Game of Thrones - Conquest & Rebellion: An Animated History of the Seven Kingdoms

അദ്ധ്യായം : ഒന്ന് വലേറിയായുടെ അവസാനത്തെ വംശജർ : റ്റാർഗേറിയൻ കുടുംബം

വിസേരിസ് : ഈ ലോകം എപ്പോഴും ഇങ്ങനെ ചെറുതും അപ്രധാനവും ആയിരുന്നില്ല.

ആയിരകണക്കിന് വർഷങ്ങൾക്ക് മുൻപ്, മറ്റുള്ള ആളുകൾ എല്ലാം ദൈവങ്ങളോട് പ്രാർത്ഥിച്ച് കൊണ്ടിരുന്നപ്പോൾ

വലേറിയൻസ് ദൈവങ്ങളായി മാറി.

മായാജാലങ്ങൾ കൊണ്ടോ അവരുടെ വെറും ഇച്ഛാ ശക്തി കൊണ്ടോ.

അവർ ചരിത്രത്തിലെ തന്നെ ഏറ്റവും മഹത്തായ ജീവികളുടെ യജമാനന്മാരായി മാറി.

ഒരു കുതിര , ഒരാൾക്ക് ഒരു സ്ഥലത്തിന് മേൽ ഉള്ള ആധിപത്യം നൽകുന്നു, ഒരു കപ്പൽ കടലിന് മേലുള്ള ആധിപത്യവും.

പക്ഷേ ഡ്രാഗണുകൾ ഒരാൾക്ക് ആകാശം തന്നെ നൽകുന്നു , പിന്നെ അതിന് കീഴിൽ ഉള്ള എല്ലാത്തിന്റെയും എല്ലാവരുടെയും മേൽ ഉള്ള ആധിപത്യവും.

ആ ഉയരത്തിൽ നിന്ന് കൊണ്ട് എന്റെ പൂർവ്വികർ അറിയപ്പെട്ടിരുന്ന ആ ലോകം ഭരിച്ചു.

ഞങ്ങൾ ഭരിക്കാതിരുന്ന ഭാഗങ്ങൾക്ക് അതിനുള്ള അർഹതയില്ലായിരുന്നു.

ഞങ്ങളുടെ വലേറിയയുടെ തലസ്ഥാനം കിഴക്കുള്ള മഹത്തായ നഗരങ്ങളെയെല്ലാം നാണം കെടുത്തി.

ചുറ്റികകളും ഉളികളും ഒന്നും ഡ്രാഗണിന്റെ തീയോടും മന്ത്രവാദങ്ങളോടും കിട പിടിക്കത്തക്കതായിരുന്നില്ല.

സമയത്തിന്റെ അന്ത്യം വരേയ്ക്കും നിലനിൽക്കാൻ വേണ്ടി ഉണ്ടാക്കിയ ഒരു നഗരവും സാമ്രാജ്യവും ആയിരുന്നു അത്.

പക്ഷേ അത് നില നിന്നില്ല.

400 വർഷങ്ങൾക്ക് മുൻപ് , സർവ്വനാശം വലേറിയയിൽ പതിച്ചു.

പർവ്വതങ്ങൾ മുട്ടകൾ പോലെ പൊട്ടി പിളർന്നു.

തടാകങ്ങളും നദികളും തിളച്ച് മറിഞ്ഞു.

ഭൂമിയിൽ നിന്ന് തീയും , ചാരവും , പുകയും ഒരു ജലധാരപോലെ വമിക്കാൻ തുടങ്ങി.

പറന്ന് കൊണ്ടിരുന്ന ഡ്രാഗണുകൾ പോലും കത്തി കരിഞ്ഞ് പോകുന്ന അത്രയും ഉയരത്തിലും ചൂടിലും ആയിരുന്നു അത്.

സ്ഥലങ്ങൾ ശിഥിലമായി, കോപം കൊണ്ട കടൽ ഇരച്ച് കയറി.

മണിക്കൂറുകൾ കൊണ്ട് ചരിത്രത്തിലെ തന്നെ ഏറ്റവും മഹത്തായ നഗരം ചരിത്രമായി മാറി.

