Court
Malayalam Altyazısını İndir
Malayalam altyazı önizlemesi
İlk 200 satır.
മലയാളം സബ്ടൈറ്റില് തയ്യാറാക്കിയത് : നന്ദലാല് ആര്., ഓപ്പണ് ഫ്രെയിം പയ്യന്നൂര്
പൂമ്പാറ്റ...
പടര്വള്ളികളിലും പൂക്കളിലും പറന്ന് പുഞ്ചിരി പൊഴിക്കുന്നു, ഈ പൂമ്പാറ്റ.
വര്ണാഭമായ ചെറുചിറകുകള് വീശി വീശി പറന്നുതത്തിക്കളിക്കുന്നു, ഈ പൂമ്പാറ്റ.
ചെറുമുത്തുമണികള് പോലെ മിന്നിത്തിളങ്ങുന്ന അവളുടെ ചെറുകണ്ണുകള്, ഈ പൂമ്പാറ്റ.
ഞാനവളെ പിടിക്കാനൊരുങ്ങുമ്പോള്, കഷ്ടം, പാറിപ്പറന്നകലുന്നു, ഈ പൂമ്പാറ്റ.
ശരി.
ജാഗൃതീ, ഇനി വിട്ടഭാഗം പൂരിപ്പിക്കലാണ്.
ഇന്ത്യയിലെ ഏറ്റവും വലിയ സംസ്ഥാനം ഡാഷ് ആണ്...
രാജസ്ഥാന്.
ലോകത്തിലെ ഏറ്റവും വലിയ ഭൂഖണ്ഡം ഡാഷ് ആണ്...
ഏഷ്യ.
ഡാഷ് ഇന്ത്യയിലെ ഏറ്റവും നീളം കൂടിയ നദിയാണ്...
നര്മദ.
തെറ്റിപ്പോയി, അത് ബ്രഹ്മപുത്രയാണ്.
സോറി, ബ്രഹ്മപുത്ര.
ഡാഷ് ഇന്ത്യയിലെ ഏറ്റവും പ്രായമേറിയ പര്വതനിരയാണ്...
ഹോം വര്ക്ക് ചെയ്യാന് മറക്കല്ലേ.
ശരി... ഞാനിതാ വരുന്നു. ഒരഞ്ചുമിനിറ്റുകൊണ്ട് അവിടെയെത്തും.
വഡ്ഗാവ് കൂട്ടക്കൊല സാംസ്കാരിക പ്രതിഷേധ സംഗമം
മീരമ്മാ നന്ദി...
അടുത്തതായി നമുക്കായി പരിപാടി അവതരിപ്പിക്കാന് പോകുന്നത് ജനകീയ കവി നാരായണ് കാംബ്ലെ.
കേള്ക്കൂ സഹോദരാ! !
നിങ്ങളെക്കുറിച്ചാണ് പറയുന്നത്. ..
എന്റെ പ്രിയസോദരരേ!
എല്ലായിടത്തും കുഴപ്പം പിടിച്ച അസ്വസ്ഥതകളാണ്, നേരമായിരിക്കുന്നു ഉണര്ന്നു പൊരുതാന്
നേരമായിരിക്കുന്നു; ശത്രുവിനെ തിരിച്ചറിയാന്, നേരമായിരിക്കുന്നു തിരിച്ചറിയാന് നിന്റെ ശത്രുവിനെ
ദുഷിച്ച കാലമാണിത്, നമ്മുടെ മണ്ണില് നിന്ന് നാം പറിച്ചെറിയപ്പെട്ടിരിക്കുന്നു
അന്ധതയുടെ ഈ കാലം, നമ്മുടെ കാഴ്ചയുടെ അളവുകളെ മാറ്റിയിരിക്കുന്നു
ഒരു മാന്യനെ അധമനായി തോന്നുന്നു, മൂങ്ങയെ കണ്ടാല് മയിലിനെപ്പോലെയും
ഭീമാകാരനെ ശിശുവായ്ത്തോന്നുന്നു, ശിശുവിനെ ഭീമാകാരനായും
നല്ലവര് മറവിയിലേക്ക് പോകുന്നു, ഒന്നിനും കൊള്ളാത്തവര് വാഴ്ത്തപ്പെടുന്നു
ശത്രുക്കള്...
