Planet Earth
ดาวน์โหลดคำบรรยายMalayalam
ข้อมูลรุ่น
แท็ก
ตัวอย่างคำบรรยาย Malayalam
167 บรรทัดแรก
സ്വയം അപകടത്തിലായിക്കൊണ്ടാണ്, ഭൂമിയിലെ ഉയര്ന്ന പ്രദേശങ്ങളിലേക്ക് മനുഷ്യര് സാഹസിക യാത്രകള് നടത്തുന്നത്.
മഹാ പര്വ്വതങ്ങള് കയറുമ്പോള്, ചിലരെങ്കിലും ചിന്തിക്കാറുണ്ട്...
നമ്മള് എങ്ങനെയെക്കയോ അതിനെ കീഴ്പ്പെടുത്തിയെന്ന്.
പക്ഷേ, ഈ മഹാ പര്വ്വതങ്ങളിലെ വിരുന്നുകാരാകാന് മാത്രമേ നമുക്കാവൂ.
നമുക്കപരിചിതമായ, തണുത്തുറഞ്ഞ ഒരു ലോകമാണിത്.
തണുത്തുറഞ്ഞ ലോകത്തിന്റെ, നേര് വിപരീതമായ മറ്റൊരു ലോകമാണിത്.
ഭൂമിയിലെ ഏറ്റവും ആഴമേറിയതും, ചൂടേറിയതുമായ ഭാഗങ്ങളിലൊന്ന്.
കടല് നിരപ്പില് നിന്ന് നൂറു മീറ്ററുകള്ക്കും താഴെയാണ് ഈ സ്ഥലം.
പക്ഷേ, ഇവിടെ ഒരു പര്വ്വതം അതിന്റെ ഗര്ഭാവസ്ഥയിലുണ്ട്.
സള്ഫ്യൂരിക് ആസിഡിന്റെ (Sulphuric Acid) ഈ ചെറു കുളങ്ങള്...
ഭൂഗര്ഭത്തിലെ ടൈറ്റാനിക്കിന്റെ ചലനത്തെയാണ് (Titanic Stirrings) സൂചിപ്പിക്കുന്നത്.
എത്യോപിയിലെ ഡാണക്കില് ഡിപ്രഷന് (Danakil Depression) ആണിത്.
പരസ്പരം അകന്നു മാറുന്ന, ഭീമാകാരമായ ഭൂ പാളികളുടെ...
വിശാലമായൊരു ഭാഗമാണിത്.
ഭൂവല്ക്കത്തിന്റെ (Crust) വിടവുകളിലൂടെ, ലാവ പുറത്തേക്ക് വരികയും...
ചെറു അഗ്നിപര്വ്വതങ്ങളുടെ, ഒരു ശ്യംഖല സൃഷ്ട്ടിക്കുകയുമാണ് ചെയ്യുന്നത്.
ഇതാണ് എര്ട്ടെ അലെ (Erta Ale).
ഭൂമിയിലെ ഇന്നത്തെ അഗ്നിപര്വ്വതങ്ങളില്, ഏറ്റവും കൂടുതല് കാലമായി പുകഞ്ഞു കൊണ്ടിരിക്കുന്ന ഒന്നാണിത്.
നൂറിലധികം വര്ഷങ്ങളായി, ഉരുകിയ ഒരു ലാവാ തടാകമായി തുടരുകയാണ് എര്ട്ടെ അലെ (Erta Ale).
എത്യോപ്പിയന് മലമ്പ്രദേശങ്ങളെ (Highlands) സൃഷ്ട്ടിച്ചതും, സമാനമായ ഈ അഗ്നിപര്വ്വത ശക്തികളാണ്.
70 മില്ല്യന് വര്ഷങ്ങള്ക്ക് മുന്പ്...
ഡാണക്കില് ഡിപ്രഷനെ (Danakil Depression) പോലെ...
താഴ്ന്നതും, നിരപ്പായതുമായ ഒരു പ്രദേശമായിരുന്നു ഇത്.
എന്നാല്, ഭൂമിയുടെ അകക്കാമ്പില് (Core) നിന്നുയര്ന്ന, ഉരുകിയ ലാവ...