പക്ഷേ എന്റെ പൂർവ്വികർ മറ്റുള്ള വംശങ്ങളോടൊപ്പം കത്തി ചാമ്പലാകുകയോ മുങ്ങി ചാകുകകയോ ചെയ്തിരുന്നില്ല.

സർവ്വനാശത്തിന് 12 വർഷങ്ങൾക്ക് മുൻപ് തന്നെ ശത്രുക്കളുടെ പുച്ഛത്തോട് ഉള്ള വെറുപ്പ് കൊണ്ട്

ഏനാർ റ്റാർഗേറിയൻ അദ്ദേഹത്തിന്റെ കുടുംബത്തോട് ഒപ്പം തലസ്ഥാനം ഉപേക്ഷിചിരുന്നു.

ഇതിഹാസങ്ങൾ പറയുന്നത് അദ്ദേഹത്തിന്റെ മകൾ നഗരത്തിന്റെ തകർച്ച സ്വപ്നത്തിൽ കണ്ടിരുന്നു എന്നാണ്.

കൂടുതലും സാധ്യത ഏനാറിന് രാജ സഭയിൽ വെച്ച് എന്തെങ്കിലും അനിഷ്ട സംഭവം ഉണ്ടായിട്ടുണ്ടാകും,

വധശിക്ഷയ്ക്ക് പകരം രാജ്യം വിട്ട് പോകാൻ തീരുമാനിച്ചതാകാം.

അദ്ദേഹവും റ്റാർഗേറിയൻ കുടുംബവും ഇരുണ്ട ഒറ്റപ്പെട്ട ദൈവം പോലും ഉപേക്ഷിച്ച ഒരു ദ്വീപിലേയ്ക്ക് ആണ് ഒളിച്ച് താമസിക്കാൻ പോയത്.

ഇനി അത് ഉപേക്ഷിക്കപ്പെട്ടതല്ല.

ഇപ്പോൾ ഈ ലോകത്തിന് നഷ്ടപ്പെട്ട് പോയിരിക്കുന്ന വിദ്യകൾ ഉപയോഗിച്ച് ഞങ്ങൾ ആ ദ്വീപിനെ ഡ്രാഗൺസ്‌റ്റോൺ ആക്കി മാറ്റി.

അവസാനത്തെ ഡ്രാഗൺ ലോർഡുകൾക്ക് അനുയോജ്യമായ ഒരു കോട്ട.

എന്നിട്ട് ഈനാറിന്റെ പിൻഗാമികൾ അവരുടെ നഷ്ടപ്പെട്ട് പോയ ജന്മനാടിന്റെ ഒരു ശവകുടീരം എന്ന പോലെ അവിടെ താമസം ഉറപ്പിച്ചു.

ഈഗന്റെ കാലം വരേയ്ക്കും.

അദ്ദേഹം കിഴക്കോട്ട് നോക്കിയപ്പോൾ

പുരാതനവും ക്ഷയിച്ചതും മരിച്ചവരും ഉള്ള ഭൂതകാലം ആണ് അദ്ദേഹം കണ്ടത്.

പക്ഷേ അദ്ദേഹം പടിഞ്ഞാറേയ്ക്ക് നോക്കിയപ്പോൾ

ഭാവിയാണ് അദ്ദേഹതത്തിന് കാണാൻ കഴിഞ്ഞത്.

ഭൂമിയിൽ സ്വർണ്ണമുള്ള , പാടങ്ങളിൽ പൊന്ന് വിളയുന്ന ഭാവി.

ആകാശത്ത് ആണെങ്കിൽ അദ്ദേഹത്തിന്റേത് അല്ലാത്ത ഡ്രാഗണുകളും ഇല്ലായിരുന്നു.

അദ്ദേഹവും അദ്ദേഹത്തിന്റെ സഹോദരിമാരായ റേനിസും വിസെന്യയും ആ വലിയ ഭൂഖണ്ഡത്തിന് മുകളിൽ കൂടി പറന്നു.

പ്രത്യക്ഷത്തിൽ വിചിത്രമായ ഒരു നാട് കാണാൻ വന്ന സന്ദർശകർ ആയിരുന്നു അവർ.