ശത്രു സര്വനാശകാരിയാണ്, എന്നിട്ടും നമ്മളവന് സ്തുതി പാടുന്നു
ശത്രുവിനെ തിരിച്ചറിയാന് നേരമായി, നേരമായിരിക്കുന്നു തിരിച്ചറിയാന് നിന്റെ ശത്രുവിനെ
ചെകുത്താന്റെ നിറം കറുപ്പും വെളുപ്പുമാണ്, നിങ്ങളുടെ ജീവിതം അവന്റെ തിന്മകളില്പ്പെട്ടുഴലുകയാണ്
നിറമാണ് അവന് ഏറെ ഇഷ്ടപ്പെട്ട ആയുധം , മരണം അതിന്റെ ശബ്ദമുയര്ത്തുമ്പോള്
നിറങ്ങള് പകിട കളിക്കുകയാണ് , കളിനിയമങ്ങള് വളരെ ആസൂത്രിതവുമാണ്.
മനുഷ്യത്വം കൂട്ടിലടക്കപ്പെട്ടിരിക്കുകയാണ്, അത് എരിയുകയാണ്, അത് ഛിന്നഭിന്നമാക്കപ്പെടുകയാണ്
ബഹുവര്ണമാകുന്ന നിറങ്ങള്, നിറം മങ്ങുന്ന നിറങ്ങള്
നിറം, അത് തകരുന്നു, ഇപ്പോള് അത് വ്യാജമാണെന്ന് തോന്നുന്നു
നിങ്ങളുടെ ബുദ്ധി കെടുത്തിയിരിക്കുകയാണ്, എന്തൊക്കെ ത്യജിക്കും ഇനി നിങ്ങള്
ഈ നിബിഢ വനങ്ങള്, ഈ വൃത്തികെട്ട വനങ്ങള്
മതബോധത്തിന്റെ വനങ്ങള്, ജാതിബോധത്തിന്റെ വനങ്ങള്
വംശീയതയുടെ വനങ്ങള്, ദേശീയതയുടെ വനങ്ങള്
മരണസമാനമായ ഈ രാത്രിയില്, നമ്മുടെ എല്ലാ ബോധവും നഷ്ടമാവുമ്പോള്
സമാധാനം ആഗ്രഹിക്കുന്ന കൈകള് മുക്കപ്പെടുന്നു...
ചതഞ്ഞു പൊള്ളിപ്പോയ കൈകള്ക്ക്, കിട്ടുന്നതോ തിളച്ചുമറിയുന്ന ഒരു മെഴുക് സമ്മാനം
നിങ്ങളുടെ ശത്രുവിനെ തിരിച്ചറിയാന് നേരമായിരിക്കുന്നു, നേരമായിരിക്കുന്നു നിങ്ങളുടെ ശത്രുവിനെ തിരിച്ചറിയാന്
മായയുടെ മറിമായങ്ങള്, പണത്തിന്റേതാണ്, പരമമായ ഭരണം
അത് മനുഷ്യനെ ഒരു സങ്കരയിനമാക്കിയിരിക്കുന്നു, ഈ സങ്കരയിനത്തില് ഒരു 17 ജാതികളുണ്ട്
രക്തത്തെ വിശപ്പ് ആക്രമിക്കുകയാണ്, എന്നെങ്കിലും അടങ്ങുമോ ഈ വിശപ്പ്?
സന്തോഷത്തിനായുള്ള ആന്വേഷണം ആരംഭിച്ചിരിക്കുന്നു, പക്ഷെ എല്ലാ ദിശകളും ഇരുണ്ടിട്ടാണുള്ളത്
ശ്രദ്ധയാകര്ഷിക്കാനുള്ള ഈ ഒച്ചപ്പാടുകള്, അതെ സോദരരേ
ഈ ചെറുചെറു ബഹളങ്ങള്, അതെ സോദരരേ
ഈ അഴിമതിക്കഥകള്, അതെ സോദരരേ
ഈ ഫാന്സി മാളുകള്, അതെ സോദരരേ
എല്ലാവര്ക്കും സൗജന്യം, അതെ സോദരരേ
ഈ മഹത്തായ വീഴ്ചകള്, അതെ സോദരരേ
അഴിമതിക്കഥകള്, വന്കിട മാളുകള്, വന് വീഴ്ചകള്, വന് വീഴ്ചകള്
രോഗങ്ങളും അത്യാര്ത്തിയും, അത്യാര്ത്തതിയും രോഗങ്ങളും
എന്താണിവിടെ നടക്കുന്നത്, ഇത് നിര്ത്തണം!
പ്രദീപ് ഷെല്കെ എവിടെയാണ്?
അവിടെ, ആ മുറിയില്.
പ്രദീപ് ഷെല്കെ?
