River

മലയാളം പരിഭാഷകൾക്കായി സന്ദർശിക്കുക. 𝘄𝘄𝘄.𝗺𝗼𝘃𝗶𝗲𝗺𝗶𝗿𝗿𝗼𝗿𝗺𝗮𝗹𝗮𝘆𝗮𝗺𝘀𝘂𝗯𝘁𝗶𝘁𝗹𝗲𝘀.𝗰𝗼𝗺

മൂവി മിറർ റിലീസ് നമ്പർ - 283 ᴡᴡᴡ.ғᴀᴄᴇʙᴏᴏᴋ.ᴄᴏᴍ/ᴍᴏᴠɪᴇ ᴍɪʀʀᴏʀ sᴜʙᴛɪᴛʟᴇs

സ്നേഹം ലഭിക്കാതെ ആയിരങ്ങൾ ജീവിക്കുന്നു, ജലം ഇല്ലാതെ ഒരാൾ പോലും ജീവിക്കുന്നില്ല.

- നമുക്ക് നോക്കിയാലോ? - "സെല്ലോ വൺ".

ഞാൻ ഓരോരോ നമ്പറുകൾ വിളിച്ച് പോകാം.

- ഓക്കേ. - വയലിൻ വൺ, ടു, ടു.

എന്റെ മനസ്സിൽ ഒരുപാട് സങ്കല്പങ്ങളുണ്ട്.

അപ്പോൾ അതും ചേർത്തേക്കാമല്ലേ?

ഓക്കേ.

- ഞാൻ കയ്യിൽ നിന്നും ഇടുന്ന ചില പ്രയോഗങ്ങൾ കുഴപ്പമുണ്ടോ ? - അത്യാവശ്യം നല്ലതാണ്.

എന്റെ മനസ്സിലും അങ്ങനെ ആയിരുന്നു, എന്നാലും നിങ്ങൾ പറഞ്ഞാലേ സ്ഥിരീകരണമാകൂ.

- എന്നാ നമുക്ക് ടേക്ക് പോകാം. - ഓക്കേ.

മനുഷ്യർ നദികളെ എന്നും സ്നേഹിച്ചിരുന്നു.

എന്നാൽ അവയുടെ ഊർജത്തെ നാം വിനിയോഗിക്കാൻ പഠിച്ചപ്പോൾ,

നമ്മൾ അവരെ ബഹുമാനിക്കാൻ മറന്നുവോ?

റിവർ

ആദ്യ മഴ വീണപ്പോൾ തന്നെ,

ഭൂമിദേവി തരളിതയായി.

ആയിരക്കണക്കിന് വർഷങ്ങളോളം മഴ നിർത്താതെ പെയ്തു,

പുതിയ രൂപത്തിലുള്ള പ്രകൃതിനിർമ്മാണങ്ങൾ രൂപം കൊണ്ടു.

മഴത്തുള്ളികൾ ചേർന്ന് അരുവികൾ ഉണ്ടാകുകയും,

അരുവികൾ നദികളായി വളരുകയും ചെയ്തു.

അവ മുന്നോട്ടും കീഴോട്ടും ഒഴുകി ശക്തി പ്രാപിക്കുന്നു.

യുഗങ്ങളോളം, നദികൾ അവയുടെ തന്നെ വ്യവസ്ഥയിൽ സഞ്ചരിച്ചു.

ശാന്തമായി ചിരസ്ഥായിയായി, പർവതങ്ങളെ തഴുകി അവ ഒഴുകിയകന്നു.

വളഞ്ഞും പുളഞ്ഞും അവ ഒഴുകി,

സമൃദ്ധമായ എക്കൽ നിറഞ്ഞ വലിയ സമതലങ്ങിൽ അവ പരന്ന് കിടന്നു.

നദികൾ സഞ്ചരിക്കുന്നിടത്ത് ജീവശക്തി പുഷ്ടിപ്പെടുന്നു.

കാരണം നദികൾ പ്രപഞ്ചനിർമാതാവാണ്.

അവ ഭൂമിയെ രൂപപ്പെടുത്തി,

നമ്മളെ ഒരു ജീവജാലമാക്കി മാറ്റി.

അനേകായിരം വർഷങ്ങളായി നാം നദികളെ വന്ദിക്കുന്നു.

നമ്മുടെ ഭൂമിയുടെ ധമനികളായും,

വരദാതാവായും,

അത്ഭുതത്തിന്റെ സമൃദ്ധ സ്രോതസ്സായും.

നദികൾ മനുഷ്യ സ്വപ്നങ്ങളുടെ ഉറവിടമാണ്.

അവർ പല പ്രദേശത്ത് കൂടി ഒഴുകുന്ന പോലെ,

നമ്മുടെ ജീവിതത്തിലൂടെയും ഒഴുകുന്നു.