പക്ഷേ ഈഗൻ മടങ്ങിയപ്പോൾ,

വെസ്റ്ററോസിന്റെ ആകൃതിയിൽ കൊത്തിയെടുത്ത ഒരു ഭീമാകാരമായ മേശ ഉണ്ടാക്കാൻ അദ്ദേഹം ആവശ്യപ്പെട്ടു,

അവർ കണ്ട എല്ലാ പ്രധാനപ്പെട്ട നദികളും പാർവതങ്ങളും അടക്കം.

ഏഴ് രാജ്യങ്ങളുടെയും സ്വകാര്യമായ ഒരു ഭൂപടം ,

അപ്പോൾ അവ ഭരിച്ചിരുന്നത് പരസ്പരം കലഹിക്കുന്ന ഏഴ് കുടുംബങ്ങൾ ആയിരുന്നു.

ഡുരൻഡോൻ കുടുംബം സ്‌റ്റോം എൻഡിൽ ഇരുന്ന് കൊണ്ട് സ്‌റ്റോംലാൻഡ്സ് ഭരിച്ചിരുന്നു.

അതിന്റെ തെക്ക് ആയിരുന്നു ഡ്രാഗൺസ്‌റ്റോൺ.

അയൺ ഐലൻഡ്സിലെ ഹൊവേർ കുടുംബം റിവർലാൻഡ്സിനേയും കീഴടക്കി അടിമകളാക്കി വെച്ചിരുന്നു,

എന്നിട്ട് അവരെ ഹാരെൻഹാളിൽ ഇരുന്ന് ഭരിച്ചു.

അവർ ഭീമാകാരമായ ഒരു കോട്ട ഗോഡ്സ് ഐയുടെ തീരത്ത് അവർ പണിതുയർത്തിയിരുന്നു.

വടക്കുള്ള തരിശ് ഭൂമി അടക്കി വെച്ചിരുന്നത് സ്റ്റാർക്ക് കുടുംബം ആയിരുന്നു,

രാജ്യങ്ങളിൽ വെച്ച് ഏറ്റവും പുരാതനവും , വലുതും , വിജനവും ആയ സ്ഥലം ആയിരുന്നു അത്.

വെസ്റ്റർലാൻഡ്സ് ഭരിച്ചിരുന്നത് ലാനിസ്റ്റർ കുടുംബം ആയിരുന്നു,

ഏറ്റവും സമ്പന്നമായ രാജ്യം , അതിന് അവരുടെ സ്വർണ്ണ ഖനികൾക്ക് നന്ദി.

റീച്ച് ഭരിച്ചിരുന്നത് ഗാർഡനർ കുടുംബം ആയിരുന്നു,

സമ്പന്നമായ രണ്ടാമത്തെ രാജ്യം ,അതിന് അവരുടെ ധാന്യ വിളകൾക്ക് നന്ദി.

വെയ്ൽ അടക്കി വെച്ചിരുന്നത് ആര്യൻ കുടുംബം ആയിരുന്നു , മറ്റൊരു തരത്തിൽ വെയ്ൽ ആയിരുന്നു അവരെ അടക്കി വെച്ചിരുന്നത്.

ബ്ലഡി ഗേറ്റിൽ കൂടിയല്ലാതെ പാർവ്വതങ്ങൾ കടക്കുക അസാദ്യം ആയിരുന്നു.

അത് ഒരിക്കലും പിടിച്ച് അടക്കിയിരുന്നില്ല.

ഡോണിലെ മരുഭൂമികൾ ഭരിച്ചിരുന്നത് മാർട്ടൽ കുടുംബം ആയിരുന്നു.

ചിലപ്പോൾ ആ മരുഭൂമികൾ വേറെ ആർക്കും വേണ്ടാത്തത് കൊണ്ടാകാം.

ഈ ഏഴ് രാജ്യങ്ങളും കൂടി ഒരുമിച്ച് ചേർന്ന് വെസ്റ്ററോസ് ആയി,

അത് വരെയും ഒരു സാമ്രാജ്യവും അല്ലാതിരുന്ന ഒരു സാമ്രാജ്യം.

മഹത്വം എന്താണ് എന്ന് പോലും അറിയാത്ത മഹത്തായ കുടുംബങ്ങൾ ആയിരുന്നു അവ ഭരിച്ചിരുന്നത്.