ഒരു നിമിഷം കാത്തുനില്ക്കണേ.
നിങ്ങള്ക്ക് ബാക്കിഭാഗം പുറത്തുപോയി പൂരിപ്പിക്കാമോ?
ശരി സര്. പക്ഷെ ഇക്കാര്യം ഒന്ന് ശ്രദ്ധിക്കണേ.
ഞാന് നോക്കിക്കൊള്ളാം.
ഹലോ സര്.
ഹലോ. ഇരിക്കൂ.
പറയൂ.
നാരായണ് കാംബ്ലെയുടെ അറസ്റ്റിനെക്കുറിച്ച് ചോദിച്ചറിയാന് വേണ്ടി വന്നതാണ്.
നിങ്ങളയാളുടെ ബന്ധുവോ മറ്റോ ആണോ?
ഏയ്. അല്ല. അദ്ദേഹത്തിന്റെ വക്കീലാണ്.
- എന്താ നിങ്ങളുടെ പേര്? - വിനയ് വോറ.
ഞങ്ങള്ക്ക് അദ്ദേഹത്തെ കാണാമോ?
പറ്റില്ല. അയാളെ ഇപ്പോള് ജോഗേശ്വരിയിലേക്കയച്ചിരിക്കുകയാണ്. ഇവിടെ ലോക്കപ്പൊന്നുമില്ലല്ലോ. അതുകൊണ്ടാ.
- നിങ്ങളാണല്ലേ അന്വേഷണോദ്യോഗസ്ഥന്? - അതെ. ഞാന് തന്നെയാണ്.
എന്തൊക്കെ ചാര്ജുകളാണ് അദ്ദേഹത്തിന്റെ മേല് ചുമത്തിയിരിക്കുന്നതെന്ന് പറയാമോ?
നീ ഇതൊന്നും പറഞ്ഞിരുന്നില്ലേ? ഇവനും കൂടെത്തന്നെയുണ്ടായിരുന്നെന്നേ.
അതിന് സാറെന്താണ് പറഞ്ഞിരുന്നത്? നിങ്ങളൊന്നും പറഞ്ഞിരുന്നില്ലല്ലോ.
അല്ലല്ല. ഞാന് അയാളോട് പറഞ്ഞതാണ്. വാറണ്ടും കൊണ്ടുതന്നെയാണ് ഞങ്ങള് പോയിരുന്നതും.
- എനിക്കാ വാറണ്ടൊന്ന് കാണാന് പറ്റുമോ? - തീര്ച്ചയായും.
ഒറ്റ മിനിറ്റേ.
ഇതാ. നോക്കൂ.
ആത്മഹത്യാപ്രേരണയോ?
അതിനാരാണ് ആത്മഹത്യ ചെയ്തത്?
സിത്ലാദേവി ചേരിയുണ്ടല്ലോ. അവിടത്തെയൊരാളാണ് ആത്മഹത്യ ചെയ്തത്.
ആരാണത്?
ഗട്ടറിലിറങ്ങി പണിയെടുക്കുന്ന വാസുദേവ് എന്ന പയ്യനാണ്.
അതുശരി
ഇക്കഴിഞ്ഞയാഴ്ചയാണ് നാരായണ് കാംബ്ലെയും സംഘവും ആ ചേരിയില് ചെന്ന് അവരുടെ പാട്ടുപരിപാടി നടത്തിയത്.
- ശരിയല്ലെടോ? - അതെ.
ഗട്ടര് വൃത്തിയാക്കുന്നവരെല്ലാം ആത്മഹത്യ ചെയ്യണമെന്ന് ആഹ്വാനം ചെയ്യുന്ന ഒരു പാട്ട് അന്ന് കാംബ്ലെ അവിടെ പാടിയിരുന്നു.
ഇല്ല, അദ്ദേഹം അങ്ങിനെയൊന്നും പറഞ്ഞിട്ടില്ല.
നിങ്ങളല്ലെങ്കിലും അത് സമ്മതിക്കില്ലല്ലോ.
ഞങ്ങള്ക്ക് പരാതി കിട്ടിയിരുന്നു, പിന്നീട് അയാളെ അറസ്റ്റ് ചെയ്യാനുള്ള ഉത്തരവും കിട്ടി.
മനസ്സിലായി. പിന്നെന്തുണ്ടായി?
പിന്നെന്തുണ്ടാവാന്, അവിടെ നിന്ന് രണ്ട് ദിവസം കഴിഞ്ഞപ്പോള് ആ പയ്യന് ഗട്ടറിലിറങ്ങി പിന്നീട് മരിച്ചു.