500 മൈലുകളോളം വിസ്താരമുള്ള കൂറ്റന് പാറകളുടെ ഒരു മേല്ക്കൂര നിര്മ്മിക്കുകയായിരുന്നു.
ആഫ്രിക്കയുടെ തന്നെ കൂറ്റന് മേല്ക്കൂരയാണിത്.
മഞ്ഞും, മഴയും ചേര്ന്ന് ആയിരത്തോളം വര്ഷങ്ങള് കൊണ്ട് ഈ പാറയെ...
മലയിടുക്കുകളും (Canyons), ശൃംഗങ്ങളുമുള്ള (Spires) ഭൂതലമായി കൊത്തിയെടുത്തിരിക്കുന്നു.
മൂന്നു മൈലുകളോളം ഉയരമുള്ള ഈ പര്വ്വത ശൃംഗങ്ങള്...
ഒരു കൂട്ടം സമര്ത്ഥരായ പര്വ്വതാരോഹകരുടെ വീട് കൂടിയാണ്.
ജെളാഡ ബബൂന്സ് (Gelada baboons).
എത്യോപ്പിയന് മലമ്പ്രദേശങ്ങളുടെ മാത്രം അപൂര്വ്വതയാണിവര്.
ഇവരുറങ്ങുന്ന മലഞ്ചെരിവുകള് (Cliff ) വിദഗ്ദ്ധരായ കയറ്റക്കാര്ക്ക് മാത്രമുള്ളതാണ്.
അതുകൊണ്ട് തന്നെ, ജെളാഡ ബബൂന്സ് (Gelada baboons) കൃത്യമായ ഉപകരണങ്ങള് കൈവശമുള്ളവരാണ്.
സസ്തനികളില് (Primate) തന്നെ, ഏറ്റവും ശക്തിയേറിയ വിരലുകള്...
ഭയമില്ലാത്ത മനോഭാവം, ഇവയെല്ലാം ഈ ബബൂണ്സിനുണ്ട്.
പക്ഷേ, ഇവിടെ അതിജീവിക്കാന് അതു മാത്രം പോരാ.
"ജെളാഡകളുടെ ജീവിതത്തിലെ ഒരു ദിനമാണിത്". വെല്ലുവിളികള്ക്കനുസരിച്ച് അവര് എങ്ങനെ ഉയരുന്നുവെന്ന് ഈ ദിനം കാണിച്ചു തരികയാണ്.
പ്രഭാതം എല്ലാ വാനരന്മാര്ക്കും പരിശീലനത്തിനുള്ളതാണ്.
കൂട്ടുകാരുമായി, സൗഹൃദം പങ്കുവെയ്ക്കാനുള്ള ഒരവസരമാണിത്.
പക്ഷേ, മറ്റു വാനരന്മാരില് നിന്നും വെത്യസ്തമായി...
ജെളാഡ ബബൂന്സ് ഈ സമയത്ത് ചിലച്ചുകൊണ്ടേയിരിക്കും.
കൈകള് തിരക്കിലാണെങ്കിലും, പരസ്പരം ബന്ധപ്പെടാനുള്ള മികച്ചൊരു മാര്ഗമാണിത്.
പക്ഷേ, ഇത്തരം സുഹൃദ്സമ്മേളനങ്ങള് ഒരുപാടു നേരം തുടരാനാവില്ല.
ജെളാഡ ബബൂന്സിന് തിരക്കേറിയ ചില ദിനചര്യകള് ഉണ്ട്.
ജോലികള് പലതും ചെയ്തു തീര്ക്കാനുമുണ്ട്.
കൂടുതല് വാനരന്മാര്ക്കും ഇവിടെ ജീവിക്കാനാവില്ല.
ചില പ്രാണികളെ ഒഴിച്ചാല്, മറ്റു ഭക്ഷണമൊന്നും ഇവിടെ ലഭ്യമല്ല.
പക്ഷേ, ജെളാഡ ബബൂന്സുകള് അപൂര്വ്വങ്ങളാണ്.
പുല്ലു മാത്രം കഴിച്ചു ജീവിക്കുന്ന, ലോകത്തിലെ ഏക വാനരന്മാരാണവര്.