ഈഗൻ അവരെ അത് പഠിപ്പിക്കും.

അദ്ധ്യായം : രണ്ട് ആക്രമണം

വാരിസ് : ഡുറാൻഡോൺ കുടുംബം അവരെ സ്വയം വിളിച്ചിരുന്നത് "സ്‌റ്റോം കിംഗ്‌സ്" എന്നായിരുന്നെങ്കിലും,

അവർ വെറും അതിഥികളെ പോലെ ആയിരുന്നു.

സ്‌റ്റോംലാൻഡ്സിലെ അവരുടെ രാജ്യം ആടി ഉലഞ്ഞു അതിന്റെ അവസാനത്തിലേയ്ക്ക് അടുത്ത് കൊണ്ടിരിക്കുകയായിരുന്നു.

കഴിഞ്ഞ കുറച്ച് നൂറ്റാണ്ടുകളായി,

അതിന് മറ്റ് കുടുംബങ്ങളും അവരെ സഹായിച്ചു ,

ഏറ്റവും കൂടുതൽ ആയി സഹായിച്ചത് ഹോയർ കുടുംബം ആയിരുന്നു,

അവർ ഹാരെൻഹാളിലെ ആ ഭീമാകാരമായ കോട്ട ഏകദേശം ഉണ്ടാക്കി കഴിഞ്ഞ ശേഷം ,

റിവർലാൻഡ്സ് മാത്രം ഭരിക്കാൻ അത് വളരെ വലുതും വിലപിടിച്ചതും ആയ ഒരു സ്ഥാനം തന്നെ ആയിരുന്നു

രാജാവ് അർഗിലാക്കിന് അറിയാമായിരുന്നു , വൈകാതെ തന്നെ അയൺബോണുകൾ അവർക്ക് എതിരെ തിരിയും എന്ന്.

നിങ്ങൾ വിചാരിക്കും തന്റെ കിരീടം നില നിർത്തണം എന്നുള്ള ഒരു രാജാവ്

തീ തുപ്പുന്ന ഭീകര ജീവികൾ ഉള്ള ഒരാളെ കുറിച്ച് ശ്രദ്ധാലുവായിരിക്കും എന്ന്.

പക്ഷേ രാജാവ് അർഗിലാക്ക് ഡുറാൻഡോണിനെ വെറുതെ ആയിരുന്നില്ല "അഹങ്കാരി" എന്ന് വിളിച്ചിരുന്നത്.

അയാളുടെ കുടുംബത്തിന്റെ അധഃപതനത്തെ പിടിച്ച് നിർത്താൻ തീരുമാനിച്ചു ,

അയാൾ ഒരു ദൂതനെ ഡ്രാഗൺസ്‌റ്റോണിലേയ്ക്ക് അയച്ചു.

ഈഗൻ റ്റാർഗേറിയനേയും അവന്റെ ഡ്രാഗണുകളെയും അയാളുടെ ശത്രുക്കൾക്ക് എതിരെ അണിനിരത്താൻ വേണ്ടിയായിരുന്നു അത്.

പകരം അർഗിലാക്ക് നൽകാം എന്ന് പറഞ്ഞിരുന്നത് അയാളുടെ കീഴിൽ അല്ലാതിരുന്ന ഒരു സ്ഥലവും...

പിന്നെ ഈഗന് ആവശ്യമില്ലാത്ത ഒരു ഭാര്യയേയും ആയിരുന്നു.

കാരണം എല്ലാ വലേറിയൻമാരെയും പോലെ തന്നെ ഈഗനും അയാളുടെ മൂത്ത ചേച്ചിയായിരുന്ന വിസന്യയെ വിവാഹം കഴിച്ചിരുന്നു.

പിന്നെ , വലേറിയൻമാർ ചെയ്യാത്തത് പോലെ അയാളുടെ ഇളയ സഹോദരിയായ റേനിസിയെയും അയാൾ തന്നെയാണ് എടുത്തിരുന്നത്.

രണ്ട് സഹോദരിമാർ , രണ്ട് ഭാര്യമാർ

ചിലപ്പോൾ അതുകൊണ്ടായിരിക്കാം അയാൾക്ക് എങ്ങനെയെങ്കിലും ഡ്രാഗൺസ്‌റ്റോണിൽ നിന്നും പുറത്ത് കടക്കണം എന്ന് തോന്നിയത്.