അതൊരപകടവുമാകാമല്ലോ...
അല്ല. ഇത് വ്യക്തമായും ആത്മഹത്യയുടെ കേസ് തന്നെയാണ്. മനസ്സിലായോ?
തെളിവില്ലാതെ അറസ്റ്റ് ചെയ്യാന് പോലും ഞങ്ങള്ക്ക് സാധിക്കില്ല.
എന്തു തെളിവാണുള്ളത്? ഞങ്ങളെക്കൂടെയൊന്ന് കാണിക്കെന്നേ.
ഇവിടെ വാദിച്ചിട്ടൊന്നും കാര്യമില്ലെന്നേ. ഇക്കാര്യം നമുക്ക് പിന്നീട് സംസാരിക്കാം.
അങ്ങിനെ പറയൂ. നാളെ ജഡ്ജിയോടുതന്നെ ചോദിക്കാമല്ലോ.
അപ്പോള് ശരി സര്, ഇതെടുത്തോളൂ.
ശരി.
- ഒരു ചായ കുടിക്കുന്നോ? - വേണ്ട സര്.
എന്നാല് ശരി.
നന്ദി.
എല്ലാവരുമൊന്ന് വഴിയില് നിന്ന് മാറി നിന്നേ.
നീങ്ങി നില്ക്ക്.
ഹലോ, നമസ്കാരം മേഡം.
നിങ്ങള്ക്കെന്തുവേണം? നോട്ടറി, സ്റ്റാമ്പ് ഡ്യൂട്ടി, അഫിഡവിറ്റ്?
ഇതെല്ലാം ഞാന് ചെയ്യും
നിങ്ങളുടെ അടുത്ത തീയതി സെപ്റ്റംബര് 5.
സര്, എനിക്ക് സെപ്റ്റംബറില് നാട്ടിലേക്ക് പോകേണ്ട ആവശ്യമുണ്ട്.
അങ്ങിനെയെങ്കില്, ഒക്ടോബറിലെ ഒരു തീയതി നോക്കാം.
- ഒക്ടോബര് 13 പറ്റുമോ, അന്നായാലോ? - പറ്റും.
വളരെ ഉപകാരം സര്.
കേസ് നമ്പര് 133, രാധാ നഗര് പോലീസ് സ്റ്റേഷന് ബങ്കിം ഷാ.
കുറിക്കൂ...
വാച്ച് മോഷണം പോയതാണ്.
അയല്വാസി വാച്ച് മോഷ്ടിച്ചുവെന്നാണ് പരാതിക്കാരന് പറയുന്നത്..
പ്രൊസീഡ്.
- സര്, എനിക്കിയാളെ ക്രോസ് വിസ്താരം ചെയ്യണം. - ശരി.
- പേരെന്താണ്. - ബങ്കിം ഷാ.
വാച്ച് മോഷണം പോയ കാര്യം എപ്പോഴാണ് മനസ്സിലായത് ?
എന്റെ കുടുംബം പുറത്തുപോയിരിക്കുകയായിരുന്നു...
തിരിച്ചെത്തിയപ്പോഴാണ് വീട്ടിന്റെ ജനാല ആരോ അറുത്തുമുറിച്ചിരിക്കുന്നത് കണ്ടത്..
അതെന്താ പോലീസില് അറിയിക്കാതിരുന്നത്?
ഞാന് അറിയിച്ചിരുന്നു, ചോദിച്ചു നോക്കൂ.
- അയാളത് പറഞ്ഞിട്ടുണ്ടോ? - ഉവ്വ്. പറഞ്ഞിട്ടുണ്ട്.
ഇത് കുറിച്ചെടുത്തോളൂ...
അയാള് ഒരാഴ്ചത്തേക്ക് പുറത്തുപോയിരിക്കുകയായിരുന്നു, അയാള് തിരിച്ചെത്തിയപ്പോള്,
ജനല്ക്കമ്പികള് അറുത്തിട്ടുള്ളതായി കണ്ടു, വാച്ച് മോഷണവും പോയിരിക്കുന്നു.
'അയാള് പോലീസില് അറിയിച്ചിരുന്നു' എന്നതൊന്നും വേണ്ട, അതൊന്നും ആവശ്യമില്ല.
പ്രൊസീഡ്.
രാകേഷ് ശുക്ല തന്നെയാണ് വാച്ച് മോഷ്ടിച്ചതെന്ന് നിങ്ങള് പറയാന് കാരണമെന്താണ്?