ഒരു പാട് വാനരന്മാര് ചേര്ന്ന, വലിയകൂട്ടമായിട്ടാണ് അവര് ജീവിക്കുന്നത്.
ചില കൂട്ടങ്ങളില് 800 പേര് വരെയുണ്ട്.
വൈല്ഡ് ബീസ്റ്റ് (Wildebeest) കളെപ്പോലെ ഈ വാനരന്മാര് പുല്ത്തകിടികളില് മേഞ്ഞു നടക്കുകയാണ്.
ജെളാഡ ബബൂന്സുകള് പുല്ലു മേയുന്നത് വാലിയ ഐബെക്സ് (Walia Ibex) നൊപ്പമാണ്.
വാലിയ ഐബെക്സ്കളും (Walia Ibex) ഈ മലമ്പ്രദേശത്തിന്റെ മറ്റൊരു അപൂര്വതയാണ്.
അപൂര്വ്വമായ ഈ ജീവികള് പൊതുവേ വലിയ നാണക്കാരാണ്.
എങ്കിലും, ബബൂണ്സിന്റെ സാന്നിധ്യത്തില് അവര് തങ്ങളുടെ നാണം ഉപേക്ഷിക്കും.
ഇരുവരും, മറ്റുള്ളവരുടെ പ്രദേശങ്ങളിലേക്ക് കടക്കില്ല എന്ന് നിങ്ങള് പ്രതീക്ഷിച്ചേക്കാം.
പക്ഷേ, ഇരു കൂട്ടര്ക്കും ഗുണമുള്ള, പ്രത്യേകതയുള്ള ഒരു കൂട്ടുകെട്ടാണിത്.
മറ്റുള്ളവര് കാവലിരിക്കുമ്പോള്...
തലകുനിച്ചിരുന്നുള്ള പുല്ലുമേയല് അത്ര അപകടകരമല്ല.
ഇതാണ് എത്യോപ്പ്യന് ചെന്നായ്ക്കള്.
പകല് വെളിച്ചത്തില് ആക്രമിക്കാന് അവര് തയ്യാറാകില്ല.
പക്ഷേ, ഇരുള് പടരുന്നുതോടെ പീഠഭൂമി (Plateau) അപകടകരമായ ഒരു സ്ഥലമായിത്തീരും.
പുല്ലുമേയല് അവസാനിച്ചിരിക്കുന്നു.
ഉറങ്ങാനുള്ള സ്ഥലങ്ങളിലേക്ക് പോകുന്നതിനു മുമ്പ്, സൗഹൃദത്തിനുള്ള അവസാന അവസരമാണിത്.
നേരത്തേയുള്ള മുന്നറിയിപ്പ് എല്ലാവരേയും ജാഗരൂകരാക്കിയിരിക്കുന്നു.
കിഴുക്കാംതൂക്കായ ഈ മലഞ്ചെരിവില്, സുരക്ഷിതരായി, അവരുടെ ദിനം തുടങ്ങിയതു പോലെ തന്നെ അവസാനിക്കുകയാണ്.
സജീവമല്ലാത്ത അഗ്നിപര്വ്വതങ്ങളാണ് എത്യോപ്പിയയിലുള്ളത്.
എന്നാല്, മറ്റിടങ്ങളില് അഗ്നിപര്വ്വതങ്ങള് ഇപ്പോഴും സജീവമാണ്.
ലോകത്തെ ഏറ്റവും നീളമേറിയ പര്വ്വത ശ്യംഖലയായ, തെക്കേ അമേരിക്കയിലെ ആന്ഡ്സിന്റെ (Andes) നട്ടെല്ല്...
സൃഷ്ട്ടിച്ചിരിക്കുന്നത് അഗ്നിപര്വ്വതങ്ങളാണ്.
ഭൂമധ്യരേഖ മുതല് അന്റാര്ട്ടിക്ക വരെ 5,000 മൈലുകളോളം ദൂരം നീണ്ടു കിടക്കുന്ന, വിശാലമായൊരു പര്വ്വതനിരയാണിത്.
