هبه طوجي - لا بداية ولا نهاية

ليش

صيف السنه انتهى بسرعة

واحمرت أحراش الغار

والمرا اللي شعرا أحمر

متلن شعلانه بالنار

لا بداية ولا نهاية

والوقت مارق غريب

متل مروري بأفكارك

لحظة بتلمع وبتغيب

ياعصافير السهل الجايي

تبشر بشتي تشرين

وجوه وأسامي ببالي

حدا يذكرني لمين

الدنيي حلقة وعم بتدور

والقمر بالسما يدور

صيف السنة انطرنا القمر

عـ سطوح السهر تايطل

وهدينا عقارب الساعة

خايفين الوقت ليفل

مافي قوة بهالدنيي

بتأخر هبوب الريح

شعرك والكرز واللوز

بأول الموسم تلويح

ياعصافير السهل الجايي

تبشر بشتي تشرين

وجوه وأسامي ببالي

حدا يذكرني لمين

الدنيي حلقة وعم بتدور

والقمر بالسما يدور

إنت حولي وأنا حولك

في شي جاذبنا ومندور

الصيف إنتهى ماقلتلك

شي بيزعل ليش زعلان

العشاق بتبقى أساميهن

على الموج و عـ الشطئان

سامع متلي صوت الجرس

مدري بأي وديان

عم ينده لحدا ضايع

بدّو يدلّو عالإيمان

مطرح صبيعك عـ كتفي

عم يحرقني من إيام

يمكن لو تبسلي المطرح

بتهدا أوجاعي

و بتنام صيف السنة انتهى بسرعة