടെത്താൻ സിംഹങ്ങൾക്കാകില്ല.

ഒരാഴ്ച കഴിഞ്ഞപ്പോൾ ചാമിന്റെ മൂന്ന് വയസുള്ള

മകന് എഴുനേൽക്കാൻ പോലും വയ്യാത്ത അവസ്ഥയായി.

സംഘത്തിലെ എല്ലാവരും വിഷാംശം ഏറ്റതിന്റെ ലക്ഷണം കാണിച്ചു തുടങ്ങി.

സിയേനയെ കാണാനുമില്ല.

ചൂട് കൂടിയതോടെ സിംഹക്കൂട്ടം തണൽ തേടി പോകാൻ തീരുമാനിച്ചു.

പക്ഷെ ഈ സിംഹക്കുട്ടിക്ക് അതിനുള്ള ആവതില്ല.

ചാമിന് തന്റെ കൂട്ടത്തോടൊപ്പം നിന്നെ പറ്റൂ.

മണിക്കൂറുകൾ കഴിഞ്ഞു, അമ്മയ്‌ക്കൊപ്പമെത്താൻ സിംഹക്കുട്ടിക്ക് ആയിട്ടില്ല

സിയേനയുടെയും ഒരു വിവരവുമില്ല.

അടുത്ത ദിവസം തന്നെ ചാം മകനെ കാണാനെത്തി.

അവനിപ്പോഴും തീരെ വയ്യ.

പക്ഷെ അമ്മയ്ക്ക് തന്റെ സംഘത്തെ ഉപേക്ഷിക്കാൻ ആകില്ലല്ലോ....

തന്റെ സിംഹക്കൂട്ടത്തിനായി,

ചാം അവളുടെ കുഞ്ഞ് മകനെ ഉപേക്ഷിക്കുകയാണ്.

മറ്റുള്ളവർ അവളെ കാത്തിരിക്കുകയാണ്...

അവൾ ഉറപ്പായും അടുത്തുവേണ്ട സമയമാണിത്...

ഇനി അവളുടെ മകനെയോ സിയേനയേയോ ഒരിക്കലും ജീവനോടെ കണ്ടെന്നു വരില്ല.

ഇപ്പൊ ഒരു തോൽവി നേരിട്ടെങ്കിലും പോലും

ചാമിനും അവളുടെ വംശത്തിനും ഇനിയും അവസരങ്ങൾ ഉണ്ടാകും.

അവളുടെ മൂത്ത കുട്ടികളായ യായയും ടാറ്റുവും വിഷത്തിൽനിന്ന് രക്ഷപെട്ടു.

ഇരകളെ തേടിചാം അവളുടെ സംഘത്തെയും കൊണ്ട് നിരന്തര യാത്രയിലാണ്.

യായയുടെ സഹായം ഉണ്ടെങ്കിൽ പോലും ആവശ്യത്തിന് ഭക്ഷണം കണ്ടെത്തുന്നത്

ശ്രമകരം തന്നെ...

തോൽവി സമ്മതിക്കുന്നവളല്ല ചാം.

സംഘത്തിലെ കുട്ടികൾ അവളെ അനുകരിക്കാൻ ശ്രമിക്കുന്നു.

കഴുതപ്പുലികളുടെ ശല്യം ഒരു വശത്ത്,

ഭക്ഷണവും കുറവ്,

നേതാവ് എന്ന നിലയ്ക്കുള്ള ചാമിന്റെ കഴിവും അനുഭവസമ്പത്തും കൊണ്ട് മാത്രമാണ്

ഈ സിംഹക്കൂട്ടം ജീവിച്ചുപോകുന്നത്.

കുറച്ച് ആഴ്ചകൾ കഴിഞ്ഞപ്പോൾ അവളുടെ ശ്രമങ്ങൾക്ക് ഫലമുണ്ടായി.

ടാറ്റുവും റെഡും നാല് വയസ് പിന്നിട്ടിരിക്കുന്നു,

പ്രായപൂർത്തി എത്തിയതിന്റെ അവസാന ഘട്ടം...

ഈ സിംഹക്കൂട്ടത്തെ വിട്ടുപോകാൻ നേരമായിരിക്കുന്നു.

ഇത് ചാമിന്റെ വിജയമാണ്.

അവർ പങ്കാളികളായി പുറപ്പെടുകയാണ്,

മറ്റ് സിംഹങ്ങളോട് ഏറ്റുമുട്ടാൻ...

സ്വന്തമായി ഒരു സിംഹകൂട്ടത്തെ നയിക്കാൻ...

അങ്ങനെ കുടുംബത്തിന്റെ വേരുകൾ മറ്റ് സ്ഥലങ്ങളിലും എത്തിക്കാൻ...

പക്ഷെ ബാക്കി നാല് കുഞ്ഞുങ്ങളെയും പ്രായപൂർത്തിയാകും വരെ

സുരക്ഷിതമായി നോക്കേണ്ട ചുമതല ചാമിനാണ്.

ഒരു മെയ് മാസ പുലരി,

മറ്റ് ആൺ സിംഹങ്ങളുടെ അലർച്ച.

പുറമേക്കാരായ രണ്ട് ആണ് സിംഹങ്ങൾ,

ഏറ്റെടുക്കാൻ ഒരു കൂട്ടത്തെ തേടി നടക്കുകയാണ്...

പുതിയ ആൺസിംഹങ്ങൾ വന്നാൽ പുതിയ തലമുറ ഉണ്ടാകും.

വലിയ ദുരന്തമായി മാറാനും

സാധ്യതയുണ്ടെന്നത് മറ്റൊരു വശം.

വൈകാത അവർ മാർഷ് സിംഹക്കൂട്ടത്തിന് മേൽ അധികാരം കാണിച്ചുതുടങ്ങി.

ചാമിന്റെ ഏറ്റവും ഇളയകുട്ടി ഇനിയും പ്രജനനത്തിന് പാകമായിട്ടില്ല...

ആൺസിംഹങ്ങൾക്ക് പോറ്റാൻ ഒരു വാ അധികം

മാത്രമാണ് ചെറിയ കുട്ടികൾ.

അവർക്ക് അവളെ വേണ്ട.

എത്ര ശ്രമിച്ചിട്ടും, മകളെ സംരക്ഷിക്കാൻ ചാം പാടുപെടുകയാണ്.

ഒത്ത ആൺ സിംഹത്തെ നേരിടാൻ അവളും പോരാ.

അവരുടെ ശ്രദ്ധ മാറ്റാൻ ചാം ശ്രമിച്ചു.

അവർക്കും മകൾക്കും ഇടയിൽ കവചമായി നിന്നു.

കാര്യമുണ്ടായില്ല.

മകൾ അവിടെ തുടർന്നാൽ ആൺ സിംഹങ്ങൾ അവളെ കൊല്ലും.

കൂട്ടം വിട്ട് പോകുക അല്ലാതെ ഇവൾക്ക് മുന്നിൽ വേറെ വഴിയില്ല.

ആൺ സിംഹങ്ങൾ അതുകൊണ്ടൊന്നും നിർത്തിയില്ല.