ശാന്ത സമുദ്രത്തിന്റെ (Pacific Ocean) നിലം ഉണ്ടായിരിക്കുന്നത് ഈ പര്വ്വതനിരയില് നിന്നാണ്.
അവ തെക്കേ അമേരിക്കന് ഭൂഖണ്ഡപാളിയുടെ അടിയിലേക്ക് തെന്നി കയറുകയും, വശങ്ങളില് പരസ്പരം കൊളുത്തപെടുകയുമാണ് ഉണ്ടായത്.
തെക്കു വശത്തുള്ള പര്വ്വതനിരകള് പാറ്റഗോനിയ (Patagonia) എന്നറിയപ്പെടുന്നു.
വേനല്ക്കാലം അതിന്റെ മൂര്ധന്യാവസ്ഥയിലാണ്.
പര്വ്വതങ്ങളിലെ കാലാവസ്ഥകളില് ഏറ്റവും അസ്ഥിരമായ കാലാവസ്ഥയാണ് ആന്ഡ്സിലേത് (Andes).
കൊടുങ്കാറ്റുകള് ഏതു നിമിഷവും പൊട്ടിപ്പുറപ്പെടാം.
അന്തരീക്ഷ ഊഷ്മാവുകള് കുത്തനെ ഇടിയുന്നതോടെ...
ഗുനാകോസും (Guanacos), അതിന്റെ നവജാത കുഞ്ഞും പെട്ടന്നൊരു ഹിമവാതത്തെ അനുഭവിച്ചേ മതിയാവൂ. .
സത്യത്തില്, എല്ലാ ഋതുഭേദങ്ങളും ഒരൊറ്റ ദിവസം ഇവിടെ അരങ്ങേറും.
ഇതാണ് പ്യുമ (Puma).
ആന്ഡ്സിലെ (Andes) സിംഹമാണിത്.
പ്യുമകള് (Puma) സാധാരണ എകാന്തരും, സ്വകാര്യത കാത്തു സൂക്ഷിക്കുന്നവരുമാണ്.
തുറസ്സായ സ്ഥലത്തു കൂടി, ഇങ്ങനെ ഒരു കൂട്ടം സഞ്ചരിക്കുന്നത് വളരെ അപൂര്വ്വമാണ്.
അമ്മയും, നാലു കുഞ്ഞുങ്ങളുമടങ്ങിയ ഒരു കുടുംബമാണിത്.
പര്വ്വതങ്ങളിലെ അതിജീവന തന്ത്രങ്ങള്, കുഞ്ഞുങ്ങളെ പഠിപ്പിക്കാന്...
വളരെ ഹ്രസ്വമായ ഒരു വേനല്ക്കാലം മാത്രമേ ആ അമ്മയ്ക്ക് മുമ്പിലുള്ളു.
നാലു കുഞ്ഞുങ്ങളെ ഇത്രെയും പ്രായം വരെ വളര്ത്തിയെടുക്കുക എന്നത് അപൂര്വ്വമായ ഒരു സംഗതിയാണ്.
പക്ഷേ, ഭക്ഷണവും, ജലവും കൊണ്ട് സമ്പന്നമായ ...
ഒരു ഭൂപ്രദേശം ആ അമ്മയ്ക്ക് മുമ്പിലില്ല.
കുഞ്ഞുങ്ങള്ക്ക് അമ്മയോടൊപ്പം വലിപ്പമുണ്ടെങ്കിലും...
ഭക്ഷണത്തിന് അമ്മ തന്നെയാണ് ഇപ്പോഴും അവര്ക്കാശ്രയം.
ഒരു വര്ഷം കൂടി കഴിഞ്ഞാല് മാത്രമേ, കുഞ്ഞുങ്ങള്ക്ക് സ്വന്തമായി വേട്ടയാടാനാകൂ.
അമ്മയുടെ കഴിവും, അനുഭവങ്ങളുമില്ലാതെ...
ആദ്യ മഞ്ഞുകാലം അതിജീവിക്കാന് കുഞ്ഞുങ്ങള്ക്കാവില്ല.
കൊടുങ്കാറ്റുകളാല് തകര്ക്കപ്പെട്ടതു കാരണം...