കൊടുമുടികൾക്കിടയിലൂടെ ഉയർന്ന ഹിമ നദികൾ ഒഴുകുന്നു.

മഞ്ഞുപാളികൾ നിശ്ചലാവസ്ഥയിലേക്ക് മാറിയതായി തോന്നുമെങ്കിലും,

അവർ ഒഴുകികൊണ്ടേയിരിക്കുന്നുണ്ട്.

അവയുടെ ഹിമത്തിന് ജലപ്രവാഹമുണ്ട്,

ദ്രുതഗതികളുണ്ട്,

ചുഴികളുമുണ്ട്.

വിള്ളലുകൾ തുറന്ന് അവ താഴ്‌വരകളിലേക്ക് ഒഴുകുന്നു,

അല്ലെങ്കിൽ വളഞ്ഞ കോണുകൾ തീർക്കുന്നു.

ഈ മഞ്ഞു പാളികളിലൂടെ,

ഉരുകിയ ജലത്തെ കാറ്റ് അരുവിയായി ഒഴുക്കുന്നു.

അവയുടെ സ്ഥായിയായ ഹിമാവസ്ഥയിൽ നിന്നും സൂര്യൻ അവരെ മോചിപ്പിച്ചു,

ഒഴുകി തുടങ്ങുന്ന ജലം കടലിനെ ലക്ഷ്യമാക്കി നീങ്ങാൻ തുടങ്ങി.

യഥാർത്ഥത്തിൽ മുന്നോട്ടുള്ള പ്രയാണത്തിന് ഒരു നദി വന്യമായിരിക്കണം,

സ്വാഭാവികതയോടേയും യഥേഷ്ടവും.

സമുദ്രത്തിൽ ലയിക്കാനുള്ള ആഗ്രഹത്താൽ,

അത് താഴേക്ക് ഒഴുകിയിറങ്ങുന്നു.

കോടിക്കണക്കിന് വർഷങ്ങൾ മനുഷ്യർ ഭൂമിയിൽ അലഞ്ഞുനടന്നു.

ഫലഭൂയിഷ്ഠമായ താഴ്‌വര സൃഷ്ടിച്ചത് നദികളായിരുന്നു;

അതുമൂലം മനുഷ്യൻ സ്ഥിരതാമസവും സാധ്യമാക്കി.

വലിയ നദികളുടെ തീരത്താണ് ആദ്യത്തെ നഗരങ്ങൾ ഉടലെടുത്തത്.

നമ്മുടെ ആദ്യകാല കല്പിതവും നദികളുടെ ഇഷ്ടത്തിനാണ് രൂപപ്പെട്ടത്.

നാം നദികളെ ജീവന്റെയും മൃത്യുവിന്റെയും പ്രഭാവമായി,

ഭയഭക്തിയോടെ ആദരിച്ചിരുന്നു.

നാം അവയെ ദൈവങ്ങളായി വന്ദിച്ചു.

നദികൾ നമ്മെ ജീവജാലമെന്ന നിലയിൽ ജീവിക്കാൻ പ്രേരിപ്പിച്ചു,

നമ്മെ അഭിവൃദ്ധിപ്പെടുത്താൻ സഹായിച്ചു.

കാലക്രമേണ, അവ ഉൾനാടുകളിലേക്ക് വ്യാപാരവും പ്രവർത്തി രീതികളും,

വ്യാപിപ്പിക്കുന്ന ഹൈവേകൾ ആയി മാറി,

അവക്കൊപ്പം കവിതകളും,

കഥകളും മതങ്ങളും,

രാഷ്ട്രീയവും സംഘർഷങ്ങളും ഒഴുകി.

നദികൾ നമ്മുടെ പട്ടണങ്ങളെയും നഗരങ്ങളെയും വളർത്തി.

എന്നാൽ മനുഷ്യന്റെ പദ്ധതികളോടും സ്വപ്നങ്ങളോടും നിസ്സംഗമായി സമീപിച്ചു.

ചഞ്ചലവും പ്രവചനാതീതവുമായി,

അവ പ്രളയത്തിൽ മനുഷ്യന് നാശം വിതച്ചു.

വരൾച്ച സമയത്ത്,

അവ പൂർണ്ണമായും അപ്രത്യക്ഷമാവുകയും ചെയ്തു.

അതുകൊണ്ട് നദികളെ നിയന്ത്രിക്കാൻ പല തരത്തിലുള്ള മാർഗങ്ങൾ ആവിഷ്കരിച്ചു.

അവയുടെ ശക്തിക്ക് കടിഞ്ഞാണിടാനും അവയുടെ വന്യതയെ മെരുക്കാനും നാം പഠിച്ചു.

അവയെ എങ്ങനെ നിയന്ത്രിക്കാമെന്നും ഉപയോഗിക്കാമെന്നുമുള്ള മാർഗങ്ങൾ നാം കണ്ടെത്തി.