ഈഗൻ അർഗിലാക്കിനെ മര്യാദ പൂർവ്വം ആയിരുന്നു എതിരിട്ടത്.

അയാൾ അയാളുടെ ഒരു ദൂതനെ അയച്ചു

ഈഗന്റെ ഏറ്റവും അടുത്ത സുഹൃത്തിന് രാജകുമാരി ഡുറൻഡോണിന്റെ കൈ പിടിച്ച് കൊടുക്കാൻ ഉള്ള അഭ്യർത്ഥനയുമായി.

കിംവദന്തികൾ ഉണ്ടായിരുന്നു അത് ഈഗന്റെ അർദ്ധ സഹോദരൻ കൂടിയായ ഓറിസ് ബരാത്തിയൻ ആയിരുന്നു എന്ന്.

അർഗിലിക്ക് അതിന് ഉത്തരം കൊടുത്തത് ഒരു പെട്ടിയും ഒരു കുറിപ്പും കൊണ്ടായിരുന്നു,

"ഈ കൈകൾ മാത്രമേ നിന്റെ ബാസ്റ്റർഡിന് എന്റെ കയ്യിൽ നിന്നും ലഭിക്കുകയുള്ളൂ"

ആ പെട്ടിക്ക് അകത്ത് ഈഗന്റെ ദൂതന്റെ കൈകൾ ആയിരുന്നു.

എത്ര നാൾ ആയിട്ട് അങ്ങനെ ഒരു മുടക്കുന്യായത്തിനായിട്ട് ഈഗൻ കാത്തിരിക്കുകയായിരുന്നു എന്ന് അറിയാമോ ?

അയാളുടെ സൈന്യം നാവിക യാത്രയ്ക്കായി തയ്യാർ എടുക്കുമ്പോൾ,

ഈ ഏഴ് രാജ്യങ്ങളിലെയും എല്ലാ മഹാന്മാരായ ലോർഡുകളുടെ അടുത്തേയ്ക്കും കാക്കകൾ പറന്ന് കൊണ്ടിരിക്കുകയായിരുന്നു.

എല്ലാ കാക്കകളും വഹിച്ചിരുന്നത് ഒരേ സന്ദേശം ആയിരുന്നു.

ഇന്ന് മുതൽ വെസ്റ്ററോസിൽ ആകെ ഒരൊറ്റ രാജാവേ ഉണ്ടാകൂ

റ്റാർഗേറിയൻ കുടുംബത്തിലെ ഈഗന്റെ മുന്നിൽ മുട്ട് കുത്തുന്നവർക്ക്

അവരുടെ സ്ഥലവും സ്ഥാന മാനങ്ങളും നിലനിർത്താം

അയാൾക്കെതിരെ ആയുധം എടുത്തവരെ

അധികാരത്തിൽ നിന്നും വലിച്ച് താഴെ ഇടുകയും മാനഹാനിവരുത്തുകയും നശിപ്പിക്കുകയും ചെയ്യും.

പാവം കിളവൻ അർഗിലിക്ക്

അയാൾക്ക് അഹങ്കാരത്തിന്റെ കാര്യത്തിൽ പോലും ഈഗന് ഒപ്പം എത്താൻ ആയില്ല.

ഈഗൻ ബ്ലാക്ക്‌ വാട്ടർ നദിയുടെ നദീമുഖത്ത് വന്ന് ഇറങ്ങി.

എന്നിട്ട് ഒരു പ്രാകൃതമായ "ഈഗൻകോട്ട" പടുത്തുയർത്തി.

ഹാരെന്റെയും അർഗിലിക്കിന്റെയും രാജ്യങ്ങൾക്ക് ഇടയിൽ തർക്കത്തിൽ കിടന്ന സ്ഥലത്ത് ആയിരുന്നു അത്.

അത്കൊണ്ട് അവർക്ക് രണ്ട് പേർക്കും തീരുമാനിക്കാൻ കഴിഞ്ഞിരുന്നില്ല അവരിൽ ആർക്ക് ആണ് ഈഗൻ പ്രശ്നമാകുക എന്ന്.