ഈ മലഞ്ചെരിവുകളെല്ലാം നിര്ജീവമാണ്.
കൂടുതല് വടക്കോട്ട് പോകുന്തോറും, കൊടുങ്കാറ്റുകള് മറ്റ് അപകടങ്ങള് കൂടി വഹിക്കുന്നു.
മണിക്കൂറില് 250 മൈലുകളോളം വേഗതയില് സഞ്ചരിക്കുന്ന...
ഹിമപാതം (Avalanche) അതിന്റെ വഴിയിലുള്ളതിനെയെല്ലാം നശിപ്പിക്കും.
"അമേരിക്കന് റോക്കീസില്" (American Rockies)...
എല്ലാ ശൈത്യകാലത്തും, 100,000 ത്തോളം ഹിമാപാതങ്ങള് മലഞ്ചെരിവുകളെ തകര്ത്തുകൊണ്ടിരിക്കുന്നു.
പാറ്റഗോനിയ (Patagonia) മുതല് അലാസ്ക (Alaska) വരെ നീളുന്ന ഈ ഭീമന് പര്വ്വത ശൃംഖല...
"അമേരിക്കന് റോക്കീസിന്റെ (American Rockies) പിന്തുടര്ച്ചയാണ്.
"റോക്കീസി"ന്റെ മലഞ്ചെരിവുകള് ശൂന്യമാണെങ്കിലും...
ചില മൃഗങ്ങള്ക്ക്, ഇവ ശൈത്യകാല സംരക്ഷണം ഒരുക്കുന്നുണ്ട്.
ചാര നിറമുള്ള ഒരു അമ്മക്കരടി, അവളുടെ മാളത്തില് നിന്ന് പുറത്തു വരികയാണ്.
ഭൂഗര്ഭത്തിലെ ആറു മാസം നീണ്ട ഉറക്കത്തിനു ശേഷമാണ് ഈ വരവ്.
രണ്ടു കുഞ്ഞുങ്ങളും അമ്മയ്ക്ക് പിന്നാലെയുണ്ട്.
പുറം ലോകത്ത്, തങ്ങളുടെ ആദ്യ ചുവടുകള് വെയ്ക്കുകയാണവര്.
ഇത്തരം ചെങ്കുത്തായ ചരിവുകള്, ഈ കുഞ്ഞുങ്ങള്ക്ക് ഒരു അഭയസ്ഥാനമാണ്.
അവസരം കിട്ടിയാല്, ആണ് കരടികള് ഈ കുഞ്ഞുങ്ങളെ കൊന്നു തിന്നാന് മടിക്കില്ല.
പക്ഷേ, ആണ് കരടികള്ക്ക് ഇവിടെയെത്തുക പ്രയാസകരമാണ്.
പെണ് കരടികളേക്കാള് രണ്ടിരട്ടി വലിപ്പമുള്ളവയാണ് ആണ് കരടികള്.
പെണ് കരടിക്ക് പോലും ഈ ചരിവുകള് പ്രശ്നങ്ങളുണ്ടാക്കും.
കുഞ്ഞുങ്ങള്ക്ക് ഈ സമയത്ത്, മഞ്ഞിനു മുകളിലോ...
ജീവിതത്തിലോ വലിയ ഭാരം അനുഭവപ്പെടില്ല.
പക്ഷേ, അമ്മക്കരടി ഇപ്പോളൊരു പ്രതിസന്ധി ഘട്ടത്തിലാണ്.
ആറു മാസമായി, അവള് ഭക്ഷണം കഴിച്ചിട്ട്.
അവളുടെ പാല് വറ്റാറായിരിക്കുന്നു.
ഇത്തരം പ്രജനന കേന്ദ്രങ്ങളുടെ (Nursery Slopes) സുരക്ഷിതത്വം അവള് വേഗം തന്നെ ഉപേക്ഷിച്ചേ മതിയാവൂ.
ഈ മലകളില് നിന്ന്, അവളുടെ കുഞ്ഞുങ്ങളെ കൊണ്ടു പോയേ തീരു.
താമസിക്കുന്തോറും, കുടുംബം മുഴുവന് പട്ടിണിയിലാകും.