മോഷണത്തിന് രണ്ടാഴ്ചയ്ക്കു ശേഷം,
കോളനിയിലെ അയല്വാസികളില് ചിലര് അയാള് അതേ വാച്ചും കെട്ടിനടക്കുന്നത് കണ്ടിരുന്നു.
പക്ഷെ അത് ഒരേ പോലെയിരിക്കുന്ന മറ്റൊരു വാച്ചാകാമല്ലോ?
അത് നിങ്ങളുടെ വാച്ച് തന്നെയാണെന്ന് തോന്നാനുള്ള കാരണമെന്താണ്?
അത് ഇവിടത്തെ വാച്ചല്ല. അത് എനിക്ക് ഒരു ബന്ധു സമ്മാനിച്ചതാണ്.
അമേരിക്കയില് നിന്നും കൊണ്ടുതന്നതാണത്.
കുറിച്ചെടുത്തോളൂ...
രാകേഷ് ശുക്ല ആ വാച്ച് ധരിച്ചുനടക്കുന്നത് അയല്വാസികളാരൊക്കെയോ കണ്ടിരുന്നു.
ആ വാച്ച് അമേരിക്കയില് നിന്നുള്ള ഒരു സമ്മാനമായിരുന്നു.
തുടരട്ടെ.
പക്ഷെ എന്റെ കക്ഷിക്കും അമേരിക്കയില് നിന്ന് വാച്ച് വാങ്ങിക്കാമല്ലോ, പറ്റില്ലേ?
ദയവായിആ റിപ്പോര്ട്ടൊന്ന് മുഴുവനും ശ്രദ്ധിച്ചു വായിച്ചുനോക്ക്.
അദ്ദേഹം വാച്ച് വാങ്ങിയ ബില് ഹാജരാക്കിയിട്ടുണ്ട്, വാച്ചിന്റെ സീരിയല് നമ്പറും.
ഉണ്ടായിരിക്കാം, എന്നാലും അയാള്ക്കും വാച്ച് വാങ്ങിക്കാന് പറ്റില്ലേ?
പറ്റും. അതേ സീരിയല് നമ്പറുള്ള മറ്റൊരു വാച്ച് പക്ഷെ അയാള്ക്കെങ്ങനെ വാങ്ങിക്കാന് പറ്റും?
അക്കാര്യം ഇവിടെ വ്യക്തമായി പറഞ്ഞിട്ടുണ്ട്;
പിടിച്ചെടുത്ത വാച്ചിന്റെയും മോഷണം പോയ വാച്ചിന്റെയും സീരിയല് നമ്പര് ഒന്ന് തന്നെയാണന്ന കാര്യം.
അതിനെന്തു പ്രസക്തി? സീരിയല് നമ്പര് ആ ഉല്പന്നത്തിന്റേതും ആവാമല്ലോ.
നിങ്ങളെന്താണീ പറയുന്നത്, സീരിയല് നമ്പര് എങ്ങിനെ ഒരു പോലെയാകാനാണ്?
മറ്റൊരു സീരിയല് നമ്പര് എങ്ങിനെ വരും?
സര്, അത് കാര്യമായി പരിശോധിക്കേണ്ടതുണ്ട്.
ഈ ഉല്പന്നത്തെക്കുറിച്ചുള്ള കൂടുതല് വിശദാംശങ്ങള് അന്വേഷിക്കേണ്ടതുണ്ട്.
അങ്ങിനെയെങ്കില് ഒരു കാര്യം ചെയ്യൂ, അടുത്ത മാസത്തിനുശേഷം ഒരു തീയതി നോക്കാം.
നവംബര് 12.
അപ്പോഴേക്കും ആവശ്യമുള്ളതെല്ലാം അന്വേഷിച്ച് കണ്ടെത്തൂ.
സര്, അതുതന്നെയാണ് ഞാനും ഉദ്ദേശിച്ചത്. നന്ദി.
കേസ് നമ്പര് 134, സിത്ലാദേവി പോലീസ് സ്റ്റേഷന്, നാരായണ് കാംബ്ലെ.
ഞാനിതിനെങ്ങനെ ജാമ്യം അനുവദിക്കാനാണ്?
ഇതെല്ലാം ജാമ്യമില്ലാ കുറ്റങ്ങളാണല്ലോ.