ഈ ഏഴ് രാജ്യങ്ങളുടെയും ആചാരങ്ങൾ അംഗീകരിച്ച് കൊണ്ട് തന്നെ,

ഈഗൻ അയാളുടെ സ്വന്തം ബാനർ പറത്തി.

മൂന്ന് തലകൾ ഉള്ള തീ തുപ്പുന്ന ഒരു ചുവന്ന ഡ്രാഗണിന്റെ ചിത്രമുള്ള ഒരു കറുത്ത ബാനർ ആയിരുന്നു അത്.

വിസെന്യ മരതകം പതിപ്പിച്ച വലേറിയൻ സ്റ്റീൽ കൊണ്ടുള്ള ഒരു വളയം അവന് കിരീടമാക്കി,

അതേ സമയം റേനിസ്

യുഗാരംഭം മുതൽ ഈ ഭൂഖണ്ഡം കണ്ടിട്ടുള്ള ഏറ്റവും വലിയ രാജാവ് എന്ന് അയാളെ വാഴ്ത്തി.

അപ്പോൾ അയാളുടെ ലോർഡുകളും തദ്ദേശ വാസികളും ഒരുമിച്ച് കൂടി ആഹ്ലാദിച്ചു.

ഈഗൻ തന്റെ വിശ്വസ്തരായ സുഹൃത്തുക്കളുടെ പേരുകൾ ഒരു "ചെറിയ ഉപദേശക സമിതിയിലേയ്ക്ക്"പ്രഖ്യാപിച്ചു.

അത് നയിച്ചിരുന്നത് ഓറിസ് ബരാത്തിയൻ ആയിരുന്നു, അവനെ ഈഗൻ വിളിച്ചിരുന്നത് "എന്റെ ശക്തമായ വലത് കൈ" എന്നായിരുന്നു.

ആ പേര് അങ്ങ് ഉറച്ചു.

അങ്ങനെ ഒരു ബാസ്റ്റഡ് ആദ്യമായി രാജാവിന്റെ ആദ്യത്തെ ഹാൻഡ് ആയി മാറി.

പക്ഷേ അപ്പോഴും ഈഗന്റെ രാജ്യത്തിൽ ആകെ ഉണ്ടായിരുന്നത് പാറകൾ നിറഞ്ഞ ദ്വീപുകളും വിരലിൽ എണ്ണാവുന്ന ചില പാടങ്ങളും മാത്രമായിരുന്നു.

മറ്റ് രാജാക്കന്മാർക്ക് വലിയ സൈന്യങ്ങളും , കപ്പലുകളും , കോട്ടകളും ആയിരകണക്കിന് വർഷത്തെ ഭരണവും ഉണ്ടായിരുന്നു.

പക്ഷേ ഈഗന്റെ അടുത്ത് ഡ്രാഗണുകൾ ഉണ്ടായിരുന്നു.

അയാൾ അയാളുടെ കുടുംബത്തിന് വേണ്ടിയുള്ള മുദ്രാവാക്യം തിരഞ്ഞെടുത്ത് കഴിഞ്ഞിരുന്നു "ഫയർ ആന്റ് ബ്ലഡ്" (അഗ്നിയും രക്തവും)

അയാൾ എല്ലാം ചെയ്ത് കഴിയുന്നതിന് മുൻപ് തന്നെ നദികളും ,പാടങ്ങളും ആകാശവും ചുവന്ന നിറം ആകുമായിരുന്നു.

അദ്ധ്യായം : മൂന്ന് ഹോയർ കുടുംബം : റിവർലാൻഡ്സിലെ അയൺബോൺ രാജാക്കന്മാർ

യൂറോൺ: ഹോയർ കുടുംബത്തിലെ ഹാരെന് പാരമ്പര്യ സ്വത്തായി ഒരു രാജ്യം ലഭിച്ചിരുന്നു.

അത് അയൺ ഐലൻഡ്സ് മുതൽ ട്രിഡെന്റ് വരെ നീണ്ട് പരന്ന് കിടന്നിരുന്നു.

പൈക്ക് പോലെയൊരു വൃത്തിക്കെട്ട കോട്ടയിൽ ഇരുന്ന് ഭരിക്കാൻ കഴിയുന്നതിനെക്കാൾ വളരെ വലുതായിരുന്നു ആ രാജ്യം.