വേനല്ക്കാലം "റോക്കീസി"ന്റെ യഥാര്ത്ഥ സ്വഭാവം കാണിച്ചു തരികയാണ്.
മഞ്ഞ് ഒഴിഞ്ഞു പോകുന്നതോടെ...
കൊടുമുടികള്, കൊത്തിയെടുക്കപ്പെട്ട അവരുടെ രൂപങ്ങള് തിരികെപ്പിടിക്കും.
ഈ സമയങ്ങളില് മാത്രമേ, പര്വ്വതങ്ങളുടെ കൂടുതല് ഉയര്ന്ന മേഖലകള് "കയറ്റക്കാര്ക്ക്" കീഴടക്കാനാകൂ.
രണ്ടു മൈലുകള്ക്കു മുകളിലെ, പൊടിഞ്ഞുകൊണ്ടിരിക്കുന്ന ഈ കിഴക്കാന്തൂക്കില്, ജീവനില്ലായെന്നു തോന്നുമെങ്കിലും...
ചില മൃഗങ്ങള് ഇവിടെയുമുണ്ട്.
ചാരനിറമുള്ള ഒരു കരടിയാണിത്.
ഇത്തരം ഉയര്ന്ന മലഞ്ചെരിവുകളില് (High Rocky Slopes), ഇവയെ കാണുക അസാധാരണമാണ്.
ഈ പാറകളിലേക്ക്, ഇവ ആകര്ഷിക്കപ്പെടാനുള്ള കാരണം ചിന്തിക്കുക പ്രയാസമാണ്.
വരാന് പോകുന്ന ശൈത്യകാലത്തിനായി, കരടികള് ശരീരം പുഷ്ടിപ്പെടുത്തേണ്ട സമയമാണിത്.
എന്നിട്ടും, വരണ്ടതെന്ന് തോന്നുന്ന ഇത്തരം ചരിവുകളില് ഇവ കൂട്ടമായി കാണപ്പെടുകയാണ്.
വളരെ അസാധാരണമായ, ഒരു ഭക്ഷണത്തിനു വേണ്ടിയാണ് അവര് തിരഞ്ഞുകൊണ്ടിരിക്കുന്നത്.
"പാറ്റകളാണ്" അവരുടെ ലക്ഷ്യം.
താഴ്വരയിലെ ചൂടില് നിന്ന് രക്ഷപെടാനായി, ലക്ഷോപലക്ഷം പാറ്റകള് ഇവിടേക്ക് പറന്നെത്തിയിട്ടുണ്ട്.
അവയെല്ലാം പാറകള്ക്കിടയില് മയക്കത്തിലാണ്.
കരടികളെ സംബന്ധിച്ചടുത്തോളം, പാറ്റ വളരെ ചെറിയൊരു ഭക്ഷണമായി തോന്നാം.
പക്ഷേ, കൊഴുപ്പുകൊണ്ട് സമ്പന്നമായ ഒരു ശരീരമാണ് പാറ്റയ്ക്കുള്ളത്.
വര്ഷന്തോറുമുള്ള കരടികളുടെ അതിജീവന പോരാട്ടത്തില്, ഗുണപരമായ മാറ്റങ്ങള് ഉണ്ടാക്കാന് ഈ കൊഴുപ്പിനാകും.
മറ്റൊരു യുദ്ധവും ഇവിടെ നടക്കുന്നുണ്ട്.
പക്ഷേ, കൂടുതല് നീണ്ടൊരു സമയ ദൈര്ഘ്യത്തിലാണ് അത് നടക്കുന്നത്.
കൊഴിഞ്ഞു പോയ ഈ പാറകള്, പര്വ്വതത്തിന്റെ നുറുങ്ങിക്കൊണ്ടിരിക്കുന്ന അസ്ഥികളാണ്.
"റോക്കീസി"ന്റെ ഉയരം കൂടികൊണ്ടിരിക്കുകയല്ല.
മറിച്ച്, അവ സാവധാനം കൊഴിഞ്ഞു പൊയ്ക്കൊണ്ടിരിക്കുകയാണ്. .
ലോകത്തെല്ലായിടത്തും, മഞ്ഞും, ഹിമാപാതവും ചേര്ന്നാണ് പാറകളെ ഇല്ലാതാക്കുന്നത്.