സര്, ഇവിടെ വിവേചനബുദ്ധി കാണിക്കാന് അങ്ങയോട് ഞാന് അഭ്യര്ത്ഥിക്കുകയാണ്, എന്നിട്ട് എന്റെ കക്ഷിക്ക് സോപാധിക ജാമ്യം അനുവദിച്ചാലും.
ഇല്ലില്ല... എനിക്കത് പറ്റില്ല.
സര്, വേണമെങ്കില് അയാള്ക്ക് പരിപാടികള് നടത്തുന്നതിന് ചില വ്യവസ്ഥകള് വെച്ചോളൂ.
ഇല്ല, പറ്റില്ല.
ഇത് സെഷന്സ് കോര്ട്ടില് വരേണ്ട കേസാണ്.
പ്രതിയെ 12 ദിവസത്തെ ജുഡീഷ്യല് കസ്റ്റഡിയില് വിടാന് ഉത്തരവാകുന്നു.
കേസ് നമ്പര് 135...
ഒരു നിമിഷം, ഒരു നിമിഷം... ഇവര്ക്കൊക്കെയെന്താ പ്രശ്നം?
ട്രെയിനിലെ അംഗവൈകല്യമുള്ളവര്ക്കുള്ള കംപാര്ട്മെന്റില് യാത്ര ചെയ്തവരാണ് ഇവരെല്ലാം.
- നിങ്ങള് കുറ്റം സമ്മതിക്കുന്നുണ്ടോ? - ഉവ്വ്, സമ്മതിക്കുന്നു.
ശരി, ഓരോരുത്തരില് നിന്നും 500 രൂപ വീതം പിഴ ഈടാക്കി വിട്ടയച്ചേക്കൂ.
ഇനി ഇതാവര്ത്തിക്കരുത്.
നടക്ക്. നടക്ക്.
വേഗം.
മുംബൈ പ്രസ് അസോസിയേഷന്
അതുകൊണ്ട് ഞാനിതുംകൂടി പറഞ്ഞ് നിര്ത്തുകയാണ്...
നമ്മുടെ ഭരണഘടന ജീവിക്കാനുള്ള അവകാശത്തില് വിശ്വസിക്കുന്നുണ്ടെങ്കിലും...
അതു തന്നെയാണ് ഇന്ന് ഏറ്റവുമധികം ലംഘിക്കപ്പെടുന്നതും.
കാരണം ഇന്ന് സൃഷ്ടിക്കപ്പെടുന്ന സാഹചര്യം മനുഷ്യജീവന്റെ അതിജീവനത്തിന് പറ്റിയതല്ലേയല്ല.
ഇത്തരം സാഹചര്യങ്ങള് സൃഷ്ടിക്കുന്നതിന് ഒരു ഒറ്റവാക്കുണ്ട്. പക്ഷെ ഞാനാ വാക്ക് ഇവിടെ ഉപയോഗിക്കുന്നില്ല.
ഉപയോഗിച്ചാല്, എന്നെ രാജ്യദ്രോഹകുറ്റത്തിന് അറസ്റ്റ് ചെയ്തേക്കും.
നന്ദി, എല്ലാവര്ക്കും വളരെ നന്ദി.
സത്യജിത്ത്, താങ്കളുടെ അനുഭവങ്ങള് പങ്കുവച്ചതിന് വളരെ നന്ദി. .
അത് വളരെ ഉള്ക്കാഴ്ചകളുള്ളതായിരുന്നു; അതോടൊപ്പം അസ്വസ്ഥതയുണ്ടാക്കുന്നതും.
അടുത്തതായി നമ്മളോട് സംസാരിക്കുന്നത് അഡ്വ. വിനയ് വോറയാണ്.
അദ്ദേഹം ക്രിമിനല് ജസ്റ്റിസിലും മനുഷ്യാവകാശപ്രശ്നങ്ങളിലും ഇടപെടുന്ന...
...ഏറെ പ്രഗത്ഭനായ ഒരു ക്രിമിനല് വക്കീലാണ്.
നിദാന് എന്ന നിയമകേന്ദ്രത്തിന്റെ സ്ഥാപകഅംഗംങ്ങളില് ഒരാള് കൂടിയാണദ്ദേഹം.
- നിനാദ്. - ക്ഷമിക്കണം, നിനാദ്.
ഗുഡ് ഈവിനിങ്.
ഇന്ന് നിങ്ങളോട് മൊഹ്സിന് പര്വേസ് കേസിനെക്കുറിച്ച് സംസാരിക്കാമെന്നാണ് ഞാന് കരുതുന്നത്.
Court subtitles in other languages
Yorumlar
No comments yet. Be the first to leave one.