40 വർഷത്തേക്ക് അദ്ദേഹത്തിന്റെ അയൺ ബോണുകൾ

റിവർലാൻഡ് കൊള്ളയടിച്ച് കൊണ്ടിരുന്നു.

കല്ലിനും , തടിക്കും , അടിമകൾക്കും വേണ്ടി എന്നിട്ട് അദ്ദേഹത്തിന് അർഹമായ ഒരു കോട്ട പണിയുന്നതിന് വേണ്ടിയായിരുന്നു അത്.

ഇതിഹാസങ്ങളിൽ ഉള്ളത് കല്പണിക്കാരന്‍മാർ ഹാരെൻ ഹാളിലെ അവസാനത്തെ കല്ല് വെച്ച

അന്ന് തന്നെയായിരുന്നു ഈഗൻ വെസ്റ്ററോസിൽ വന്ന് ഇറങ്ങിയത് എന്നാണ്.

ചിലപ്പോൾ അതൊരു ദിവ്യമായ ശകുനം ആയിരുന്നിരിക്കാം.

ചിലപ്പോൾ ഡ്രാഗണുകൾ അവിടെ എത്തുന്നതിന് മുൻപേ കല്പണിക്കാർക്ക് അവിടെ നിന്നും തടി തപ്പണം എന്ന് ഉള്ളത് കൊണ്ട് ആയിരുന്നിരിക്കാം.

അവർ മാത്രമായിരുന്നില്ല.

ഈഗന്റെ വരവ് അറിഞ്ഞ്

ഹാരെന്റെ റിവർ ലോർഡുകൾ ലഹളയുണ്ടാക്കി അത് നയിച്ചിരുന്നത് റ്റള്ളി കുടുംബം ആയിരുന്നു.

അത് ഹാരെൻ ശ്രദ്ധിച്ചിരുന്നോ എന്ന് എനിക്ക് സംശയമാണ്.

ഹാരെൻഹാളിന് ഒരു ലക്ഷം ആളുകളുടെ സൈന്യത്തെ പോലും എതിർത്ത് നിൽക്കാൻ ആകുമായിയുന്നു.

ഒരു ഏണിക്കും ആകില്ലായിരുന്നു അതിന്റെ മതിലിലെ ഏറ്റവും ഉയർന്ന സ്ഥലം വരെ എത്താൻ.

ഒരു ഇടിയന്ത്രതത്തിനും ആകില്ലായിരുന്നു അതിന്റെ മതിൽ തകർക്കാൻ.

കോട്ട ഒരു വൃദ്ധയായ കന്യകയുടെ *** പോലെ കടക്കാൻ കഴിയാത്തത് ആയിരുന്നു.

ഹാരെൻ തന്നെ അയാളുടെയും , അയാളുടെ പുത്രന്മാരുടെയും അയാളുടെ അയൺബോണിന്റെയും ചുറ്റും ഉണ്ടായിരുന്ന കവാടങ്ങൾ എല്ലാം അടച്ചു ,

എന്നിട്ട് ഈഗന്റെ സൈന്യം ലക്ഷ്യം കാണാതെ മടങ്ങുന്നതും കാത്ത് ഇരുന്നു.

അവസാനം ഈഗൻ ആ ഭീമാകാരമായ കോട്ട കണ്ടപ്പോൾ , അയാൾ സന്ധിചെയ്യാമോ എന്ന് ചോദിച്ചു.

ഹാരെൻ അത് അനുവദിച്ചു.

വലേറിയ ആയിരുന്നു ലോകം കണ്ടിട്ടുള്ളതിൽ വെച്ച് ഏറ്റവും വലിയ സാമ്രാജ്യം.

ഹാരെന് അതിന്റെ ചാരത്തിൽ മൂത്രം ഒഴിക്കണം എന്നായിരുന്നു.

ഈഗൻ : "ഇപ്പോൾ തന്നെ കീഴടങ്ങിയാൽ , നിനക്ക് അയൺ ഐലഡ്സിന്റെ ലോർഡ് ആയി തന്നെ തുടരാം."