15 മില്ല്യന് വര്ഷങ്ങള്ക്കു മുന്പാണ് ആപ്സ് പര്വ്വതം (Alps) ഉണ്ടായത്.
ആഫ്രിക്കന് ഭൂ പാളി വടക്കോട്ട് മാറുകയും, യൂറോപ്യന് പാളിയുടെ തെക്കു ഭാഗവുമായി കൂട്ടിമുട്ടുകയുമായിരുന്നു.
രണ്ടു ഭൂഖണ്ഡങ്ങള്ക്കിടയില് വ്യാപിച്ചിരുന്ന, ഒരു പുരാതന സമുദ്ര പാളിയുടെ ഉരുകിപ്പോയ...
അവശിഷ്ടങ്ങളില് നിന്നാണ് ഈ ശൃംഗങ്ങള് ഉണ്ടായിരിക്കുന്നത്.
ആപ്സിന്റെ (Alps) താഴ്വരയിലെ ഒരു കുന്ന് (Foothills) മാത്രമാണിത്.
ആപ്സിന് (Alps) അതിന്റെ കേന്ദ്രത്തില് നിന്നും 3 മൈലുകളോളം ഉയരമുണ്ട്.
എക്കാലവും, മഞ്ഞുകിരീടം നെറുകയില് ചൂടിയാണ് ആപ്സിന്റെ നില്പ്പ്.
ഇതാണ് മാറ്റര്ഹോണ് (Matterhorn).
കുത്തനേയുള്ള കൊടുമുടിയായതിനാല്, മഞ്ഞിനെ തടഞ്ഞു നിര്ത്താന് മാറ്റര്ഹോണിനു (Matterhorn) കഴിയില്ല.
പടിഞ്ഞാറന് യൂറോപ്പിലെ, ഏറ്റവും വലിയ പര്വ്വത ശൃംഗമായ മോണ്ട് ബ്ലാങ്ക് (Mont Blanc) ആണിത്.
ആപ്സിലെ പ്രത്യേക വെട്ടുകളുള്ള രൂപങ്ങള് സൃഷ്ട്ടിച്ചത്...
മലകളിലെ എക്കാലത്തേയും മികച്ച ശില്പികളായ...
ഹിമാനികളാണ് (Glaciers).
ചലിക്കുന്ന മഞ്ഞുകട്ടകളുടെ, അതിബൃഹത്തായ നദികളാണിവ.
പാറകളാല് നിറഞ്ഞ ഈ ഹിമാനികള്...
പര്വ്വതങ്ങളെ പൊടിച്ചു കൊണ്ട് താഴേക്കെത്തുകയും...
ആഴമേറിയ താഴ്വരകളായി ചാല് കീറുകയും ചെയ്യും.
ഭൂമിയിലെ ഏറ്റവും ശക്തമായ ദ്രവീകരണ ബലമാണ് (Erosive Force) ഈ ഹിമാനികള്.
Planet Earth subtitles in other languages
More Malayalam subtitles for Planet Earth
- Planet Earth Season 1 Episode 11 Ocean Deep · 42 downloads · 2018-09-20
- Planet Earth 1 Full Series (2006) · 40 downloads · 2018-08-23
- Planet Earth 10 Seasonal Forests 2006 1080p HDDVD x264 anoXmous ml · 35 downloads · 2018-07-25
- Planet Earth 09 Shallow Seas 2006 1080p HDDVD x264 anoXmous ml · 44 downloads · 2018-07-25
- Planet Earth 08 Jungles 2006 1080p HDDVD x264 anoXmous ml · 30 downloads · 2018-07-24
- Planet Earth 07 Great Plains 2006 1080p HDDVD x264 anoXmous ml · 40 downloads · 2018-07-24
- Planet Earth 06 Ice Worlds 2006 1080p HDDVD x264 anoXmous ml · 42 downloads · 2018-07-24
- Planet Earth 04 Caves 2006 1080p HDDVD x264 anoXmous ml · 36 downloads · 2018-07-24
ความคิดเห็น
No comments yet. Be the first to leave one.