അവയെ യന്ത്രങ്ങളെപ്പോലെ എങ്ങനെ പ്രവർത്തിപ്പിക്കാമെന്നും പഠിച്ചു.

നദികളെ ജീവന്റെ ഉറവിടമായി കാണുന്നതിൽ നിന്ന്,

അവയെ നാം വിഭവങ്ങളായി കാണുന്നതിലേക്ക് വ്യതിചലിച്ചു.

നമുക്ക് ദൈവമായിരുന്നവർ നമ്മുടെ പഠനവിഷയമായി മാറി.

നദികളെ നിയന്ത്രിക്കാനുള്ള നമ്മുടെ കഴിവ്,

ചരിത്രത്തിന്റെ ഗതി തന്നെ മാറ്റിമറിച്ചു.

വരൾച്ചയും വെള്ളപ്പൊക്കവും വഴിമാറി,

വരണ്ട ഭൂമിയെ ഫലഭൂയിഷ്ഠമാക്കി.

യുദ്ധത്തിനും സമാധാനത്തിനും നദികൾ നമുക്ക് ഉപകരിച്ചു.

അവ സാമ്രാജ്യങ്ങളെ രൂപപ്പെടുത്തി,

രാഷ്ട്രങ്ങളെ വിഭജിച്ച് മാനവികതയെ പോഷിപ്പിച്ചു.

പലയിടങ്ങളിലും നദികൾ ഇന്നും അഭിവന്ദ്യമാണ്,

ഇപ്പോഴും ജീവിതത്തിന് അത്യന്താപേക്ഷിതമാണ്,

അതുപോലെ മരണത്തിനും.

കോടികണക്കിന് ആളുകൾ ജലത്തെ ഉപാസിക്കുന്നു.

നദിയുടെ ശക്തി ഒരു വിശുദ്ധശക്തിയായി അവശേഷിക്കുന്നു.

അത് സുഖപ്പെടുത്തുകയും, സാന്ത്വനിപ്പിക്കുകയും, വിമലീകരിക്കുകയും ചെയ്യുന്നു.

അത് പാപങ്ങൾ കഴുകി ആത്മശുദ്ധി നൽകുന്നു.

നദികൾ പ്രതീക്ഷയുടെയും സ്നേഹത്തിന്റെയും വാഞ്ഛയുടെയും ഉറവിടമാണ്.

അതൊരു ജീവിതരീതിയുമാണ്.

നദിയെ ആശ്രയിച്ച് ജീവിക്കുകയും ഒടുങ്ങുകയും ചെയ്യുന്നവർക്ക്,

ആ നദിയാണ് അവർക്കെല്ലാം.

വൈകാരികവും ആത്മീയവുമായ ഉപജീവനത്തിന് അത്യാവശ്യമായ ഒന്നാണ്.

അതിജീവനത്തിനായുള്ള പിടിവള്ളിയാണ്.

നദികൾ സ്വാഭാവികമായി ഒഴുകാത്ത,

ഇടങ്ങളിലേക്ക് എത്തിക്കാൻ നാം പഠിച്ചു.

നദികൾ ഇപ്പോഴും നമ്മുടെ മേൽ വലിയൊരു സ്വാധീനം ചെലുത്തുന്നുണ്ട്.

ഗതാഗതത്തിന്റെയും ആഗോള ബന്ധത്തിന്റെയും ആ ശൃംഖലയെ പറ്റി,

ദൈനംദിന ജീവിതത്തിൽ നാം ഓർക്കുന്നേയില്ല.

ഇന്ന്, ലോകത്തിലെ ഏറ്റവും വലിയ നഗരങ്ങളുടെയെല്ലാം,

ഹൃദയഭാഗത്ത് ഒരു നദി ഉണ്ട്.

നദികൾ ചിലർക്ക് ആലോചിക്കാൻ കഴിയുന്നതിലപ്പുറമുള്ള സമൃദ്ധിയുണ്ടാക്കി.

മനുഷ്യന്റെ ശക്തിവലയത്തിൽ ,

നദികൾ ദുർബലരായി;

എളുപ്പത്തിൽ നശിപ്പിക്കാൻ കഴിയും, പക്ഷെ അത്ര എളുപ്പത്തിൽ വീണ്ടെടുക്കാൻ കഴിയില്ല.

വലിയ ജലാശയങ്ങൾ ഇല്ലാതായിക്കൊണ്ടിരിക്കുന്നു,

നമ്മുടെ വികസിത ആവശ്യങ്ങൾ നിറവേറാൻ ജലം വഴി തിരിച്ച് വിടുന്നു.

മരുഭൂമികൾ നാം അഭിവൃദ്ധമാക്കി...

അനന്തമായ സമൃദ്ധിയുടെ ഒരു മിഥ്യാബോധത്തെ പരിപോഷിപ്പിക്കുന്നു.