"ഇപ്പോൾ തന്നെ കീഴടങ്ങിയാൽ , നിനക്ക് ശേഷം ഭരിക്കാൻ നിന്റെ പുത്രന്മാരും ജീവനോടെയുണ്ടാകും."

"നീ കണ്ടില്ലേ മതിൽക്കെട്ടിന് പുറത്ത് എന്റെ സൈന്യം നിൽക്കുന്നത്."

"നീ കണ്ടില്ലേ എന്റെ ഡ്രാഗണുകളെ."

ഹാരെൻ: "എന്റെ മതിൽക്കെട്ടിന് പുറത്ത് എന്താണ് എന്നത് എന്നെ സംബന്ധിക്കുന്ന വിഷയം അല്ല"

"ആ മതിലുകൾ ശക്തവും നല്ല കനമുള്ളതും ആണ്."

ഈഗൻ : " ഡ്രാഗണുകൾക്ക് പറക്കാം"

ഹരെൻ : "പക്ഷേ കല്ലുകൾ കത്തില്ലല്ലോ "

ഈഗൻ : "സൂര്യൻ അസ്തമിക്കുമ്പോൾ നിന്റെ പരമ്പര അവസാനിക്കും"

ഹാരെൻ : കാർക്കിച്ച് തുപ്പിയിട്ട് തിരിച്ച് അദ്ദേഹത്തിന്റെ കോട്ടയിലേയ്ക്ക് പോയി.

അകത്ത് കയറിയ ഉടൻ തന്നെ അദ്ദേഹം സ്ഥലങ്ങളും, സമ്പത്തും പിന്നെ റ്റള്ളികളുടെ പെൺമക്കളെയും എല്ലാം

ഈഗനെയും അവന്റെ ഡ്രാഗണുകളെയും നിലംപരിശ് ആക്കുന്നയാൾക്ക് നൽകും എന്ന് വാഗ്ദാനം ചെയ്തു.

സൂര്യൻ ചക്രവാളത്തിന് താഴെ മുങ്ങി തുടങ്ങിയതും ,

കോട്ടമതിലിന് മുകളിൽ റോന്തു ചുറ്റിക്കൊണ്ടിരുന്ന ഹാരെന്റെ എല്ലാ ആൾക്കാരും,

വീശിയടിക്കുന്ന ഓരോ കൊടുങ്കാറ്റിനും ഒപ്പം ചിറകിന്റെ ശബ്ദം കേൾക്കാൻ തുടങ്ങി.

പക്ഷേ ചന്ദ്രൻ ഉദിച്ച് അസ്തമിച്ചിട്ടും

ഡ്രാഗണുകളെ ഒന്നും കാണാൻ കഴിഞ്ഞില്ല.

വിസേരിസ് : അയൺ ബോണുകൾ കോട്ട മതിലുകൾ മുഴക്കി കൊണ്ടിരുന്നപ്പോൾ,

ഈഗൻ തന്റെ ബലേറിയൻ എന്ന ഡ്രാഗണെ കൂടുതൽ കൂടുതൽ ഉയരത്തിലേയ്ക്ക് ആ രാത്രിയിലെ ആകാശത്തിലേയ്ക്ക് പറത്തുകയായിരുന്നു.

മഹത്തായ ഹാരെൻഹാൾ കോട്ട പോലും അവരുടെ കീഴിൽ ഒരു ചിതല്‍പുറ്റ്‌ പോലെ തോന്നാൻ വേണ്ടിയായിരുന്നു അങ്ങനെ ചെയ്തത്.

എന്നിട്ട് അവർ നേരെ കോട്ടയിലേയ്ക്ക് കുതിച്ചു , നല്ലവണ്ണം സംരക്ഷിച്ചിരുന്ന ആ മതിൽ കെട്ടിന് ഉള്ളിലേയ്ക്ക്.

ഹാരെൻ ഹാളിലെ 5 ഗോപുരങ്ങൾ ഒരു കൈ എന്ന പോലെ ഈഗന്റെ അടുത്തേയ്ക്ക് എത്തിയിരുന്നു.

ബലേരിയൻ അവന്റെ വാ തുറന്ന് എല്ലാ വിരലുകളെയും തീയിൽ കുളിപ്പിച്ചു.